Domine exaudi orationem meam*

Primo dierum omnium quo mundus exstat conditus vel quo resurgens conditor nos morte victa liberat

Pulsis procul torporibus surgamus omnes ocius et nocte quaeramus pium sicut prophetam novimus

Nostras preces ut audiat suamque dexteram porrigat et hic piatos sordibus reddat polorum sedibus

Ut quique sacratissimo hujus diei tempore horis quietis psallimus donis beatis muneret

Jam nunc paterna claritas te (...)

Ne foeda sit vel lubrica compagno nostri corporis per quod anniignibus ipsi (...) acri

Ob hoc redemptor quaesumus ut (...)

Quo carnis actu exsules (...)

Nocte surgentes vigilemus omnes semper in psalmis meditemur atque viribus totis domino canamus dulciter hymnos | Ut pio regi pariter canentes cum suis sanctis mereamur aulam ingredi caeli simul et beatam ducere vitam | Praestet hoc nobis deitas beata patris ac nati pariterque sancti spiritus cujus resonat per omnem gloria mundum | Amen

Ut pio regi pariter canentes cum suis sanctis mereamur aulam ingredi caeli simul et beatam ducere vitam

Praestet hoc nobis deitas beata patris ac nati pariterque sancti spiritus cujus resonat per omnem gloria mundum

Ecce jam noctis tenuatur umbra lucis aurora rutilans coruscat nisibus totis rogitemus omnes cunctipotentem

Ut deus nostri miseratus omnem pellat angorem tribuat salutem donet et nobis pietate patris regna polorum

Praestet hoc nobis*

Aeterne rerum conditor noctem diemque qui regis et temporum das tempora ut alleves fastidium

Praeco diei jam sonat noctis profundae pervigil nocturna lux viantibus a nocte noctem segregans

Hoc excitatus lucifer solvit polum caligine hoc omnis erronum chorus vias nocendi deserit

Hoc nauta vires colligit pontique mitescunt freta hoc ipse Petra ecclesiae canente culpam diluit

Surgamus ergo strenue Gallus jacentes excitat (...)

Gallo canente spes redit (...)

Jesu labentes respice et nos videndo corrige si respicis lapsus cadunt fletuque culpa solvitur

Tu lux refulge sensibus mentisque somnum discute te nostra vox primum sonet ore psallamus

Deo patri*

Lucis creator optime lucem dierum proferens primordiis lucis novae mundi parans originem

Qui mane junctum vesperi diem vocari praecipis illabitur taetrum chaos audi preces cum fletibus

Ne mens gravata crimine vitae sit exsul munere dum nil perenne cogitat seseque culpis illigat

Caelorum pulset intimum vitale tollat praemium vitemus omne noxium purgemus omne pessimum

Praesta pater*

Somno refectis artubus spreto cubili surgimus nobis pater canentibus adesse te deposcimus

Te lingua primum concinat te mentis ardor ambiat ut actuum sequentium tu sancte sis exordium

Cedant tenebrae lumini et nox diurno sideri ut culpa quam nox intulit lucis labascat munere

Precamur idem supplices noxas ut omnes amputes et ore te canentium lauderis in perpetuum

Praesta pater*

Splendor paternae gloriae de luce lucem proferens lux lucis et fons luminis diem dies illuminans

Verusque sol illabere micans nitore perpeti jubarque sancti spiritus infunde nostris sensibus

Votis vocemus et patrem patrem perennis gloriae patrem potentis gratiae culpam releget lubricam

Informet actus strenuos dentem retundat invidi casus secundet asperos donet gerendi gratiam

Mentem gubernet et regat casto fideli corpore fides calore ferveat fraudis venena nesciat

Christusque noster sit cibus potusque noster sit fides laeti bibamus sobriam ebrietatem spiritus

Laetus dies hic transeat pudor sit ut diluculum fides velut meridies crepusculum mens nesciat

Aurora cursus provehit aurora totus prodeat in patre totus filius et totus in verbo pater

Deo patri*

Immense caeli conditor qui mixta ne confunderent aquae fluenta dividens caelum dedisti limitem

Firmans locum caelestibus simulque terrae rivulis ut unda flammas temperet terrae solum ne dissipent

Infunde nunc piissime donum perennis gratiae fraudis novae ne casibus nos error atterat vetus

Lucem fides inveniat sic luminis jubar ferat haec vana cuncta terreat hanc falsa nulla comprimant

