Verbum supernum prodiens a patre olim exiens qui natus orbi subvenis cursu declivi temporis

Illumina nunc pectora tuoque amore concrema audita per praeconia sint pulsa tandem lubrica

Judexque cum post aderis rimari facta pectoris reddens vicem pro abditis justisque regnum pro bonis

Non demum artemur malis pro qualitate criminis sed cum beatis compotes simus perennes caelites

Gloria tibi trinitas equalis una deitas et ante omne seculum et nunc et in perpetuum Amen

Martir egregie deo dilecte ad te clamantium voces tuorum propicius audi sancte Lamberte

Tu per innumera mortis tormenta triumpho nobili promeruisti martirum milicie signifer esse

Vana iudicasti gaudia mundi et transitorie dulcia vite memor Christi tui mente

Unde pro meritis fulges in celis ut inter sidera sol atque luna certus iam premii pro quo certasti

Ora pro famulis tibi devotis et coram iudice veniam posce ne nos iudicio damnet extremo

Trinitati decus honor et virtus inseparabili laus unitati perpes imperium omne { }