Alma promat ecclesia Marie nunc preconia sua colens primordia que mundo prestant gaudia

Ex Davidis progenie virgo procedit hodie que gingnet regem glorie datorem omnis gracie

Iam salus instat homini conceptu matris domini cuius submissa numini nulli suberat crimini

O miranda concepcio celi fatata nuncio legali connubio procedit sine vicio

Virgo sacrata spiritu sancto in conceptus ritu assis nobis in obitu nos salvans ab interitu

Ut stella lucis previa luna et lux aurore ex pura sunt materia sulte solis splendore sic Marie primordia concepcionis more quevis excludunt vicia celi salvata rore Nam si sunt exemplaria huius sine squalore cur non originalia fulgerent plus decore

Hinc cessent nunc contraria in obloquentis ore dicamus natalicia Marie sancta fore

Sit deo nato gloria una cum genitore cum procedentis gracia ex amborum vigore

Gaude Syon quod cypressus super te extollitur ex qua ramus est progressus de quo flos egreditur cuius fructu nece pressus ad vitam reficitur

Ave virtutum formula Maria maris stella per cuius tu pericula ad portum es ducella iam ut in spinis rosula lates in ventris cella et veluti sub nebula oriris lux novella prodi ut Aaron virgula et floreas tenella quod mundi pascas setula fructum profer puella quo refove nos sedula et ipsum interpella ut delens mortis pocula nobis det vite mella

Adoremus dei patris natum ex pura virgine qui conceptum sue matris preservavit a crimine

Virgo minor paulominus ab angelis creata est ipsis nichilominus in celis iam prelata et sedet Christo cominus honore coronata

In sole tabernaculum per pneumatis spiraculum deus iam aptat sponsus ut fiat habitaculum quo carnis per umbraculum post lateat absconsus

En hec est generacio pro quam instat salvacio vultum dei querencium iam cedit maledicio et venit benediccio pro hanc cunctarum gencium

Aurora lucis rutilat Marie dum concepcio in alvo matris nubilat celi conspersa radio Hinc mundus letus iubilat cui sic instat salvacio

Adam vetus quod polluit posteritatis vicio Adam novus hoc abluit huius natalis gaudio

Beata spes mortalium iam sumit hic inicium concepcione virginis Qua salus cunctis redditur ex hac dum Christus nascitur Ade dampnator criminis

Beata nobis gaudia vite reduxit nuncia mutatrix Eve nominis

Cedat calligo noccium Maria fugans noxium iam surgit ut aurora In uteri matricula quot mundi lustret secula in sui ortus hora

Consors paterni luminis conceptum huius virginis sacravit sine mora

Gloria patri et filio et spiritui sancto

Eructavit verbum bonum angelus divinitus dum predixit partus donum Marie humanitus quam elegit sibi thronum dei unigenitus

Deus tunc tabernaculum suum sanctificavit Marie dum corpusculum in utero formavit tollens peccati stimulum hanc mundam preservavit

De te Syon civitas sunt dicta gloriosa quam nunc fundavit deitas in arma generosa ut tua speciositas sit cunctis fructuosa

Diffusa est gracia

Domus pudici pectoris templum dei nunc struitur que milla labe de fortis aut intra se inficitur Nam summus eius artifex nil agit in materia cum sit virtutum opifex que habet in senicia

Deus creator omnium hic facit mirabilia contra chori commercium sic purgans fomentalia

Eterna celi gloria mundo manifestatur Maria vite nuncia de celis nobis datur per cuius nunc exordia tristicia fugatur pax salus et leticia in terris inchoatur

Ecce tempus ydoneum quo vita restauratur nam corpus hic virgineum templum dei sacratur per cuius

Fit porta Christi per via Maria plena gracia olim prefigurata in ventris iam angustia preter nature vicia conceptu sic fundata Quot transeat cum gloria rex vite ferens gaudia et maneat se rata

Felix muliplici laude nimis ornata adiutrix nostra effici velis virgo beata

Gloria patri et filio et spiritui sancto

Rex celi terre Marium regnare hic disposuit et sibi struxit atrium quo adorari voluit intra cuius sacrarum humanam carnem induit

Lux ecce iustis oritur rectis corde leticia Maria dum concipitur nostre salutis nuncia ex qua salvator nascitur nobis dans vite gaudia

Novum cantate canticum Marie matri gracie cuius per os angelicum conceptus adest hodie ut ipsa sydus celicum solem gignat iusticie

Adiuvabit eam

Genus superni luminis conceptu huius virginis se mundo copulavit Ex cuius gutta sanguinis deus naturam hominis sibi coadunavit

Gaudet domus celestium nobis creator omnium iam celos inclinavit

Honor matris et gaudium que virgo gignet filium orta de stirpe Yesse patens habent iudicium quod propter omne vicium procedit iam in esse

Huius obtentu virginis qui es dampnator criminis nobis velis ad esse

Iam nunc paterna claritas in terris dilatatur Eve veterna pravitas per Mariam purgavit Cuius materna puritas divinitus sacratur ut hinc eterna caritas humanitus nascatur

Impleta est veridica iam natum prophecia nam ex stirpe davidica en oritur Maria

Gloria patri et filio et spiritui sancto

Hanc domum tuam domine que te fovere meruit dierum longitudine hac sanctitudo decuit quot eius ab origine nulli peccato sub fuit

Omnes cum leticia nunc deo iubilate Marie primordia devote celebrate ut celi pandat hostia in ymnis hanc laudate

Vias tuas cognoscere das Christe te querentibus dum vis ad ortum ducere Mariam cunctis gentibus ut possit nos coniungere tuum vultum cernentibus

Ista est virgo virginum cui predixit Gabriel quot generaret filium quem vocaret Emanuel hinc benedicat dominum qui hunc suscepit Israhel

Exultent Syon filie et Israhel letetur quod ex David progenie virgo egredietur qua gignet regem glorie quo mundus gubernetur

Deus ab alto visitavit nos suos in hoc seculo Marie corpus dum sacravit matricis in latibulo et post hoc id inhabitavit in nostre carnis modulo natusque hinc in sede David suo preerat populo quem sua morte liberavit ab Eve mortis vinculo

Mea exultans anima iam dominum magnificat qui sublata culpa prima conceptam me sanctificat et intra me humilima templum sibi edificat ibi iungens summis yma carnem sumptam deificat hinc quod sim beatissima me totus orbis predicat

Ihesu corona virginum quem mater illa concepit que sola virgo parturit hec vota clemens accipe

Lucia virgo quid a me petis quot ipsa poteris prestare continuo nam et matri tue fides tua subveniet et ecce salva est quia iucundum deo in tua virginitate habitaculum preparasti

Grata facta est a domino in certamine quia apud deum et apud homines glorificata est in conspectu principis loquebatur sapienciam et dominus omnium dilexit eam

Columna es immobilis Lucia martyr Christi quia omnis plebs te exspectat ut accipias coronam regni alleluia

O Thoma Christi perscrutator lateris per illa sancta te rogamus vulnera que mundi cuncta diluerunt crimina nostros reatus tuis trige procibus…

Rex gloriose martirum corona confitentium qui respuentes terrena perducis ad celestia

Sanctorum meritis inclita gaudia pangamus socii gestaque forcia nam gliscit animus promere cantibus victorum genus optimum

Sebastianus dei cultor studiose curabat sub absconso clamide sanctorum animas confortare spem promittens et gloriam consequi sempiternam