Ego sum ostium dicit dominus per me si quis introierit salvabitur et pascua inveniet alleluia

Amen amen dico vobis qui credit in me habet vitam aeternam alleluia

Ego sum panis vivus dicit dominus qui de caelo descendi alleluia alleluia

Convocatis Jesus duodecim discipulis dedit illis virtutem et potestatem super omnia daemonia et ut languores curarent et misit illos praedicare regnum dei et sanare infirmos alleluia

Egressi autem circuibant per castella evangelizantes et curantes ubique alleluia alleluia alleluia

Qui diligit me sermonem meum servabit et pater meus diliget eum et ad eum veniemus et mansionem apud eum faciemus alleluia

Caritas dei diffusa est in cordibus nostris per spiritum sanctum qui datus est nobis alleluia

Cum sol autem occidisset omnes qui habebant infirmos variis languoribus ducebant illos ad Jesum et curabantur alleluia

Alleluia alleluia alleluia alleluia

Repleti sunt*

Spiritus domini replevit*

Non vos relinquam orphanos*

Dum complerentur*

Quod natum est ex carne caro est et quod natum est ex spiritu spiritus est dicit dominus

Nemo ascendit in caelum nisi qui descendit de caelo filius hominis qui est in caelo dicit dominus

Cenantibus autem accepit Jesus panem benedixit ac fregit dedit discipulis suis

Homo quidam fecit cenam magnam et misit servum suum hora cenae dicere invitatis ut venirent quia parata sunt omnia

Venite comedite panem meum et et bibite vinum quod miscui vobis

Gloria patri et filio et spiritui sancto

Pange lingua gloriosi corporis mysterium sanguinisque pretiosi quem in mundi pretium fructus ventris generosi rex effudit gentium

Nobis datus nobis natus ex intacta virgine et in mundo conversatus sparso verbi semine sui moras incolatus miro clausit ordine

In supremae nocte cenae recumbens cum fratribus observata lege plene cibis in legalibus cibum turbae duodenae se dat suis manibus

Verbum caro panem verum verbo carnem efficit fitque sanguis Christi merum et si sensus deficit ad firmandum cor sincerum sola fides sufficit

Tantum ergo sacramentum veneremur cernui et antiquum documentum novo cedat ritui praestet fides supplementum sensuum defectui

Genitori genitoque laus et jubilatio salus honor virtus quoque sit et benedictio procedenti ab utroque compar sit laudatio | Amen

Panem de caelo praestitisti eis R. Omne delectamentum in se habentem

O quam suavis est domine spiritus tuus qui ut dulcedinem tuam in filios demonstrares pane suavissimo de caelo praestito esurientes reples bonis fastidiosos divites dimittens inanes

Christum regem adoremus dominantem gentibus qui se manducantibus dat spiritus pinguedinem

Sacris sollemniis juncta sint gaudia et ex praecordiis sonent praeconia recedant vetera nova sint omnia corda voces et opera

Noctis recolitur cena novissima qua Christus creditur agnum et azyma dedisse fratribus juxta legitima priscis indulta patribus

Post agnum typicum expletis epulis corpus dominicum datum discipulis sic totum omnibus quod totum singulis ejus fatemur manibus

Dedit fragilibus corporis ferculum dedit et tristibus sanguinis poculum dicens accipite quod trado vasculum omnes ex eo bibite

Sic sacrificium istud instituit cujus officium committi voluit solis presbyteris quibus sic congruit ut sumant et dent ceteris

Panis angelicus fit panis hominum dat panis caelicus figuris terminum o res mirabilis manducat dominum pauper servus et humilis

Te trina deitas unaque poscimus sic nos visitas sicut te colimus per tuas semitas duc nos quo tendimus ad lucem quam inhabitas | Amen

Sapientia aedificavit sibi domum miscuit vinum et posuit mensam alleluia

Angelorum esca nutrivisti populum tuum et panem de caelo praestitisti eis alleluia

Pinguis est panis Christi et praebebit delicias regibus alleluia

Sacerdotes sancti incensum et panes offerunt deo alleluia

Vincenti dabo manna absconditum et nomen novum alleluia

Panem de caelo praestitisti eis

Omne delectamentum in se habentem

Gloria patri et filio et spiritui sancto

Verbum supernum prodiens nec patris linquens dexteram ad opus suum exiens venit ad vitae vesperam

In mortem a discipulo suis tradendus aemulis prius in vitae ferculo se tradidit discipulis

Quibus sub bina specie corpus dedit et sanguinem ut duplicis substantiae totum cibaret hominem

Se nascens dedit socium convescens in edulium se moriens in pretium se regnans dat in praemium

O salutaris hostia quae caeli pandis ostium bella premunt hostilia da robur fer auxilium

Uni trinoque domino sit sempiterna gloria qui vitam sine termino nobis donet in patria | Amen

Sicut novellae olivarum ecclesiae filii R. Sunt in circuitu mensę domini

Ego sum panis vivus qui de caelo descendi si quis manducaverit ex hoc pane vivet in aeternum alleluia

Sapientia*

Angelorum esca*

Panem caeli dedit eis R. Panem angelorum manducavit homo

Pinguis est panis*

Cibavit eos ex adipe frumenti R. Et de petra melle saturavit eos

Vincenti*

Educas panem de terra R. Et vinum laetificet cor hominis

Sacerdos in aeternum Christus dominus secundum ordinem Melchisedech panem et vinum obtulit

Miserator dominus escam dedit timentibus se in memoriam suorum mirabilium

Calicem salutaris accipiam et sacrificabo hostiam laudis

Qui pacem ponit fines ecclesiae frumenti adipe satiat nos dominus

Sicut novellae olivarum ecclesiae filii

Sunt in circuitu mensae domini

Gloria patri*

Pange lingua gloriosi*

Panem de caelo praestitisti eis R. Omne delectamentum in se habentem

O sacrum convivium in quo Christus sumitur recolitur memoria passionis ejus mens impletur gratia et futurae gloriae nobis pignus datur alleluia

Dominus qui pascit nos venite adoremus

Sacris sollemniis*

Fructum salutiferum*

Panem caeli dedit eis*

Memor sit dominus*

Cibavit eos*

Sapientia*

Panem de caelo*

Verbum supernum*

Sicut novellae*

Ego sum panis vivus*

Sapientia*

Sacerdos*

Fructum salutiferum*

Memor sit dominus*

Sapientia*

Sacerdos*

Regnum tuum*

Planxit autem David planctum magnum super Saul et Jonathan filium ejus et dixit quomodo ceciderunt fortes in bello et perierunt arma bellica

Montes Gelboe nec ros nec pluvia veniant super vos ubi ceciderunt robusti

Gloria patri et filio et spiritui sancto

Deus creator omnium*

Elevatio manuum mearum domine R. Sacrificium vespertinum

Loquere domine quia audit servus tuus

Cognoverunt omnes a Dan usque Bersabee quod fidelis Samuel propheta esset domini

Iratus rex Saul dixit mihi mille dederunt et filio Isai dederunt decem milia

Nonne iste est David de quo canebant in choro dicentes Saul percussit mille et David decem milia in milibus suis

Quis enim in omnibus sicut David fidelis inventus est in regno tuo egrediens et regrediens et pergens ad imperium regis

Obsecro domine aufer iniquitatem servi tui quia insipienter egi

In manu tua domine*

Adoremus dominum qui fecit nos

Aeterne rerum*