Canite tuba in Sion quia prope est dies domini ecce veniet ad salvandum nos alleluia alleluia

Ecce veniet desideratus cunctis gentibus et replebitur gloria domus domini alleluia

Erunt prava in directa et aspera in vias planas veni domine et noli tardare alleluia

Dominus veniet occurrite illi dicentes magnum principium et regni ejus non erit finis deus fortis dominator princeps pacis alleluia alleluia

Omnipotens sermo tuus domine a regalibus sedibus veniet alleluia

Ave Maria gratia plena dominus tecum benedicta tu in mulieribus alleluia

Ex quo facta est vox salutationis tuae in auribus meis exsultavit in gaudio infans in utero meo alleluia

Ecce deus noster et expectabimus eum et salvabit nos alleluia

Ecce veniet dominus princeps regum terrae beati qui parati sunt occurrere illi

Dum venerit filius hominis putas inveniet fidem super terram

Ecce jam veniet plenitudo temporis in quo misit deus filium suum in terris

Haurietis aquas in gaudio de fontibus salvatoris

Egredietur dominus de loco sancto suo veniet ut salvet populum suum

Egredietur virga de radice Jesse et replebitur omnis terra gloria domini et videbit omnis caro salutare dei

Rorate caeli desuper et nubes pluant justum aperiatur terra et germinet salvatorem

Emitte agnum domine dominatorem terrae de petra deserti ad montem filiae Sion

Ut cognoscamus domine in terra viam tuam in omnibus gentibus salutare tuum

Da mercedem domine sustinentibus te ut prophetae tui fideles inveniantur

Lex per Moysen data est gratia et veritas per Jesum Christum facta est

Surgite vigilemus quia veniet rex

Clama in fortitudine qui annuntias pacem in Jerusalem dic civitatibus Judae et habitatoribus Sion ecce deus noster quem exspectabamus adveniet

Ecce dominator dominus*

Orietur stella ex Jacob et exsurget homo de Israel et confringet omnes duces alienigenarum et erit omnis terra possessio ejus

A solis ortu*

Modo veniet dominator dominus et nomen ejus Emmanuel vocabitur

Ecce dominator*

Propter Sion non tacebo donec egrediatur ut splendor justus ejus

Prophetae praedicaverunt nasci salvatorem de virgine Maria

Spiritus domini super me evangelizare pauperibus misit me

Ecce veniet dominus ut sedeat cum principibus et solium gloriae teneat

Annuntiate populis et dicite ecce deus salvator noster veniet

Missus est Gabriel angelus ad Mariam virginem desponsatam Joseph

Joseph fili David*

Egredietur dominus et proeliabitur contra gentes et stabunt pedes ejus supra montes Olivarum ad orientem

Ex Sion species*

Praecursor pro nobis ingreditur agnus sine macula secundum ordinem Melchisedech pontifex factus est in aeternum et in saeculum saeculi

Ecce dominator dominus*

Videbunt gentes justum tuum et cuncti reges inclytum tuum et vocabitur tibi nomen novum quod os domini nominavit

Ecce dominator*

Gloria*

De Sion veniet dominus omnipotens ut salvum faciat populum tuum

Convertere domine aliquantulum et ne tardes venire ad servos tuos

De Sion veniet qui regnaturus est dominus Emmanuel magnum nomen ejus

Ecce deus meus et honorabo eum deus patris mei et exaltabo eum

Dominus legifer noster dominus rex noster ipse veniet et salvabit nos

Emitte agnum domine dominatorem terrae de petra deserti ad montem filiae Sion

Ex Sion species decoris ejus deus noster manifeste veniet

Rorate caeli desuper et nubes pluant justum aperiatur terra et germinet salvatorem

Emitte agnum domine dominatorem terrae de petra deserti ad montem filiae Sion

Germinaverunt campi eremi germen odoris Israel quia ecce deus noster cum virtute veniet et splendor ejus cum eo

Ecce dominator*

Constantes estote videbitis auxilium domini super vos

Ad te domine levavi animam meam veni et eripe me domine ad te confugi

Veni domine et noli tardare relaxa facinora plebis tuae Israel

Deus a Libano veniet et splendor ejus sicut lumen erit

Ego autem ad dominum aspiciam et exspectabo deum salvatorem meum

Ex quo facta est*

Egredietur virga de radice Jesse et flos de radice ejus ascendet et erit justitia cingulum lumborum ejus et fides cinctorium renum ejus

