Puellae saltanti imperavit mater nihil aliud petas nisi caput Johannis Baptistae et contristatus est rex propter jusjurandum et propter simul discumbentes

Domine mi rex da mihi in disco caput Johannis Baptistae

Domine mi rex da mihi in disco caput Johannis Baptistae

Et contristatus est rex propter jusjurandum et propter simul discumbentes noluit eam contristare sed misso spiculatore praecepit amputare

Postulante nequissima Herodiadis filia ut praeco Christi nobilis beatus Joannes Baptista necaretur in carcere

Misso Herodes spiculatore praecepit ut Joannes Baptista

Herodes enim tenuit et ligavit Joannem et posuit in carcerem propter Herodiadem

Arguebat Herodem Joannes propter Herodiadem quam tulerat fratri suo Philippi uxorem

Puellae saltanti imperavit mater nihil aliud petas nisi caput Joannis

Domine mi rex da mihi in disco caput Joannis Baptistae

Da mihi in disco caput Joannis Baptistae et contristatus est rex propter juramentum

Misso Herodes spiculatore praecepit amputare caput Joannis in carcere quo audito discipuli ejus venerunt et tulerunt corpus ejus et posuerunt illud in monumento

Petiit puella caput Joannis in disco quo allato dedit matri suae

Herodes funestus jussit interficere et afferri caput Joannis in disco

Dicebat enim regi Joannes Baptista non licet tibi habere uxorem fratris tui

Misit rex incredulus ministros detestabiles amputare jussit caput Joannes in carcere

Herodes enim*

Postulante*

In medio carceris stabat beatus Joannes voce magna clamavit et dixit domine deus meus ad te commendo spiritum meum

Magna vox laude sonora te decet per omnia quo poli chorea gaudet aucta tali compare terra plaudit et resultat digna tanto praesule o sacer Remacle praesul nostra vota suscipe

Adoremus Christum regem confessorum dominum qui aeterna sanctum Remaclum coronavit gloria

Oriundus fuit Aquitaniae partibus vir per omnia et vita et nomine venerabilis Remaclus nobilis parentibus sed fide nobilior

Dignitare quidem saeculari clarus sanctitate autem extitit praecipuus

Sanctus Remaclus parvipendebat praesentia veluti devoverat in pueritia aestimans pro nihilo omnia praeter quod erat aeternae salutis gratia

Caelestibus animo inhaerens sese in holocaustum domino mactabat

Consilium et opus suum semper ad deum convertebat cor ejus et pedes directi erant ad evangelizandam pacem

Erat vere dignus beatus Remaclus et aspectu amabilis colloquio affabilis

Almus adolescens trudo admonitu confortatus angelico venit ad sanctum pontificem Remaclum cupiens ejus facundo eloquio plenius roborari in dei obsequio

Omnia ait quae desideras deo disponente implebis

Ecce vere Israelita in quo dolus non est inventus qui probatus repertus est sacerdos magnus juxta ordinem Melchisedech

Statuit ei dominus testamentum sempiternum et dedit illi sacerdotium magnum

Sacerdos dei Remaclus ardebat plane interius flamma paracliti spiritus idcirco exterius honorem contempsit saecularem

Caelum ejus patuit precibus et oratio ad supernos pervenit auditus

Vir Israelita gaude coheres Christi intercede pro nobis

Ut precibus tuis a deo veniam speremus supplices ad te confugimus

Laudemus dominum in beati antistitis Remacli meritis gloriosis ad sepulcrum ejus aegri veniunt et sanantur

Vere mirabilis deus qui assiduis beatum Remaclum miraculis coruscare facit

Iste est de sublimibus caelorum praepotentibus unus quem manus domini consecravit matris in visceribus cujus nos meritis adjuvari supplices deposcimus

Iste est qui ante deum magnas virtutes operatus est et omnis terra doctrina ejus repleta est

