Ave domina mundi Maria ave celorum regina ave virgo virginum per te venit redemptio nostra tu inter mulieres speciosissima inter omnes et super omnes benedicta iuxta filium tuum super choros angelorum posita pro nobis rogamus rogita ut valeamus te videre et in eterna tuo vivamine gaudere gloria

Ave regina celorum ave domina angelorum salve radix sancta ex qua mundo lux est orta gaude gloriosa super omnes speciosa vale valde decora et pro nobis semper Christum exora

In lege domini*

Iohannes Baptista arguebat Herodem propter Herodiadem

Iohannes Baptista arguebat Herodem propter Herodiadem quam tulerant fratri suo Philippi uxorem

Metuebat Herodes Iohannem sciens eum virum iustum et sanctum et custodiebat eum

Puelle saltanti imperavit mater nichil aliud petas nisi caput Iohannis Baptiste

Da michi in disco caput Iohannis Baptiste et contristatus est rex propter viramentum

Peciit puella caput Iohannis Baptiste quo allato dedit matri sue

Soluta sunt*

Misso Herodes spiculatore precepit amputari caput Joannis in carcere quo audito discipuli eius venerunt et tulerunt corpus eius et posuerunt illud in monumentum

Herodes enim*

In medio carceris stans beatus Iohannes voce magna clamavit et dixit domine deus meus tibi commendo spiritum meum

Anima mea liquefacta est ut dilectus locutus est quaesivi et non inveni illum vocavi et non respondit mihi invenerunt me custodes civitatis percusserunt me et vulneraverunt me tulerunt pallium meum custodes murorum filiae Jerusalem nuntiate dilecto quia amore langueo

Descendi in hortum nucum ut viderem poma convallium et inspicerem si floruissent vineae et germinassent mala punica revertere revertere Sunamitis revertere revertere ut intueamur te

Ibo michi ad montem mirre et ad collem Lybani et loquar sponse mee tota speciosa es proxima mea et macula non est in te veni ad Lybanum sponsa veni ad Lybanum venies et transibis ad montem Seyr et Hermon a cubilibus leonum a montibus leopardorum

Tota pulchra es amica mea oculi tui columbarum capilli tui sicut greges caprarum gene tue ut fragmen mali punici labia tua ut vitta coccinea veni veni dilecta tota pulchra es et macula non est in te

Fit porta*

Corde et voce simul Christum regem veneremur virginis et matris iubilemus nobili ortus

Ecce tu pulchra*

Gloriose virginis Marie ortum dignissimum recolemus cuius dominus humilitatem respexit angelo nunciante concepit redemptorem mundi

Cum iucunditate nativitatem sancte Marie celebremus ut ipsa pro nobis intercedat ad dominum Ihesum Christum

Regali ex progenie Maria exorta refulget cuius precibus nos adiuvari mente et spiritu devotissime poscimus

Beatissime virginis Marie

Posuit Moyses bissenas virgas ex singulis tribubus filiorum Israhel in tabernaculo testimonii gaudete fratres gaudete quoniam inter ipsas virga Aaron subito fronduit floruit et nucem edidit

Salve Maria gemma pudicitie ex qua mundo illuxit sol iusticie salve pia mater christianorum succurre filiis ad filium regem angelorum

Virgo solamen desolatorum spes et mater benigna orphanorum