Praesta pater per filium (...)
Vexilla regis prodeunt fulget crucis mysterium quo carne carnis conditor suspensus est patibulo
Quo vulneratus insuper mucrone diro lanceae ut nos lavaret crimine manavit unda et sanguine
Impleta sunt quae concinit David fideli carmine dicendo nationibus regnavit a ligno deus
Arbor decora et fulgida ornata regis purpura electa digno stipite tam sancta membra tangere
Beata cujus bracchiis seculi pependit precium statera facta est corporis predamque tulit { }
O crux ave spes unica hoc passionis tempore piis adauge gratiam reisque dele crimina