Pretiosus domini sacerdos Remaclus fruitur gaudens et exsultans societate apostolorum glorificatione prophetarum confessione martyrum cohere ditate confessorum integritate virginum obtinetque palmam perennis gloriae et stolam jucunditatis aeternae

Exanimes artus nec liquit caelica virtus monstravit populis quantae fuerit bonitatis

Sanctus dei Remaclus fidelium litteris eruditus ne diutius absconderetur lucerna sub modio posita est super candelabrum

Quatinus lux operationis et praedicationis suae omnibus sui domo sanctae dei ecclesiae luceret

Qui etiam in praesulatus officio tantum ac talem se in omnibus exhibuit ut licet in terris haberetur corpore caelestis tamen concivis jam erat in mente

Erat sanctus dei athleta dulci locutione omnibus affabilis salubri praedicatione multum amabilis

His et hujusmodi virtutibus pollens pervenit ad eum quem semper desideraverat Christum

Sollemnitatem beati Remacli debita veneratione percolere depositionis ejus commemoratio principalis invitat crescat ergo in universorum pectoribus pro fidei ardore devotio dum sancti confessoris dei pandetur magnitudo

Juramento domini non paenitentis quem pro tuis sancte confessor meritis caterva laudat haec tu es sacerdos secundum ordinem Melchisedech

Dispergens bona mundi praesentis dedit pauperibus Christi ideo cornu exaltatio in gloria justitia ejus manet in saeculum saeculi

Dominus deus noster qui in altis habitat et humilium respectu de terra in opem suscitat hunc sanctum imitatorem sui humilem cum principibus populi collocaverat

O domine beatus antistes cujus festum colimus laetantes vere servus tuus extitit quia laudis hostiam sacrificando vota sua in conspectu populi tibi reddidit

Sancte Remacle Christi confessor audi rogantes servulos et impetratam caelitus tu defer indulgentiam

O Remacle sidus aureum domini gratia servorum gemitus solita suscipe clementia

Pretiosus ecclesiae Tungrensis antistes Remaclus post legitimum agonis sui cursum bravium vitae aeternae percepit a domino cui congratulantur supernae patriae cives

Praecelsi confessoris Christi tam meritis quam nomine Magni natalis assunt nobis festa diei qua deposita gravi carnis hujus sarcina aeterna laboris sui gaudens adeptus est praemia unde nunc ejus unanimes laudibus insistamus ut et nos tanti apud deum patroni perpetim suffragia sentiamus

Maximum regem cunctorum adoremus dominum qui beatum Magnum hodie sanctorum conjunxit gloriae confessorum

Sanctus vir Magnoaldus Scotigenae stirpis ex Hibernia insula fuit oriundus

Hic divino instinctus amore mundi coepit nugas cedere et Christi gymnasia Tyronum mente devota crebrius visitare

Ubi per vere lucis praeconem beatum Gallum excitatus somno saecularis vitae rejecto monastice ergasterium regulae strenuus est operator ingressus

Felicissimum beati Magni specialis patroni nostri recolentes transitum unanimiter omnes glorificemus dominum

Qui ab occiduis finibus mundi talem nobis fecit solem oriri

Beatus Magnus cum sancto Gallo plurimus in hac regione virtutibus decoratus a Joanne episcopo Constantiensi in diaconatus est gradum promotus

Sicut ipsi discedens sanctus praedixerat Columbanus

Post sancti patris obitum Columbani beatus Magnus ad ejus coenobium missus epistolam absolutionis et baculum ejus felici retulit Gallo

Ut interdictum per haec sibi cognosceret officium esse permissum

Sub sancto itaque patre degens Columbano omni morum sanctitate summis in brevi coaequatus est viris

Cumque virtute praepollens obedientiae curam administraret cellarii antiquo maris rubri miraculo caelitus meruit decorari

Nam ipsius ad vocem cum minister currens properaret liquor quem edulio profluentem oblitus reliquit supra vas quod influebat mirum in modum solidatus cumulum effecit

