Laudemus regem Agathae virginis alme reddit qui castis praemia pro meritis

Ancilla Christi dum comprehenderetur ab hostibus Christum dominum defensorem suae pudicitiae in clamavit

Parata tormentis addici quam titulum virginitatis amittere

Gratias tibi ago domine quia memor es mei et misisti ad me apostolum tuum curare vulnera mea

Omnes monasticam professi humilem et arduam vitam laudibus digne devotis tanti stemmatis exaltare pulchram claram margaritam sanctam scilicet Scholasticam quo frater in sorore a monachis veneretur immo deus inutrisque laudetur

Dominum dominorum adoremus Christum qui beatam Scholasticam comsit virginitatis corona

Spiritus ut pandit caelum Scholastica scandit quae prece sua nostra dignetur tergere probra ut bona capere possimus aeterna

Soror namque beatissimi patris nostri benedicti habens nomen Scholastica ad ipso tempore infantiae suae omnipotenti domino dedicata est

Quae liberiori genere ex provincia Nursiae exorta concordia vocabulo spiritalem fortita disciplinam

Quadam vero die venit ex more fratrem videre ad quam sanctus pater cum discipulis descendit qui totum diem in laudibus dei sacrisque colloquiis perducentes consederunt

Jam noctis incumbentibus tenebris simul acceperunt cibos

Cumque adhuc ad mensam consedisset et inter sacra colloquia hora tardior se protraxisset sanctimonialis femina rogavit fratrem suum collocutionis gratia ut nocte illa se non desereret sed commaneret

Cumque sanctus pater petitum negaret ut dilecta deo hoc audiret oratione cum lacrimis ad caelos mox transmissa et inmensa pluvia demissa invitum illum coegit

Post triduum igitur sanctus pater in cella consistens vidit sororis animam de corpore egressam in specie candide columbae penetrare caelum qui gloriae ejus tante congaudens in hymnis et laudibus omnipotenti grates magnas reddidit et ejus obitum fratribus de nuntiavit

Tunc vir dei missis nuntiis qui virginis deferrent corpusculum almum in sepulchro proprio humandum interim totus in viscera pietatis effusus

Sanctus pater Benedictus elevatis in aera oculis vidit spiritum germane sororis sancte videlicet Scholasticae virginis mirabiliter ascendentem ad deum qui est mirabilis dominus in altis

Benedicta Scholastica soror patris Benedicti hodie meruit in confessione atria domini intrare

In velamento alarum tuarum domine protecta virgo beata Scholastica desiderio cordis almo adhaesit misericordiae tuae quae est melior super vitas

Benedico te pater domini mei Jesu Christi quia per filium tuum in numero virginum prudentum me computare dignatus es

Laudate dominum in caelis omnes caelorum virtutes qui vobis adduxit sociam nomine et opere Scholasticam professione monacham perfectione Christi sponsam hujus mundi exulem patrie vere quaesitricem pompae diabolicae contemptricem deum confessam per virtutem animi in defessam

O beata Scholastica virgo clara et deo cara quae in sanctitate et justitia summo regi deservisti funde preces pro nobis apud altissimum qui in suum hodierna die te assumpsit dignanter et potenter thalamum

Canticum illud eximium et virginale beata virgo Scholastica semper cecinit Christo in sui cordis castissimo et sanctissimo penetrali

Beatissima virgo Walburgis cum esset adhuc invencula aetate die noctuque in dei laudibus persistebat orationibus vacabat eleemosynas pauperibus erogabat

Igitur cum fide Christi plenissima moribus esset insignis caritate referta vocante domino caelos ascendit

Et facta est comes multitudo caelestis exercitus sanctissimae animae caelum gaudio penetrantis laudans deum et dicens gloria tibi domine

Sacratae vero moniales virginis con famulae una cum fidelium turba populorum corpus ejus in loco celebri cum ejulatibus condiderunt

Cum una plangentium ac merencium vox populorum altius resonabat

O imitanda virginis castitas gloriosa quae calcatis mundi illecebris protemporalibus mercata est sempiterna

Intuens in caelum beata virgo vidit gloriam sibi paratam et sanctissimam animam domino consignavit