Qui operatus est Petro in apostolatu operatus est et mihi inter gentes et cognoverunt gratiam dei quae data est mihi

Gratia dei in me vacua non fuit sed gratia ejus semper in me manet

Scio cui credidi et certus sum quia potens est depositum meum servare in illum diem

Reposita est mihi corona justitiae quam reddet mihi dominus

Bonum certamen certavi cursum consummavi fidem servavi ideoque reposita est mihi corona justitiae

Scio cui credidi et certus sum quia potens est depositum meum servare in illum diem

Saulus qui et Paulus magnus praedicator a deo confortatus convalescebat et confundebat Judaeos

Ostendens quia hic est Christus filius dei vivi

Ne magnitudo revelationum extollat me datus est mihi stimulus angelus Satanae ut me colaphizet propter quod ter dominum rogavi ut auferatur a me et dixit mihi dominus sufficit tibi Saule gratia mea

Nam virtus in infirmitate perficitur

Reposita est mihi corona justitiae quam reddet mihi dominus in illo die justus judex

Cooperante gratia spiritus sancti

Ter virgis caesus sum semel lapidatus sum ter naufragium pertuli pro Christi nomine

Nocte ac die in profundo maris fui

Beati mundo corde*

Beati qui persecutionem patiuntur propter justitiam

In patientia vestra*

Et capillus de capite vestro non peribit

Reposita est mihi corona justitiae quam reddet mihi dominus in illum diem justus judex

Scio cui credidi*

Audistis enim conversationem meam aliquando in judaismo quoniam proficiebam supra multos coaetaneos meos in genere meo

Abundantius enim aemulator exsistens paternarum mearum traditionem

Cum autem placuit ei qui me segregavit de utero matris meae et vocavit per gratiam suam ut revelaret filium suum per me ut evangelizarem illum in gentibus

Continuo non acquievi carni et sanguini neque veni Jerusalem ad antecessores meos apostolos

Petrus apostolus et Paulus*

Sancte Paule apostole praedicator veritatis et doctor gentium intercede pro nobis ad deum qui te elegit ut digni efficiamur gratia dei

Tu es vas electionis sancte Paule apostole praedicator veritatis in universo mundo

Saulus autem magis ac magis convalescebat et confundebat Judaeos qui habitabant Damasci affirmans quoniam hic est Christus

Fuit autem cum discipulis qui habitabant Damasci per dies aliquot et continuo in synagogis praedicabat Jesum

Gratia dei sum id quod sum et gratia ejus in me vacua non fuit sed semper in me manet

Bonum certamen certavi cursum consummavi fidem servavi

Magnus sanctus Paulus vas electionis vere digne est glorificandus qui et meruit thronum duodecimum possidere

A Christo de caelo vocatus et in terram prostratus ex persecutore effectus est vas electionis

Ego plantavi Apollo rigavit deus autem incrementum dedit alleluia

Unusquisque propriam mercedem accipiet secundum suum laborem

Libenter gloriabor in infirmitatibus meis ut inhabitet in me virtus Christi

Quando enim infirmor tunc fortior sum et potens

Sancte Paule apostole praedicator veritatis et doctor gentium intercede pro nobis ad deum qui te elegit

Ut digni efficiamur gratia dei

Gratia dei in me vacua non fuit sed gratia ejus semper in me manet

Gratia dei sum id quod sum

Damasci praepositus gentis Aretae regis voluit me comprehendere a fratribus per murum submissus sum in sporta et sic evasi manus ejus in nomine domini

Deus et pater domini nostri Jesu Christi scit quod non mentior

Vos qui reliquistis omnia et secuti estis me centuplum accipietis et vitam aeternam possidebitis

Cum sederit filius hominis in sede majestatis suae

Qui operatus est Petro*

Scio cui credidi*

Tu es vas electionis*

Magnus sanctus Paulus*

Saulus qui et Paulus*

Ne magnitudo*

Reposita est*

Ter virgis caesus*

Magnus sanctus Paulus*

Vos qui secuti estis me sedebitis super sedes judicantes duodecim tribus Israel dicit dominus

Fidelis sermo et omni acceptione dignus quia Jesus Christus venit in hunc mundum peccatores salvos facere et qui nasci dignatus est de Maria virgine tangi non dedignatus est de Maria peccatrice haec est illa Maria cui dimissa sunt peccata multa quia dilexit multum haec est illa Maria quae resurgentem a mortuis prima omnium videre meruit dominum Jesum Christum quem pro ut nostris reatibus oret quaesumus in aeternum

Ploremus coram domino cum Maria ut veniam mereamur cum illa

Intravit Jesus in quoddam castellum et ecce Martha soror Mariae gaudens eum excepit in domum

Soror Marthae Maria sedens secus pedes domini audiebat verbum illius

Martha satagebat circa frequens ministerium at Maria

Martha stetit et ait domine non est tibi curae quod soror mea Maria reliquit me solam ministrare

Dic ergo illi ut me adjuvet

Respondens Jesus dixit Martha Martha sollicita es erga plurima porro unum est necessarium