Ex Sion species*

Radix Jesse qui exsurget judicare gentes in eum gentes sperabunt et erit nomen ejus benedictum in saecula

A solis ortu*

Annuntiatum est per Gabrielem archangelum ad Mariam virginem de introitu regis et ingressus est per splendidam regionem aurem virginis visitare palatium uteri et regressus est per auream portam virginis

Ave Maria gratia plena dominus tecum

Festina ne tardaveris domine et libera populum tuum

Veni domine et noli tardare relaxa facinora plebis tuae

Intuemini quantus sit gloriosus iste qui ingreditur ad salvandos populos

Vigilate animo in proximo est dominus deus noster

Egredietur virga de radice Jesse*

Exspectetur sicut pluvia eloquium domini et descendat super nos sicut ros deus noster

Tu Bethleem terra Juda non eris minima ex te enim exiet dux qui regat populum meum Israel

Omnis vallis implebitur*

Ecce ancilla domini fiat mihi secundum verbum tuum

Levate capita vestra ecce appropinquabit redemptio vestra

Nolite timere quinta enim die veniet ad vos dominus vester

O sapientia quae ex ore altissimi prodisti attingens a fine usque ad finem fortiter suaviter disponensque omnia veni ad docendum nos viam prudentiae

O adonai et dux domus Israel qui Moysi in igne flammae rubi apparuisti et ei in Sina legem dedisti veni ad redimendum nos in bracchio extento

O radix Jesse qui stas in signum populorum super quem continebunt reges os suum quem gentes deprecabuntur veni ad liberandum nos jam noli tardare

O clavis David et sceptrum domus Israel qui aperis et nemo claudit claudis et nemo aperit veni et educ vinctum de domo carceris sedentem in tenebris et umbra mortis

O oriens splendor lucis aeternae et sol justitiae veni et illumina sedentes in tenebris et umbra mortis

O rex gentium et desideratus earum lapisque angularis qui facis utraque unum veni salva hominem quem de limo formasti

O Thoma Didyme per Christum quem meruisti tangere te precibus rogamus altissonis succurre nobis miseris ne damnemur cum impiis in adventu judicis

O Emmanuel rex et legifer noster exspectatio gentium et salvator earum veni ad salvandum nos domine deus noster

O virgo virginum quomodo fiet istud quia nec primam similem visa est nec habere sequentem filiae Jerusalem quid me admiramini divinum est mysterium hoc quod cernitis

O Gabriel nuntius caelorum qui januis clausis ad me intrasti et verbum nuntiasti concipies et paries Emmanuel vocabitur

O rex pacifice tu ante saecula nate per auream egredere portam redemptos tuos visita et eos illuc revoca unde ruerunt per culpam

O Jerusalem civitas dei summi leva in circuitu oculos tuos et vide dominum deum tuum quia jam veniet solvere te a vinculis

O mundi domina regio ex semine orta ex tuo jam Christus processit alvo tamquam sponsus de thalamo hic jacet in praesepio qui et sidera regit

Hodie scietis quia veniet dominus et mane videbitis gloriam ejus

Venite exsultemus domino jubilemus deo salutari nostro*

Sanctificamini hodie et estote parati quia die crastina videbitis majestatem dei in vobis

Hodie scietis quia veniet dominus et mane videbitis gloriam ejus

Constantes estote videbitis auxilium domini super vos Judaea et Jerusalem nolite timere cras egrediemini et dominus erit vobiscum

Vos qui in pulvere estis expergiscimini et laudate ecce dominus veniet cum salute

De illa occulta habitatione sua egressus est filius dei descendit visitare et consolari omnes qui eum de toto corde desiderabant

Ex Sion species decoris ejus deus noster manifeste veniet

Scitote quia prope est regnum dei amen dico vobis quia non tardabit

Hodie scietis quia veniet dominus et mane videbitis gloriam ejus

Crastina die delebitur iniquitas terrae et regnabit super nos salvator mundi

Exspectetur sicut pluvia eloquium domini et descendat super nos sicut ros deus noster

Crastina erit vobis salus dicit dominus deus exercituum