Factus est adjutor meus deus meus

Benedictus es qui intueris abyssos et sedes super cherubim

Statuit ea in aeternum et in saeculum saeculi praeceptum posuit et non praeteribit

Bonum mihi domine quod humiliasti me bonum mihi lex oris tui super milia auri et argenti

Manus tuae domine fecerunt me et plasmaverunt me da mihi intellectum ut discam mandata tua

Scuto circumdabit*

Egressus Jesus secessit in partes Tyri et Sidonis et ecce mulier Chananaea a finibus illis egressa clamabat dicens miserere mei domine fili David

Miserere mei domine fili David

Domine dimitte eam quia clamat post nos ait illi Jesus non sum missus nisi ad oves quae perierunt domus Israel

Missus sum ad oves quae perierant domus Israel dicit dominus

O mulier magna est fides tua fiat tibi sicut petisti

Dixit dominus*

Servus tuus ego sum da mihi intellectum domine

Ut discam mandata tua

Gloria patri et filio et spiritui sancto

Dixit dominus mulieri Chananaeae non est bonum sumere panem filiorum et mittere canibus ad manducandum utique domine nam et catelli edunt de micis quae cadunt de mensa dominorum suorum ait illi Jesus mulier magna est fides tua fiat tibi sicut petisti

Ego principium qui et loquor vobis

Qui me misit mecum est et non reliquit me solum quia quae placita sunt ei facio semper

Unus est enim magister vester qui in caelis est dicit dominus

Qui major est vestrum erit minister vester quia omnis qui se exaltat humiliabitur et qui se humiliat exaltabitur

Ecce ascendimus Jerusalem et filius hominis tradetur ad crucifigendum

Quicumque voluerit inter vos major fieri sit vester minister et qui voluerit inter vos primus esse erit vester servus

Pater Abraham miserere mei et mitte Lazarum ut intingat extremum digiti sui in aquam ut refrigeret linguam meam quia crucior in hac flamma

Fili recordare quia recepisti bona in vita tua et Lazarus similiter mala

Malos male perdet et vineam suam locabit aliis agricolis qui reddant ei fructum temporibus suis

Quaerentes eum tenere timuerunt turbas quia sicut prophetam eum habebant

Surgam et ibo ad patrem meum et dicam ei pater fac me sicut unum de mercenariis tuis

Dixit Judas fratribus suis ecce Ismaelitae transeunt venite venundetur et manus nostrae non polluantur caro enim et frater noster est

Quid nobis prodest si occiderimus fratrem nostrum et celaverimus sanguinem ipsius melius est ut venumdetur

Gloria patri et filio et spiritui sancto

Dixit autem pater ad servos suos cito proferte stolam primam et induite illum et date annulum in manu ejus et calceamenta in pedibus ejus

Fac benigne in bona voluntate tua ut aedificentur domine muri Jerusalem

Dominus mihi adjutor est non timebo quid faciat mihi homo

Labia mea laudabunt te in vita mea deus meus

Vim virtutis suae oblitus est ignis ut pueri tui liberarentur illaesi

Sol et luna laudate deum quia exaltatum est nomen ejus solius

Declara super nos deus tuam misericordiam

Declaratio sermonum tuorum illuminat et intellectum dat parvulis

Gloria patri et filio et spiritui sancto

Scuto circumdabit*

Erat Jesus ejciens daemonium et illud erat mutum et cum ejecisset daemonium locutus est mutus et admiratae sunt turbae

Si in digito dei ejicio daemonia profecto praevenit in vos regnum dei

Qui non est mecum adversum me est et qui non colligit mecum dispergit dicit dominus

Cum inmundus spiritus exierit ab homine ambulat per loca inaquosa quaerens requiem et non invenit

Beati qui audiunt verbum dei et custodiunt illud

Septies in die laudem dixi tibi domine deus meus ne perdas me

Erravi sicut ovis quae perierat require servum tuum domine quia mandata tua non sum oblitus