Maria optimam partem elegit quae non auferetur ab ea

Post habito Marthae actualis vitae labore Maria contemplativae vitae delectatur dulcedine

Dum terrenorum strepitus actuum in ea quiescunt a cogitatione

Rogabat Jesum quidam phariseus ut manducaret cum illo et ingressus domum pharisei discubuit et ecce mulier quae erat in civitate peccatrix ut cognovit quod accubuisset in domo pharisei attulit alabastrum unguenti

Accepit Maria libram unguenti nardi pistici pretiosi et unxit pedes Jesu et capillis capitis sui extersit

Stans retro secus pedes Jesu lavit lacrimis suis et ex osculabatur eos

Conversus Jesus ad Mariam dixit mulier dimittuntur tibi peccata fides tua te salvam fecit*

Cui plus dimittitur plus diligit vade in pace

Maria ut Jesum adesse audivit cito surgit et ad eum venit

In illo loco ubi Martha ei occurrit Maria

Cum venisset Maria ubi erat Jesus videns eum cecidit ad pedes ejus

Sicut peccatorum veniam sic fratri suo obtinuit vitam

Cum esset Bethaniae Jesus venit Maria habens alabastrum unguenti nardi spicati pretiosi et fracto alabastro effudit super caput ejus

Fregit Maria super caput Jesu alabastrum unguenti nardi spicati pretiosi indignati sunt autem discipuli ejus dicentes ut quid perditio haec facta est

Potuit hoc vendi multo et dari pauperibus

Dixit Jesus discipulis suis quid molesti estis huic mulieri opus bonum operata est in me

Quod habuit haec fecit praevenit unguere corpus meum in sepulturam

Maria plorans ad monumentum foris stabat et flendo se inclinans in monumentum denuo prospiciebat quamvis quidem vacuum viderat tamen iterum videre desiderabat

Non sufficiens sibi semel aspexisse vis amoris multiplicabat in ea intentionem inquisitionis

Dixit Jesus Maria noli me tangere non dum enim ascendi ad patrem meum vade et die fratribus meis ascendo ad patrem meum et patrem vestrum

Venit Maria nuntians discipulis quia vidi dominum meum et haec dixit mihi

Una sabbati Maria Magdalena venit mane cum adhuc tenebrae essent ad monumentum Jesu alleluia

Videns lapidem sublatum a monumento Maria cucurrit et venit ad Simonem Petrum et ad alium discipulum et dixit eis tulerunt dominum a monumento alleluia

Stans autem foris plorans inclinavit se et prospexit in monumentum Maria et vidit duos angelos in albis sedentes alleluia

Dicunt ei illi mulier quid ploras dicit eis quia tulerunt dominum meum et nescio ubi posuerunt eum alleluia

Haec cum dixisset conversa est retrorsum et vidit Jesum stantem et nesciebat quia Jesus est alleluia

Dixit Jesus Maria conversa illa dixit ei rabboni et dixit ei noli me tangere nondum enim ascendi ad patrem meum alleluia alleluia

Congaudendum est matri ecclesiae quae colit festum filiae beatae Mariae in qua peccatores consolantur pro qua angeli in caelis jucundantur dum pastor inveniens perditam de morte perduxit ad vitam ad quam ut et nos perveniamus pro nobis ipsa intercedat quaesumus

Ostendit sanctus Gamaliel per visum Luciano sacerdoti tres calathos aureos rosis refertos et quartum argenteum croco plenum et dixit hi sunt nostri loculi et nostrae reliquiae hic autem sanguineas habens rosas loculus est sancti Stephani qui solus ex nobis martyrio meruit coronari

Regressus Lucianus presbyter a sancto Joanne episcopo jussit ut consurgerent omnes diluculo et foderent in acervo illo ubi putabant esse corpora sanctorum

Ex odoris mira fraglantia sanitas aegrotis emanavit maxima septuaginta namque et tres tunc a variis languoribus curati sunt homines in inventione corporis Stephani dilecti sui martyris deum benedicentes

Martyr sancta*

Gloriosa et beatissima Christi martyr Afra quae per florem paradisi pretiosum praesulem Narcissum divinitus medicata mortiferum idolatriae et priscae turpitudinis morbos evasisti teque ipsam vivum et illibatum domino holocaustum per ignem passionis obtulisti nos quaesumus quamvis sordidos quamvis peccatores tui nunc memoriam venerantes sereno vultu respice et cum beatis martyrii tui consortibus pro nostris reatibus intercede

Vigili corde dominum adorantes venite qui a sordibus purgatam sanctis martyribus beatam sociavit Afram

Cum sub Diocletiano tyranno saeva persecutionis tempestas Christi turbaret ecclesias beatus praesul Narcissus domino favente vindelicam venit Augustam

In qua civitate cum puellis suis veneris sacris dedita tunc turpis sed postmodum sanctissima habitabat Afra

Cujus prostibulum cum Felice diacono suo sanctus praesul ignorans ingressus pacem domui imprecatur benigneque quasi pro turpi amatore suscipitur