Ecce nomen domini venit de longinquo et claritas ejus replet orbem terrarum

Regem venturum dominum venite adoremus

Hora est jam nos de somno surgere et aperti sunt oculi nostri surgere ad Christum quia lux vera est fulgens in caelis

-- --

Aspiciens a longe ecce video dei potentiam venientem et nebulam totam terram tegentem ite obviam ei et dicite nuntia nobis si tu es ipse qui regnaturus es in populo Israel

Quique terrigenae et filii hominum simul in unum dives et pauper

Qui regis Israel intende qui deducis velut ovem Joseph

Tollite portas principes vestras et elevamini portae aeternales et introibit

Aspiciebam in visu noctis et ecce in nubibus caeli filius hominis venit et datum est ei regnum et honor et omnis populi tribus et linguae servient ei

Ecce dominator dominus cum virtute veniet

Missus est Gabriel angelus ad Mariam virginem desponsatam Joseph nuntians ei verbum et expavescit virgo de lumine ne timeas Maria invenisti gratiam apud dominum ecce concipies et paries et vocabitur altissimi filius

Ave Maria gratia plena dominus tecum

Ex Sion species decoris ejus R. Deus noster manifeste veniet

Emitte agnum domine dominatorem terrae R. De petra deserti*

Egredietur dominus de loco sancto suo*

Super te Jerusalem orietur dominus

Et*

Montes Israel ramos vestros expandite et florete et fructus facite prope est ut veniat dies domini

Rorate caeli desuper et nubes pluant justum aperiatur terra et germinet salvatorem

Nox praecessit dies autem appropinquabit abiciamus ergo opera tenebrarum et induamur arma lucis sicut in die honeste ambulemus

Egredietur dominus de loco sancto suo*

Ave Maria gratia plena dominus tecum spiritus sanctus superveniet in te et virtus altissimi obumbrabit tibi quod enim ex te nascetur sanctum vocabitur filius dei

Tollite portas principes*

Salvatorem exspectamus dominum Jesum Christum qui reformavit corpus humilitatis nostrae configuratum corpori claritatis suae

Praeoccupemus faciem ejus in confessione et in psalmis jubilemus ei

Audite verbum domini gentes et annuntiate illud in finibus terrae et in insulis quae procul sunt dicite salvator noster adveniet

A solis ortu et occasu ab aquilone et mari

Alieni non transibunt per Jerusalem amplius nam in illa die stillabunt montes dulcedinem et colles fluent lac et mel dicit dominus

Ego veniam dicit dominus et sanabo contritionem populi mei

Dicite filiae Sion ecce rex tuus veniet tibi Sion noli timere ecce rex tuus veniet

Ex Sion species*

Ecce virgo concipiet et pariet filium dicit dominus et vocabitur nomen ejus admirabilis deus fortis

Tollite portas*

Obsecro domine mitte quem missurus es vide afflictionem populi tui sicut locutus es veni et libera nos

A solis ortu*

Laetentur caeli et exsultet terra jubilate montes laudem quia dominus noster veniet et pauperum suorum miserebitur

Ecce dominator dominus*

Ecce dies veniunt dicit dominus et suscitabo David germen justum et regnabit rex et sapiens erit et faciet judicium et justitiam in terra et hoc est nomen quod vocabunt eum dominus justus noster

In diebus illis salvabitur Juda et Israel habitabit confidenter

In illa die stillabunt montes dulcedinem et colles fluent lac et mel alleluia

Jucundare filia Sion exsulta satis filia Jerusalem alleluia

Ecce dominus veniet et omnes sancti ejus cum eo et erit in die illa lux magna alleluia

Omnes sitientes venientes venite ad aquas quaerite dominum dum inveniri potest alleluia

Ecce veniet propheta magnus et ipse renovabit Jerusalem alleluia

Super te Jerusalem orietur dominus

Veni ad liberandum nos domine deus virtutum

Et ostende faciem tuam et salvi erimus

Vox clamantis in deserto*

Spiritus sanctus in te descendet Maria ne timeas habebis in utero filium dei alleluia