Praesta pater*

Consors paterni luminis lux ipse lucis et dies noctem canendo rumpimus assiste potulantibus

Aufer tenebras mentium fuga catervas daemonum expelle somnolentiam ne pigritantes obruat

Sic Christe nobis omnibus indulgeas credentibus ut prosit exorantibus quod praecinentes psallimus

Praesta pater*

Ales diei nuntius lucem propinquam praecinit nos excitator mentium jam Christus ad vitam vocat

Auferte clamat lectulos aegros soporos desides castique recti ac sobrii vigilate jam sum proximus

Jesum ciamus vocibus flentes precantes sobrii intenta supplicatio dormire cor mundum vetat

Tu Christe somnum disice tu rumpe noctis vincula tu solve peccatum vetus novumque lumen ingere

Deo patri*

Telluris ingens conditor mundi solum qui eruens pulsis aquae molestiis terram dedisti immobilem

Ut germen aptum proferens fulvis decora floribus fecunda fructu sisteret pastumque gratum redderet

Mentis perustae vulnera mundi virore gratiae ut facta fletu diluat motusque pravos atterat

Jussis tuis obtemperet nullis malis approximet bonis repleri gaudeat et mortis actum nesciat

Praesta pater*

Rerum creator optime rectorque noster respice nos a quiete noxia mersos sopore libera

Te sancte Christe poscimus ignosce tu criminibus ad confitendum surgimus morasque noctis rumpimus

Mentes manusque tollimus propheta sicut noctibus nobis gerendum praecipit Paulusque gestis censuit

Vides malum quod gessimus occulta nostra pandimus preces gementes fundimus dimitte quod peccavimus

Praesta pater*

Nox et tenebrae et nubila confusa mundi et turbida lux intrat albescit polus Christus venit discedite

Caligo terrae scinditur percussa solis spiculo rebusque jam color redit vultu nitentis sideris

Te Christe solum novimus te mente pura et simplici rogare curvato genu flendo et canendo discimus

Sunt multa fucis illita quae luce (...)

Deo patri*

Caeli deus sanctissime qui lucidum centrum poli candore pingis igneo augens decori lumina

Quarto die qui flammeam solis rotam constituens lunae ministras ordini vagos recursus siderum

Ut noctibus vel lumini diremptionis terminum primordiis et mensium signum dares notissimum

Illumina cor hominum absterge sordes mentium resolve culpae vinculum everte moles criminum

Praesta pater*

Nox atra rerum contegit terrae colores omnium nos confitentes poscimus te juste judex cordium

Ut auferas piacula sordesque mentis abluas donesque Christe gratiam ut arceantur crimina

Mens ecce torpet impia quam culpa mordet noxia obscura gestit tollere et te redemptor quaerere

Repelle tu caliginem intrinsecus quam maxime ut in beato gaudeat se collocari lumine

Praesta pater*

Lux ecce surgit aurea pallens facessat caecitas quae nosmet in praeceps diuerrore traxit devio

Haec lux serenum conferat (...)

Sic tota decurrat dies ne lingua (...)

Speculator astat desuper qui (...)

Deo patri*

Magnae deus potentiae qui ex aquis ortum genus partim remittis gurgiti partim levas in aera

Demersa lymphis imprimens subvecta caelis irrogans ut stirpe una prodita diversa repleant loca

Largire cunctis servulis quos mundat unda sanguinis nescire lapsus criminum nec ferre mortis taedium

Ut culpa nullum deprimat nullum levet jactantia elisa mens ne concidat elata mens ne corruat

Praesta pater*

Tu trinitatis unitas orbem potenter qui regis attende laudum cantica quae excubantes psallimus

Nam lectulo consurgimus noctis quieto tempore ut flagitemus vulnerum a te medelam omnium

Quo fraude quidquid daemonum in noctibus deliquimus abstergat illud caelitus tuae potestas gloriae

Ne corpus assit sordidum nec torpor instet cordium et criminis contagio tepescat ardor spiritus

Ob hoc redemptor quesumus reple tuo nos lumine per quod dierum circulis nullis ruamus actibus

Praesta pater*

Aeterna caeli gloria beata spes mortalium celsi parentis unice castaeque proles virginis

Da dexteram surgentibus exsurgat et mens sobria flagrans et in laudem dei grates rependat debitas