Triennio post beati Galli sepulturam evoluto sanctus Magnus cum Theodoro divina revelatione roboratus ad partes orientes profectus est

Duce itineris Tozzone presbytero sibi divinitus misso

Veniens vir dei Brigantium caeco cuidam stipem petenti diu negatum restituit visum

Orationem domino fundens et oculos ejus sputo suo liniens

Cum Campidonam sanctus venisset et plenum serpentibus oppidum invenisset pridem hominibus inhabitabilem divino servitio locum reddidit habilem

Ingentem ibi boam in nomine domini bacillo neci sternens reliquosque angues in fugam vertens

Jussione viri dei ursus poma discrevit et optima quaeque in usus servorum dei intacta servavit

Ad preces ejus plurima convolans copia volucrum sanctis se viris ultroneum praebuit esum

O vere mundum et purum beati Magni interiorem oculum quo corporaliter absentia in spiritu meruit conspicere praesentiam

Miris magnorum radiis fulgens meritorum pro nobis miseris sanctissime Magne preceris

Ostendendo bonum te clementemque patronum

Expulsis e Campidona daemonibus relictoque inibi ad Christi famulatum Theodoro vir beatus ad Wicterpum Augustae praesulem venit ejusque permisso et auxilio Fauces Alpium petiit

Cum prius horribilem Christi virtute draconem peremisset

Vir deo amabilis amator solitudinis electum sibi excolens locum oratoria et cellas construxit atque tetras daemonum inde phalanges propulsavit

Jejuniis vacans orationibus invigilans

Confessor domini sanctissime meritis et nomine Magne supplicum vota tuorum pie quaesumus suscipe qui in his quondam terris advena et peregrinus nunc civis santorum et domesticis dei perpetim gaudens in caelestibus

Nos quoque exsules regni captivos saeculi patriae reddas paradisi

Comperta virtutum beati Magni fama Pipinus princeps locum quem sanctus incoluit regia largitione donavit

Cum ad pontificem Wicterpum venisset vir dei idem cum Theodoro episcopus caput ejus caelesti vidit lumine coronari

Accito ad Campidonam sanctus Magnus episcopo oratorium quod Theodorus inibi construxit se praesente dedicari impetravit

Deo dignus diaconus Wicterpi praesulis petitione coactus sacerdotalem dignissime ab eo percepit benedictionem

Divina donante clementia vir domini urso monstrante et obsequelam ad nutum ejus praebente venas ferri ad usum posteritatis meruit invenire

Post transacta trium et septuaginta annorum curricula beatus Magnus meritis aetate et sanctitate plenus ex hujus incolatu vitae mortalis Christo vocante ad aeterna transivit gaudia patriae caelestis alleluia alleluia

In visione raptus divina ipsa qua commissa est hora regum longa regione semotam vidit mirifice pugnam

Beatus Magnus in hac terra cum sancto Columbano peregrinatus juxta Brigantini mansit aliquamdiu confinia Latiis

Cum Italiam petiturus sanctus discederet Columbanus infebricitantis Galli solatium de futuris prius instructum reliquit in his finibus Magnum

O felicem et salutiferam febrem quae beatum Gallum atque sanctissimum Magnum duos tam mirificos animarum medicos ad salutem languentis Sueviae fecit in hac patria remanere

Inter varias mundi tentationes fluctantibus servulis tuis ad te sanctissime Magne missae nobis a deo patrone tutum semper portum salutis confugium praebe

Corde et animo*

Adest namque nativitas sacratissimae virginis quae ex regali progenie genita genuit Christum regem dominum ipsa intercedat pro peccatis nostris

In honore beatissimae Mariae virginis jubilemus domino

Hodie nata est beata virgo Maria ex progenie David per quam salus mundi credentibus apparuit cujus vita gloriosa lucem dedit saeculo