Medicinam carnalem corpori meo numquam exhibui sed habeo dominum Ihesum Christum qui solo sermone restaurat universa

Gaudeamus omnes in domino diem festum celebrantes sub honore Agathe virginis de cuius passione gaudent angeli et collaudant filium dei

Gracias tibi ago domine quia memor es mei et misisti ad me apostolum tuum curare vulnera mea

Benedico te pater domini mei Ihesu Christi quia per apostolum tuum mamillas meas meo pectori restituisti

Qui me dignatus est ab omni plaga curare et mamillas meas meo pectori restituere ipsum invoco deum vivum

Paradisi de viridario rosas mittis notario quem mortis consolacio celi iungis sacrario petimus ut a vario nos liberes contrario

Sancta virgo Dorothea peccatorum de morphea tua prece nos emunda et compunccionis unda penitentes nos asperge et a periculis absterge

Omni laude digna cor nostrum pace consigna ne nos draco stygis ledat a peccatis scoria

Dorothea Christo grata afflictorum advocata et adiutrix sis vocata ut defectus et peccata per te nostra sint ablata

O castitate falerata o humilitate coronata o patientia ornata virtutum floribus fulcita temperantia polita o pretiosa margarita sancta virgo Dorothea cor in nobis mundum crea

In Dorothee festo mente pura corde presto ad psallendum rite cum iubilo venite

Nomen tuum laudabile deus est et admirabile dum ex ore virgineo laudari vis in populo

Caeli enarrant gloriam Christo propter victoriam Dorotheae martyris laudes pangat vox de caelis

Cordis puritate promissi veritate manuum innocencia summa cum prudencia castique cordis iublio placuit altissimo

Laetare Caesarea civitas beata nam illustrat varia regna tua nata Dorothea quae nascitur stirpe senatoria omni laude pascitur ejus felix memoria

Populus in tenebris ambulans ingentem lucem vidit radiis trinis refulgentem castitatis radio fideique gumpho Dorotheam sub gladio viventem cum triumpho

Illustratur credulus fitque natus lucis fundator sedulus Christi summi ducis

Inclinare Dorotheam praeses studet idolis sororibus mittit eam novellis apostatis spondet hiis thesauri dare magnam multitudinem dolens eam jugulare propter pulchritudinem

Pervertentes convertuntur crucem tollunt et sequuntur Christum pro quo moriuntur

Dilexisti justitiam et odisti iniquitatem ideo prae tuis consortibus unxit te rex altissimus

Sub mense Februario rosas mittit in orario cum frondibus notario rex qui fert mala celica clamat in bivio platee fortis est deus Dorothee en dona dat angelica

Cum Dorothea generosa Christiana cernitur propter Christum timorosa pena mortis prosternitur

O flos virginitatis o rivus amoenitatis o dos dignitatis o sol serenitatis o ros puritatis nos natantes in peccatis quos labis fluctuat ratis adjunge beatis

O benigna pacis cella Dorothea flagrans stella pro tuis vernis interpella

Gloria patri et filio et spiritui sancto

Nil territa supplicio sic loquitur Fabricio deorum tuorum numina sunt baratri daemonia caelos solus fecit deus qui est rex et sponsus meus

Lux orta est in Cappadocia dum angelorum socia Dorothea generatur rectis corde laetitia donatur

Multi credunt paganorum et te linquunt idolorum cultum dum regem caelorum praedicat Theophilus Christum qui sequebatur lupus in agnum mutatur Dorotheam comitatur in fide Neophytus

Dum sub ense prestolatur mortis ictum deprecatur pro his a quibus veneratur sue necis memoria ut habundent temporalibus solvantur a mortalibus a falsisque criminibus post hec vivant in gloria

Contristatus est prefectus regni scriba quod electus factus est katholicus mundum spernit timet deum morte dira necat eum homo dyabolicus

Nobilis et formosa Dorothea generosa tocius fraudis inscia in Capadocie provincia imbuta fide Christiana ydola spernendo vana

His vero temporibus regnat preses Fabricius cui ducitur captiva at illa voce viva Christum confitetur poenas nil veretur

Ad tribunal vinculata virgo ducta fit sacrata que vocetur interrogata Dorothea sum vocata Ihesu Christo desponsata

Quem celi et terra maria adorant de Cesarea elegit sibi vernulam sanctissimam Dorotheam

O nobilis athleta virtutibus completa Dorothea virgo pia per te monstratur caeli via incredulis et devio tuo triumpho praevio

Contristatus est prefectus regni scriba quod electus factus est katholicus mundum spernit timet deum morte dira necat eum homo dyabolicus

Tu es pastor ovium princeps apostolorum tibi traditae sunt claves regni caelorum

Jam bone pastor*

-- --*

Gloriosa sanctissimi sollemnia Gregorii toto corde catholica suscipiat ecclesia cujus doctrina aurea per mundi splendet climata quam meritis et precibus Christo commendet quaesumus