Gloria patri ingenito ejusque unigenito una cum sancto spiritu in sempiterna saecula | Amen
Jesu salvator saeculi redemptis ope subveni et pia dei genetrix salutem posce miseris
Coetus omnes angelici patriarcharum cunei ac prophetarum merita nobis praecentur veniam
Baptista Christi praevius et claviger aethereus cum ceteris apostolis nos solvant nexu criminis
Chorus sacratus martyrum confessio sacerdotum et virginalis castitas nos a peccatis abluant
Monachorum suffragia omnesque cives caelici adnuant votis supplicum et vitae poscant praemium
Laus honor virtus gloria deo patri et filio sancto simul paraclito in sempiterna saecula | Amen