Dum sacrum mysterium cerneret Joannes archangelus Michael tuba cecinit dignus est domine deus noster accipere librum et aperire signacula ejus alleluia

Angelorum regi deo jubilemus pariter Michaelem venerantes primatem sollemniter

Omnes fideles Christi devoti concurrite ad hanc sollemnitatem sancti Michaelis archangeli

Data est potestas archangelo Michaeli super animas justorum atque peccatorum

Stetit angelus juxta aram templi habens thuribulum aureum in manu sua

Data sunt ei incensa multa ut adoleret ea ante altare aureum quod est ante oculos domini

Ascendit fumus aromatum in conspectu domini de manu angeli

Angelus archangelus Michael dei nuntius de animabus justis alleluia alleluia

Adorate dominum R. Omnes angeli ejus*

Factum est silentium in caelo dum committeret bellum draco cum Michael archangelo et audita est vox milia milium dicentium salus honor et virtus omnipotenti deo

Milia milium ministrabant ei et decies milies centena milia assistebant ei

Stetit angelus juxta aram templi habens thuribulum aureum in manu sua et data sunt ei incensa multa et ascendit fumus aromatum de manu angeli in conspectu domini

In conspectu angelorum psallam tibi et adorabo ad templum sanctum tuum

In conspectu gentium nolite metuere vos enim in cordibus vestris adorate et timete dominum angelus enim ejus vobiscum est

Stetit angelus juxta aram templi habens thuribulum aureum in manu sua et data sunt ei incensa multa

Michael et angeli ejus pugnabant cum diabolo et ille hostis antiquus victus est ab eo

Angelus archangelus Michael dei nuntius de animabus justis

Michael praepositus paradisi quem honorificant angelorum cives

Archangele Michael constitui te principem super omnes animas suscipiendas

Archangele dei Michael nuntius summi ora pro nobis in conspectu domini

Te sanctum dominum in excelsis laudant omnes angeli una voce dicentes te decet hymnus deus

Gloriosus apparuisti in conspectu domini propterea decorem induit te dominus

Concussum est mare et contremuit terra ubi archangelus Michael descendebat de caelo

Benedicite domino R. Omnes angeli ejus potentes*

In conspectu angelorum psallam tibi et adorabo ad templum sanctum tuum et confitebor nomini tuo domine

Super misericordia tua et veritatem tuam quoniam magnificasti super omne nomen sanctum tuum

Hic est Michael archangelus princeps militiae angelorum cujus honor praestat beneficia populorum et oratio perducit ad regna caelorum

Angeli archangeli throni et dominationes principatus et potestates virtutes caelorum

Venit Michael archangelus cum multitudine angelorum cui tradidit deus animas sanctorum ut perducat eas in paradisum exsultationis

Emitte domine spiritum tuum de caelis spiritum sapientiae et intellectus

Te sanctum dominum in excelsis laudant omnes angeli dicentes te decet laus et honor domine

Cherubim quoque et seraphim sanctus proclamant et omnis caelicus ordo dicens

Gloria patri et filio et spiritui sancto

Laudemus dominum quem laudant angeli quem cherubim et seraphim sanctus sanctus sanctus proclamant

Numquid scis quare venerim ad te et nunc revertar ut proelier adversus principem Persarum contradicentem tuis precibus et meae legationi verumtamen Michael archangelus princeps vester erit adjutor meus

Daniel vir desideriorum intellege verba quae loquor ad te et sta in gradu tuo

Docebo te quae ventura sunt populo tuo in novissimis diebus et annuntiabo tibi quod expressum est in scripturis veritatis et nemo est adjutor meus in omnibus his nisi Michael archangelus princeps vester

Ex die qua posuisti cor tuum ad intellegendum ut te affligeres in conspectu domini propterea exaudita sunt verba tua et ego veni propter sermones tuos

In tempore illo consurget Michael qui stat pro filiis vestris et veniet tempus quale non fuit ex eo ex quo gentes esse coeperunt usque ad tempus illud

