Absterget deus omnem lacrimam ab oculis sanctorum et jam non erit amplius neque luctus neque clamor sed nec ullus dolor quoniam priora transierunt

Justorum autem animae in manu dei sunt et non tanget illos tormentum malitiae

Viri sancti gloriosum sanguinem fuderunt pro domino amaverunt Christum in vita sua imitati sunt eum in morte sua et ideo coronas triumphales meruerunt

Unus spiritus et una fides erat in eis

Tradiderunt corpora sua propter deum ad supplicia et meruerunt habere coronas perpetuas

Isti sunt qui venerunt ex magna tribulatione et laverunt stolas suas in sanguine agni

Sanctis qui in terra*

Haec est generatio*

Laetamini in domino*

Clamaverunt*

Beati quos elegisti domine*

Vindica domine*

Sancti tui domine mirabile consecuti sunt iter servientes praeceptis tuis ut invenirentur illaesi in aquis validis terra apparuit arida et in mari Rubro via sine impedimento

Quoniam percussit petram et fluxerunt aquae et torrentes inundaverunt