Et qui inquirebant mala mihi locuti sunt vanitates et dolos tota die meditabantur

Ne avertas faciem tuam a puero tuo domine quoniam tribulor velociter exaudi me

Eripe me domine ab homine malo*

In proximo est tribulatio mea domine et non est qui adjuvet ut fodiant manus meas et pedes meos libera me de ore leonis ut narrem nomen tuum fratribus meis

Deus deus meus respice in me quare me dereliquisti longe a salute mea

In te jactatus sum ex utero de ventre matris meae deus meus es tu ne discedas a me quoniam tribulatio proxima est et non est qui adjuvet

Erue a framea deus animam meam et de manu canis unicam meam

Pacifice loquebantur mihi inimici mei et in ira molesti erant mihi vidisti domine ne sileas ne discedas a me

Omnes inimici mei adversum me cogitabant mala mihi verbum iniquum mandaverunt adversum me

Doceam iniquos vias tuas et impii ad te convertentur libera me de sanguinibus deus salutis meae