Confisus in domino martir Stanislaus hostem vincit moriens vir victoriosus et ad montem domini migrat gloriosus alleluia

Intrat habitaculum dei tabernaculum sanctus sine macula per mortis articulum carnis rumpit vinculum victurus in secula quo lux lucet sedula alleluia

Deus tuo munere iustum prevenisti cordis desiderium illius implesti cum corona glorie vitam tribuisti alleluia

Membra sparsim laniata rose rubent sanguine aquilisque deputata celesti munimine nocte die sunt servata circum fuso lumine alleluya

Sepulture commendata sana salva restaurata dei medicamine

Sanctus iste pro te Criste rege spreto datur leto vir insignis digne signis fulget Stanislaus alleluia

Martir cesus gaudet lesus stat invictus rex devictus gemit Boleslaus

Gloria patri et filio et spiritui sancto alleluia

Pastor cadit in gregis medio dormit sponsus in sponse gremio mater plorans gaudet in filio quia vivit victor sub gladio alleluia

Cleri plebisque concio in patris natalicio iubilet cum tripudio pro tanto beneficio

Gloria patri et filio et spiritui sancto alleluia

Ora pro nobis beate Stanislae

Stanislaus in agmine martyrum vernans sanguine munit scuto passionis castra veri Salomonis coronatus martyrio regnat in celi solio alleluia

Deconcive celum gaude de patrono terra plaude Stanislaus dignus laude cum sanctis letatur angelis equatur alleluia

Novis signis dominus sanctum decoravit dum custodes aquilas sibi deputavit et in nocte corporis partes illustravit alleluia

Ad festa patris inclita populi concurrunt per cuius clara merita mortui resurgunt ceci claudi morbidi egri sani surgunt et ad Christi gloriam laudibus assurgunt alleluia

Veri solis radius medicus celestis meritorum martiris auctor est et testis in splendore corporis castitatem signans quod integrum reddidit amorem designans alleluia

Martyr dei Stanislaus gloriosus pontifex quem occidit Boleslaus truculentus carnifex pastor bonus et patronus assit nobis opifex sit virtutum artifex alleluia

Vir inclite Stanislae vita signis passione plebem tuam pater bone fove benediccione guberna proteccione salva sancta intercessione alleluia

Te flagitamus vocibus Stanislae supplicibus optine pastor ovibus tuis beatis precibus ut exuti reatibus et malis imminentibus celi iungamur civibus alleluia

Adest dies leticie quo defensor ecclesie post carnis exilium vehitur ad solium militum clelstium signis fulgens glorie

Peremptoris pena horroribus plena proscenta celitus promit quod dux inclitus celi frugens cena mundi fugit genitus

Gressus reddit prepeditus martyris suffragio pellitur primacio visus et auditus

Carcer nocte claruit celesti fulgore sed et terra tremuit et egressus patuit in solito more

Per trimatum hoc humatum corpus non corrumpitur sed nec nubius cernitur mire solidatum

Gaude felix Boemia de duce laudabili actingente celestia in via mirabili nam humilis in gloria pauper in divitiis mundi refutans gaudia castus in deliciis coronatur hodie corona leticie carnis liber exiliis

Iubilemus regi celi qui servo suo fideli Wencezlao dat hodie sceptrum celestis glorie

Iubar altae claritatis lato luxit humine vir perfecte caritatis Wenceslaus nomine

Vivens ab infancia in Cristi servicio fuatur in gracia fultris ewangelio

Sum gentiles vitat ritus plenus pudiciciis crebras multis fert a tritus minas contumeliis

Venceslaus dux gracie virtutum stans in acie decora vir victoria cuius finis est gloria in celesti milicia

Vitans puerilia tendens ad utilia mundi calcat gaudia

Sacra frequentat limina nocte surgens media callis ferens gravamina cruentat vestigia

Vir plenus sacro flamine de pedum suorum sanguine

Nocte surgens agrum petit cum clyente spicas metit terit molit et hostias coquens dat pro ecclesias ut agantur mysteria pro missarum sollempnia

Hinc de ortis unas demit et et in vase mundo premit

Carnem terens inedia procul fit amiciis et subveste regia utitur ciliciis

Signo crucis hostis cedit factus duci subditus cuius turba leta redit defensata celitus

Spiritu prophetico vir sanctus florebat dum verbo veri dico multa predicebat

Infantes emit genciles servituti genitos et eos facit heriles fide Christi preditos

Sancte dat se largitati servos emens libertati

Crucis cultor progreditur crucis ornatus iubare qui turbis celi cingitur celesti plenus nectare

Cesar stupore rapitur furoris nexu solvitur throni gaudens compare

Mors Abelis figuravit quod sanctus dux triumphavit ictus fratris gladio cuius cruor proclamavit scelus facti dum negavit quovis tergi studio

Frater fratrem nece stravit sed occisum coronavit Christus mox in gaudio

Cursu tandem consummato miseriarum stadii cultu Christi propagato fortem subiit martyrii

Ad occursum hostium siciens martyrium fugit ad ecclesiam querens illis graciam

Hinc prostratus in limine orans exclamat ad deum in manus tuas domine commendo spiritum meum

Venceslaus dux virtutis iam potus martyrio in pressuris constitutis profit prefidio

Hoc a viro pietatis ut a viro largitatis grata manans fluxio

Christus regi Dacie apparens in cruce munus reddit gracie protam sancto duce ut quante sit glorie notum illi patrie …li fiat luce

Sic pro culparum maculis martyris memorie templum fit sub tytulis

Castus mente corpore docens verbis opere venit ad martyrium quare mortis tempore quod sitit summo opere triplex tollet premium

Melle fluens candens rubens Wenceslaus fit preclarus

Laude motus matutina nocte surgit media quem mox entis mors vicina vehit ad celestia

Cruor fusus effluit quem ars nulla diluit ut scelus non lateat sed sanctus refulgeat

Ex gestato pignore habens amminiculum in obiecto lutore locatur vehiculum

Morbidis refugium pugil fit beatus et vinctis effugium prestat invocatis

Laudant dominum de celis angelici spiritus ad tumbam viri fidelis descendentes celitus

Hic dives in apice stans religionis portatus est calice sancte passionis iam de vite poculis gustat in solacio claris deum oculis videns cum tripudio

O pugil egregie o decus milicie Wenceslae dux pie qui virtute crucis Cristi victor clarus extitisti hoc sub signo victorie militantis ecclesie audi preces hodie

Christe sanctorum decus angelorum rector humani generis et auctor nobis eternum tribue benignus scandere celum

Dum sacrum misterium cerneret Iohannes archangelus Michael tuba cecinit dignus es domine deus noster accipere librum et aperire signacula eius alleluia

Factum est silencium in celo dum committeret bellum draco cum Michaele archangelo et audita est vox milia milium dicencium salus honor et virtus omnipotenti deo

Milia milium ministrabant ei et decies milies centena milia assistebant ei

Stetit angelus iuxta aram templi habens thuribulum aureum in manu sua et data sunt ei incensa multa et ascendit fumus aromatum de manu angeli in conspectu dei

Michael praepositus paradisi quem honorificant angelorum cives

Data est potestas archangelo Michaeli super animas sanctorum

Angelus archangelus Michael dei nuntius de animabus justis alleluia alleluia

Laudemus dominum quem laudant angeli cui cherubim et seraphim sanctus sanctus sanctus proclamant