In tempore illo salvabitur populus tuus omnis qui scriptus fuerit in libro vitae

Fidelis sermo et omni acceptione dignus Michael archangelus qui pugnavit cum diabolo gratia dei ille victor in caelis exstitit et ille hostis antiquus patuit ruinae magnae

Gaudete angeli et exsultate archangeli de Michael archangelo

Factum est silentium in caelo dum draco committeret bellum et Michael pugnavit cum eo et fecit victoriam alleluia

Dum committeret bellum draco cum Michael archangelo audita est vox milia milium dicentium salus deo nostro alleluia

Dum proeliaretur Michael archangelus cum dracone audita est vox dicentium salus deo nostro alleluia

Angeli domini dominum benedicite in aeternum

Angeli archangeli throni et dominationes principatus et potestates virtutes caelorum laudate dominum de caelis alleluia

Stetit angelus juxta aram templi

Habens thuribulum aureum in manu sua

In conspectu angelorum*

Michael Gabriel cherubim et seraphim qui non cessant clamare cottidie dicentes dignus es domine accipere gloriam alleluia

Omnes fideles*

Data est potestas*

Michael archangele veni in adjutorium populo dei

Archangeli Michaelis interventione suffulti te domine deprecamur ut quos honore prosequimur contingamus et mente alleluia

Factum est silentium*

Dum committeret bellum*

Dum proeliaretur*

Archangele dei*

Stetit angelus*

In conspectu angelorum*

Michael Gabriel Raphael summi nuntii et omnes sancti angeli dei intercedite pro nobis in conspectu domini

Iste est qui ante deum*

Domine quinque*

Euge serve*

Justum deduxit*

In circuitu tuo*

Beatus vir qui suffert*

Iste cognovit*

Stolam jucunditatis*

Coronam auream*

Qui me confessus*

Si quis per me*

Sacerdos et pontifex*

Absterget deus*

Euge serve*

Ecce sacerdos*

Juravit dominus*

Ecce sacerdos*

Amavit eum dominus*

Tradiderunt*

Isti sunt sancti*

Tradiderunt corpora*

Voce clara chorus resonet caelum terra resultet ordines angelici noveni plaudant omnes cives aetherei laudes concelebrent tanto praesuli quo fulsit lumen tantum ecclesiarum chorus novae Jerusalem splendet adauctus gemma viva tam lucida o pretiosissime martyr et pater Dionysi cum sociis tuis assis precamur votis supplicantis populi

Adoremus regem*

Sanctus Dionysius qui tradente beato Clemente Petri apostole successore verbi divini semina gentibus parturienda susceperat

Quo amplius gentilitatis fervere cognovit errorem illuc intrepidus et calore fidei flammatus accessit ac Parisius domino ducente pervenit

Non veritus incredulae gentis experiri feritatem quia virtutem suam praeteritarum poenarum recordatio roborabat

Ecclesia illisque necdum in locis erat et populus ille novam construxit ac officia servientium clericorum ex more constituit probatasque personas honore secundi ordinis ampliavit

Cinctus ergo fide et misericordiam anteponens paulatim sociabat deo quas diabolo subtrahebat

Tantas per illum dominus dignabatur exercere virtutem ut rebellium corda non minus miraculis quam praedicationibus obtineret

Laetamini in domino*

Tunc memorata civitas et conventus Germanorum nobilitate pollebat quia esset salubris aere jucunda flumine fecunda terris arboribus nemorosa et vineis uberrima

Hunc ergo locum dei famulus elegit expetendum

Miroque modo inermi viro non valebat plebs armata resistere

Clamaverunt*

Beati quos elegisti*

Vindica domine*

Adest namque beati Dionysii sacratissima dies in qua triumphans agonem explevit et coronam martyrii accipere meruit de manu domini

Hi sancti viri a beati Dionysii numquam sustinuerunt abesse praesentia quos in unum interrogatio percussoris invenit