Confessor dei*

Plaudat laetitia

Ecce sacerdos magnus*

O pastor aeterne o clemens et bone custos qui dum devoti gregis preces attenderes voce lapsa de caelo praesuli sanctissimo dignum episcopatu Nicolaum ostendisti tuum famulum

Beatus Nicolaus*

Confessorum regem adoremus qui caelestis regni meritum et gloriam concessit sancto suo N.

Nobilissimis siquidem natalibus ortus velut lucifer Nicolaus emicuit

Postquam domi puerilem decursat aetatem cunctis mundi hujus spretis oblectationibus Christi se jugo subiciens documentis sanctis suum praebuit auditum

Infantia teneriori decursa corpus jejuniis macerabat

Innocenter puerilia jura transcendens evangelicae institutionis discipulus effectus est

Pudore bono repletus dei famulus sumptibus datis stupri nefas prohibuit

O mira caritas quae ita miserias doluit alienas

Justum deduxit dominus R. Per vias r*

Confessor dei Nicolaus nobilis progenie sed nobilior moribus ab ipso puerili aevo secutus dominum meruit divina revelatione ad summum provehi sacerdotium

Erat enim valde compatiens et super afflictos pia gestans viscera

Operibus sanctis Nicolao humiliter insistente revelatione divina provectus est ad summum sacerdotii gradum

Voce quippe de caelo lapsa cuidam insinuat praesuli dignum episcopatu Nicolaum

O laudanda sancti Nicolai merita gloriosa qui dum pro Christo patriam mundique sprevit pompam adeptus omnium contubernium beatorum et particeps factus praemiorum aeternorum

Inter choros confessorum splendidum possidet locum ubi ipsum fontem omnium intuetur bonorum

Quadam die tempestate saevissima quassati nautae coeperunt sanctum vocare Nicolaum et statim cessavit tempestas

Mox illis clamantibus apparuit quidam dicens eis ecce adsum quid vocastis me

Auro virginum incestus auro patris earum inopiam auro prorsus utrorumque detestabilem infamiam dei servus ademit Nicolaus

Gloriam mundi sprevit cum suis oblectationibus et ideo meruit provehi ad summum sacerdotii gradum

Pontifices almi divina revelatione laetificati Nicolaum tunc praesulem devotissime consecraverunt

Sanctus quidem triticum quod a nautis postulaverat acceptum et sagacitate distribuere et augeri precibus impetravit

Muneribus datis neci sunt juvenes innocenter addicti quibus domini servus fuit vitae praesidium festinanter

Omnibus se invocantibus benignus adest sanctus Nicolaus gloria tibi trinitas deus

Amavit eum dominus R. Et ornavit*

Audiens Christi confessor trium juvenum innocentium necem praecucurrit quantocius ad locum quo fuerant plectendi et liberavit eos

Statimque solutos a vinculis usque ad praetorium consulis secum adduxit

Qui cum audissent sancti Nicolai nomen statim expandunt manus utrasque ad caelum salvatoris laudantes clementiam

Clara quippe voce coram omnibus dignum referebant illum dei famulum

Cognovit eum deus in benedictionibus suis conservavit illi suam clementiam et inveniebat gratiam coram oculis domini

Magnificavit eum in conspectu regum et dedit illi coronam gloriae

Beatus Nicolaus jam triumpho potitus novit suis famulis praebere caelestia commoda qui toto corde poscunt ejus petitiones illi nimirum tota nos devotione oportet committere

Ut apud Christum ejus patrociniis adjuvemur semper

Summe dei praesul Nicolae per quem multi noscuntur liberati nos peccatores tuis laudibus promptissime instantes semper tuere

Juravit dominus et non paenitebit eum R. Tu es sacerdos in aeternum

Summe dei praesul N. tuam catervam protege namque credimus tuis precibus nos semper esse salvandos

Qui tres pueros morti deditos illaesos abire fecisti tuis laudibus instantem conserva plebem

Caelorum rex omnipotens tuam in sancto Nicolao confessore tuo considerantes virtutem tibi totum quod meruit adscribimus ideoque precamur ut apud clementiam tuam et exemplis ejus adjuvemur et meritis

Talis quippe nequaquam nisi gratia tua domne existere valuisset

Ex ejus tumbae marmore sacrum resudat oleum quo liniti sanatur caeci surdis auditus redditur et debilis quisque sospes resiliet

Catervatim ruunt populi cernere cupientes quae per eum fiunt mirabilia

Hodie sanctissimus confessor Christi Nicolaus plenus tripudio migravit ex hoc mundo hinc exsultemus et laetemur quia reddita est ei corona iustitiae

Et factus est perfectorum consors Christi hodie thronum meruit inter eos quicum Christo sunt hoc saeculum indicaviri

Dum Myrensium quidam antistes pulsus ob invidiam esset de sede sua stillicidium manare statim olei sacri desivit

Tamdiu quippe salutaris ille liquor manare cessavit quousque praesul idem cathedram suam reciperet

Beatus Nicolaus pontificatus infulis decoratus talem se exhibuit ut ab omnibus amaretur

Ecclesiae sanctae frequentans limina sacra pectori mandata condebat sagaciter

Opus bonum decenter exercuit et summam praemii a deo exspectabat

Sancte et juste vivendo ad honorem sacerdotii meruit revelari divinitus

Ex ejus tumbae marmore sacrum resudat oleum quo liniti sanantur infirmi et debilis quisque sospes resiliet

Amavit eum dominus*

Plaudat laetitia

Ecce sacerdos magnus*

O per omnia laudabilem virum cujus meritis ab omni clade liberantur qui ex toto corde quaerunt illum

Summe dei praesul*

Nobilissimis siquidem*

Postquam domi*

Justum deduxit dominus*

Infantia teneriori*

Amavit eum dominus*

Innocenter*

Juravit dominus*

Amavit eum dominus*

Plaudat laetitia

Ecce sacerdos magnus*

O Christi pietas omni prosequenda laude qui sui famuli merita longe lateque declarat nam ex tumba ejus oleum manat cunctosque languidos sanat