Gloria patri et filio et spiritui sancto

Angelis suis*

Extollens quaedam mulier vocem de turba dixit beatus venter qui te portavit et ubera quae suxisti at Jesus dixit illi quin immo beati qui audiunt verbum dei et custodiunt illud

Amen dico vobis quia nemo propheta acceptus est in patria sua

Jesus autem transiens per medium illorum ibat

Si duo ex vobis consenserint super terram de omni re quamcumque petierint fiet illis a patre meo dicit dominus

Ubi duo vel tres congregati fuerint in nomine meo in medio eorum sum dicit dominus

Non quod intrat in os coinquinat hominem sed quod procedit ex ore hoc coinquinat hominem

Non lotis manibus manducare non coinquinat hominem

Operamini non cibum qui perit sed qui permanet in vitam aeternam dicit dominus

Dixit dominus Jesus ego sum panis vitae qui venit ad me non esuriet et qui credit in me non sitiet unquam

Veri adoratores adorabunt patrem in spiritu et veritate

Meus cibus est ut faciam voluntatem patris mei

Qui sine peccato est vestrum primus in illam lapidem mittat

Stetit Moyses coram pharaone et dixit haec dicit dominus dimitte populum meum ut sacrificet mihi in desertum

Dominus deus Hebraeorum misit me ad te dicens

Gloria patri*

Nemo te condemnavit mulier nemo domine nec ego te condemnabo jam amplius noli peccare

Tunc acceptabis sacrificium justitiae si averteris faciem tuam a peccatis meis

Bonum est sperare in domino quam sperare in principibus

In matutinis domine meditabor in te

Potens est dominus eripere nos et de manibus tuis rex liberare

Reges terrae et omnes populi laudate deum

Esto nobis domine turris fortitudinis

A facie inimici

Gloria patri et filio et spiritui sancto

Scuto circumdabit*

Cum sublevasset oculos Jesus et vidisset maximam multitudinem venientem ad se dixit ad Philippum unde ememus panes ut manducent hi hoc autem dicebat temptans eum ipse enim sciebat quid esset facturus

Accepit ergo Jesus panes et cum gratias egisset distribuit discumbentibus

Vivo ego dicit dominus nolo mortem peccatoris sed ut magis convertatur et vivat

Quis scit si convertatur et ignoscat deus et relinquat post se benedictionem

Omnis plebs ut vidit dedit laudem deo

Dixit dominus*

Educ de carcere animam meam ut confiteatur nomini tuo domine

Periit fuga a me et non est qui requirat animam meam

Gloria patri et filio et spiritui sancto

Angelis suis*

Cum vidissent turbae signum quod fecerat Jesus dicebant vere hic est propheta qui venturus est in mundum

Auferte ista hinc dicit dominus et nolite facere domum patris mei domum negotiationis

Solvite templum hoc dicit dominus et post triduum excitabo illud hoc autem dicebat de templo corporis sui

Mea doctrina non est mea sed ejus qui misit me patris

Nemo in eum misit manus quia nondum venerat hora ejus

Rabbi quis peccavit hic aut parentes ejus ut caecus nasceretur respondit Jesus et dixit neque hic peccavit neque parentes ejus sed ut manifestentur opera dei in illo

A saeculo non est auditum quia quis aperuit oculos caeci nati

Pater meus usque modo operare et ego operor

Amen amen dico vobis non potest a se filius facere quicquam nisi quod viderit patrem facientem

Lazarus amicus noster dormit sed vado ut a somno exsuscitem illum

Jesus autem elevatis sursum oculis dixit pater gratias tibi ago quoniam audisti me

Qui sequitur me non ambulat in tenebris sed habebit lumen vitae dicit dominus

Regnum tuum*

Usquequo exaltabitur inimicus meus super me respice et exaudi me domine deus meus

Qui tribulant me exsultabunt si motus fuero ego autem in misericordia tua speravi

Vexilla regis*