Sede a dextris*

Tu exsurgens domine misereberis Sion

Quia tempus miserendi ejus quia venit tempus

Ne timeas Maria invenisti gratiam apud dominum ecce concipies et paries filium alleluia

Regem venturum*

Angelus domini nuntiavit Mariae et concepit de spiritu sancto alleluia

Qui venturus est veniet et non tardabit jam non erit timor in finibus nostris

Veni et libera nos deus noster

Timebunt gentes*

Tuam domine excita potentiam et veni ad salvandum nos

Memento nostri domine*

In tuo adventu erue nos domine

Domine deus virtutum*

Jerusalem respice ad orientem et vide alleluia

Antequam convenirent inventa est Maria habens de spiritu sancto alleluia

Quaerite dominum dum inveniri potest invocate eum dum prope est alleluia

Antequam convenirent*

Quaerite dominum*

De Sion exibit lex et verbum domini de Jerusalem

Veniet fortior me post me cujus non sum dignus solvere corrigiam calciamentorum ejus

Benedicta tu in mulieribus et benedictus fructus ventris tui

Exspectabo dominum salvatorem meum et praestolabor eum dum prope est alleluia

Ex Aegypto vocavi filium meum veniet ut salvet populum suum

Ecce veniet deus et homo de domo David sedere in throno alleluia

Sion noli timere ecce deus tuus veniet alleluia

Beatus Nicolaus*

O pastor aeterne o clemens et bone custos qui dum devoti gregis preces attenderes voce lapsa de caelo praesuli sanctissimo dignum episcopatu Nicolaum ostendisti tuum famulum

Confessorum regem adoremus qui caelestis regni meritis et gloriam concessit sancto suo Nicolao

Nobilissimis siquidem natalibus ortus velut lucifer Nicolaus emicuit

Postquam domi puerilem decursat aetatem cunctis mundi hujus spretis oblectationibus Christi se jugo subiciens documentis sanctis suum praebuit auditum

Infantia teneriori decursa corpus jejuniis macerabat

Innocenter puerilia jura transcendens evangelicae institutionis discipulus effectus est

Pudore bono repletus dei famulus sumptibus datis stupri nefas prohibuit

O mira caritas quae ita miserias doluit alienas

Justum deduxit*

Confessor dei Nicolaus nobilis progenie sed nobilior moribus ab ipso puerili aevo secutus dominum meruit divina revelatione ad summum provehi sacerdotium

Erat enim valde compatiens et super afflictos pia gestans viscera

Juravit dominus*

Operibus sanctis Nicolao humiliter insistente revelatione divina provectus est ad summum sacerdotii gradum

Voce quippe de caelo lapsa quidam insinuat praesuli dignum episcopatu Nicolaum

Quadam die tempestate saevissima quassati nautae coeperunt sanctum vocare Nicolaum et statim cessavit tempestas

Mox illis clamantibus apparuit quidam dicens eis ecce adsum quid vocastis me

Auro virginum incestus auro patris earum inopiam auro prorsus utrorumque detestabilem infamiam dei servus ademit Nicolaus

Gloriam mundi sprevit cum suis oblectationibus et ideo meruit provehi ad summum sacerdotii gradum

Pontifices almi divina revelatione laetificati Nicolaum tunc praesulem devotissime consecraverunt

Sanctus quidem triticum quod a nautis postulaverat acceptum cum sagacitate distribuere et augeri precibus impetravit

Muneribus datis neci sunt juvenes innocenter addicti quibus domini servus fuit vitae praesidium festinanter

Omnibus se invocantibus benignus adest sanctus Nicolaus gloria tibi trinitas deus

Amavit eum dominus*

Audiens Christi confessor trium juvenum innocentium necem praecucurrit quantocius ad locum quo fuerant plectendi et liberavit eos

Statimque solutos a vinculis usque ad praetorium consulis secum adduxit