Beatus Alexander dixit ad quirinum Christus filius dei descendit de caelo ut ad fidem suam invitaret omne genus humanum alleluia

Necesse est ut a te interficiar Aureliane sicut omnes qui nuper illuminati migraverunt ad regna siderea quia dominum meum numquam negabo alleluia

Non timeo verbera ista quae tempore transeunt et inter moras finem inveniunt alleluia

Sanctus praesul dum Aurelianum constantissima responsione confunderet jussus est elevari in equuleo et torqueri unguibus atque lampadibus alleluia

Missus autem in furnum candentem sanctus Alexander clamabat dicens frater Theodole festina quia qui inter tres pueros apparuit hic nobiscum est alleluia

Pretiosus Christi martyr Alexander per tota membra punctim transfixus est Eventius et Theodolus decollati quorum corpora venerabilis Severina convenientibus clericis sepelivit alleluia alleluia

Crucem suam erexit*

Clarifica me pater*

Exivi a patre meo et veni in mundum iterorum relinquo mundum et vado ad patrem dicunt ei discipuli ejus ecce nunc palam loqueris et proverbium nullum dicis alleluia alleluia alleluia

Festum nunc celebre*

Dominus in Sina in sancto*

Pater manifestavi nomen tuum hominibus quos dedisti mihi nunc autem pro eis rogo non pro mundo quia ad te vado alleluia