Si oblitus fuero tui alleluia obliviscatur me dextera mea adhaereat lingua mea faucibus meis si non meminero tui alleluia alleluia

Super flumina Babylonis illic sedimus et flevimus dum recordaremur tui Sion

Viderunt te aquae deus viderunt te aquae et timuerunt multitudo sonitus aquarum vocem dederunt nubes alleluia alleluia alleluia

Illuxerunt coruscationes tuae orbi terrae commota est et contremuit terra

Narrabo nomen tuum fratribus meis alleluia in medio ecclesiae laudabo te alleluia alleluia

Qui timetis dominum laudate eum universum semen Jacob magnificate eum

In toto corde meo alleluia exquisivi te alleluia ne repellas me a mandatis tuis alleluia alleluia

Vide humilitatem meam et eripe me quia legem tuam non sum oblitus

In ecclesiis benedicite deo alleluia domino de fontibus Israel alleluia alleluia alleluia

Cantate domino canticum novum cantate domino omnis terra

Hymnum cantate nobis alleluia quomodo cantabimus canticum domini in terra aliena alleluia alleluia

Super flumina Babylonis*

Deus canticum novum cantabo tibi alleluia in psalterio decem chordarum psallam tibi alleluia alleluia

Qui das salutem regibus qui redemisti David servum tuum de gladio maligno

Alleluia audivimus ea in Ephrata invenimus eam in campis silvae introibimus in tabernaculum ejus adorabimus in loco ubi steterunt pedes ejus alleluia alleluia

Surge domine in requiem tuam tu et arca sanctificationis tuae

Deduc me in semita mandatorum tuorum alleluia quoniam ipsam volui alleluia inclina cor meum in testimonia tua alleluia alleluia alleluia

Averte oculos meos ne videant vanitatem in via tua vivifica me

Alleluia Judica judicium meum et redime me alleluia a calumniantibus me alleluia

Vide humilitatem meam et eripe me quia legem tuam non sum oblitus

Cantate deo alleluia psalmum dicite ei alleluia

Date gloriam laudi ejus

Bonum est confiteri domino alleluia et psallere alleluia

Ad annuntiandum mane misericordiam tuam et veritatem tuam per noctem

Dicant nunc qui redempti sunt alleluia a domino alleluia

Quos redemit de manu inimici de regionibus congregavit eos

Alleluia delectatio bona in operibus manuum illius divitiae multae alleluia alleluia

Speciosa facta es et suavis in deliciis tuis