Alma redemptoris mater quae pervia caeli porta manes et stella maris succurre cadenti surgere qui curat populo tu quae genuisti natura mirante tuum sanctum genitorem virgo prius tu posterius Gabrielis ab ore sumens illud ave peccatorum miserere

O decus*

Ave maris stella*

Post partum virgo inviolata permansisti

Virgo prudentissima quo progrederis quasi aurora valde rutilans filia Sion tota formosa et suavis es pulchra ut luna electa ut sol

Fons hortorum puteus aquarum viventium quae fluunt impetu de Libano

Fit porta*

In honore beatissimae Mariae virginis jubilemus domino

Exaltata es sancta dei genetrix super choros angelorum ad caelestia regna

Paradisi januae per te nobis apertae sunt quas hodie gloriosa cum angelis triumphas

Benedicta tu in mulieribus et benedictus fructus ventris tui

Diffusa est gratia in labiis tuis

Vidi speciosam sicut columbam descendentem desuper rivos aquarum cujus inaestimabilis odor erat nimis in vestimentis ejus et sicut dies verni circumdabant eam flores rosarum et lilia convallium

Quae est ista quae ascendit per desertum sicut virgula fumi ex aromatibus myrrhae et thuris

Sicut cedrus exaltata sum in Libano et sicut cypressus in monte Sion quasi myrrha electa dedi suavitatem odoris

Et sicut cinnamomum et balsamum aromatizans

Quae est ista quae processit sicut sol et formosa tamquam Jerusalem viderunt eam filiae Sion et beatam dixerunt et reginae laudaverunt eam

Quae est ista quae ascendit per desertum sicut virgula fumi ex aromatibus myrrhae et thuris

Gloria patri et filio et spiritui sancto

Specie tua et pulchritudine tua intende prospere procede et regna

Adjuvabit eam deus vultu suo deus in medio ejus non commovebitur

Sicut laetantium omnium nostrum habitatio est in te sancta dei genetrix

Specie tua et pulchritudine tua

Super salutem et omnem pulchritudinem dilecta es a domino et regina caelorum vocari digna es nam et chori angelorum consortes et concives tui

Specie tua et pulchritudine tua intende prospere procede et regna

Beatam me dicent omnes generationes quia fecit mihi dominus magna quia potens est et sanctum nomen ejus

Et misericordia ejus a progenie in progenies timentibus eum

Ornatam in monilibus filiam Jerusalem dominus concupivit et videntes eam filiae Sion et beatissimam praedicaverunt dicentes unguentum effusum nomen tuum

Astitit regina a dextris tuis in vestitu deaurato circumdata varietate

Gloria patri et filio et spiritui sancto

Gaude Maria virgo cunctas haereses sola interemisti in universo mundo

Dignare me laudare te virgo sacrata da mihi virtutem contra hostes tuos

Post partum virgo inviolata permansisti dei genetrix intercede pro nobis

Adjuvabit eam deus vultu suo

Ista est speciosa inter filias Jerusalem sicut vidistis eam plenam caritate et dilectione in cubilibus et in hortis aromatum

Specie tua et pulchritudine tua intende prospere procede et regna

Beata es virgo Maria dei genetrix quae credidisti domino perfecta sunt in te quae dicta sunt tibi ecce exaltata es super choros angelorum intercede pro nobis ad dominum deum nostrum

Ave Maria gratia plena dominus tecum

O decus virginitatis virgo Maria sola mater innupta sola virgo ante partum virgo in partu virgo post partum mater Christi templum dei domini sponsa mundi domina et caeli regina

Benedicta tu in mulieribus et benedictus fructus ventris tui

Gloria patri et filio et spiritui sancto

Assumpta est Maria in caelum gaudent angeli laudantes benedicunt dominum

Maria virgo assumpta est ad aethereum thalamum in quo rex regum stellato sedet solio

In odore unguentorum tuorum currimus adolescentulae dilexerunt te nimis

Benedicta filia tu a domino quia per te fructum vitae communicavimus

Pulchra es et decora filia Jerusalem terribilis ut castrorum acies ordinata

Post partum virgo inviolata permansisti

Quae est ista quae ascendit sicut aurora consurgens pulchra ut luna electa ut sol terribilis ut castrorum acies ordinata

Descendi in hortum nucum ut viderem poma convallium et inspicerem si floruissent vineae et germinassent mala punica revertere revertere Sunamitis revertere revertere ut intueamur te

Ave maris*

Hodie Maria virgo caelos ascendit gaudete quia cum Christo regnat in aeternum