Lignum vitae in cruce tua domine manifestatum est mors enim per ipsam damnata est et mundus totus per ipsam illuminatus est omnipotens domine gloria tibi alleluia

Pretiosus Christi martyr Alexander*

Ecce crucem domini fugite partes adversae vicit leo de tribu Juda radix David alleluia

Helena desiderio plena orabat cum lacrimis dicens tu domine ostende lignum in quo salus nostra fuit suspensa alleluia

Tunc praecepit eos omnes igne cremari at illi timentes tradiderunt Judam alleluia

Per signum crucis de inimicis nostris libera nos deus noster

Salva nos Christe salvator per virtutem crucis qui salvasti Petrum in mari miserere nobis

Adoramus te Christe et benedicimus tibi quia per crucem tuam redemisti mundum

Salvator mundi salva nos omnes sancta dei genetrix virgo semper Maria ora pro nobis precibus quoque sanctorum apostolorum martyrum et confessorum atque sanctarum virginum suppliciter petimus ut a malis omnibus eruamur bonisque omnibus nunc et semper perfrui mereamur

Adoremus crucis signaculum per quod salutis sumpsimus sacramentum

Crucem suam erexit et infernum confregit accinctus est potentia surrexit die tertia alleluia

Sanctifica nos domine signaculo sanctae crucis ut fiat nobis obstaculum contra saeva jacula inimicorum defende nos domine per lignum sanctum et per pretium justi sanguinis tui cum quo nos redemisti