Veniat iterum angelus tuus et doceat nos vias tuas domine

Omnis vallis implebitur et omnis mons et collis humiliabitur et videbit omnis caro salutare dei

O sapientia quae ex ore altissimi prodisti attingens a fine usque ad finem fortiter suaviter disponensque omnia veni ad docendum nos viam prudentiae

O adonai et dux domus Israel qui Moysi in igne flammae rubi apparuisti et ei in Sina legem dedisti veni ad redimendum nos in bracchio extento

O radix Jesse qui stas in signum populorum super quem continebunt reges os suum quem gentes deprecabuntur veni ad liberandum nos jam noli tardare

O clavis David et sceptrum domus Israel qui aperis et nemo claudit claudis et nemo aperit veni et educ vinctos de domo carceris sedentes in tenebris et umbra mortis

O oriens splendor lucis aeternae et sol justitiae veni et illumina sedentes in tenebris et umbra mortis

O rex gentium et desideratus earum lapisque angularis qui facis utraque unum veni salva hominem quem de limo formasti

O Emmanuel rex et legifer noster exspectatio gentium et salvator earum veni ad salvandum nos domine deus noster

O virgo virginum quomodo fiet istud quia nec primam similem visa es nec habere sequentem filiae Jerusalem quid me admiramini divinum est mysterium hoc quod cernitis

O Gabriel nuntius caelorum qui januis clausis ad me intrasti et verbum nuntiasti concipies et paries Emmanuel vocabitur

O rex pacifice tu ante saecula nate per auream egredere portam redemptos tuos visita et eos illuc revoca unde ruerunt per culpam

O mundi domina regio ex semine orta ex tuo jam Christus processit alvo tamquam sponsus de thalamo hic jacet in praesepio qui et sidera regit

O Jerusalem civitas dei summi leva in circuitu oculos tuos et vide dominum deum tuum quia jam veniet solvere te a vinculis

Qui venturus est veniet et non tardabit jam non erit timor in finibus nostris

Hodie scietis quia veniet dominus et mane videbitis gloriam ejus

Sanctificamini hodie et estote parati quia die crastina videbitis majestatem dei in vobis

Hodie scietis quia veniet dominus et mane videbitis gloriam ejus

Constantes estote videbitis auxilium domini super vos Judaea et Jerusalem nolite timere cras egrediemini et dominus erit vobiscum

Vos qui in pulvere estis expergiscimini et laudate ecce dominus veniet cum salute

De illa occulta habitatione sua egressus est filius dei descendet visitare et consolari omnes qui eum de toto corde desiderabant

Ex Sion species decoris ejus deus noster manifeste veniet

Sanctificamini filii israhel dicit dominus in die enim crastina descendet dominus et auferet a vobis omnem languorem

Ecce dominus veniet ut salvos nos faciat et illuminet abscondita tenebrarum

Judaea et Jerusalem nolite timere cras egrediemini et dominus erit vobiscum alleluia

Hodie scietis quia veniet dominus et mane videbitis gloriam ejus

Crastina die delebitur iniquitas terrae et regnabit super nos*

Exspectetur sicut pluvia eloquium domini et descendet sicut ros super nos deus noster

Crastina erit vobis salus dicit dominus deus exercituum

Joseph fili David noli timere accipere Mariam conjugem tuam quod enim in ea natum est de spiritu sancto est alleluia

Orietur sicut sol*

Constantes estote videbitis auxilium

Domini super vos*

Hodie scietis*

Hodie scietis quia veniet dominus

Crastina die delebitur*

Crastina erit vobis salus

Constantes estote*

Hodie scietis*

Scitote quia prope est regnum dei amen dico vobis quia non tardabit

Rex pacificus magnificatus est cujus vultum desiderat universa terra

Magnificatus est rex pacificus super omnes reges universae terrae

Orietur sicut sol salvator mundi et descendet in uterum virginis sicut imber super gramen alleluia

Et mane videbitis gloriam ejus

Constantes estote*

Vobis autem qui timueritis dominum

Orietur sol justitiae

Crastina erit vobis salus

Levate capita vestra ecce appropinquabit redemptio vestra

Dum ortus fuerit*

Judaea et Jerusalem nolite timere cras egrediemini et dominus erit vobiscum

Constantes estote videbitis auxilium domini super vos

Gloria patri et filio et spiritui sancto

Cum esset desponsata mater Jesu Maria Joseph antequam convenirent inventa est in utero habens quod enim in ea natum est de spiritu sancto est alleluia

Dum ortus fuerit sol de caelo videbitis regem regum procedentem a matre tamquam sponsum de thalamo suo

O Jerusalem*

Ave Maria*

Christus natus est nobis venite adoremus

Dominus dixit ad me filius meus estu ego hodie genui te

Tamquam sponsus dominus procedens de thalamo suo

Elevamini portae aeternales et introibit rex gloriae

Diffusa est gratia in labiis tuis propterea benedixit te deus in aeternum

Rex omnis terrae deus venit psallite sapienter

Suscepimus deus misericordiam tuam in medio templi tui

Hodie nobis caelorum rex de virgine nasci dignatus est ut hominem perditum ad regna caelestia revocaret gaudet exercitus angelorum quia salus aeterna humano generi apparuit

Gloria in excelsis deo et in terra pax hominibus bonae voluntatis

Hodie nobis de caelo pax vera descendit hodie per totum mundum melliflui facti sunt caeli

Gloria in excelsis deo et in terra pax hominibus bonae voluntatis

O regem caeli cui talia famulantur obsequia in stabulo ponitur qui continet mundum jacet in praesepio et in caelis regnat

Domine audivi auditum tuum et timui consideravi opera tua et expavi in medio duorum animalium

Descendit de caelis missus ab arce patris introivit per aurem virginis in regionem novam indutus stola purpurea et exivit per auream portam lux et decus universae fabricae mundi

Auscultata omnes ubique fideles | Propagator noster et auctor aeternus | Dolens male nosmet perisse | Et patriam longe exulasse | Coaeternum sibi filium misit ut eriperet hominem | Idcirco jubilet domino circus universae

Tamquam sponsus dominus procedens de thalamo suo

Gloria patri et filio et spiritui sancto sicut erat in principio et nunc et semper et in saecula saeculorum amen

Tamquam sponsus dominus procedens de thalamo suo

Orietur diebus domini abundantia pacis et dominabitur

Veritas de terra orta est et justitia de caelo prospexit

Homo natus est in ea ipse fundavit eam altissimus

Ipse invocabit me alleluia pater meus es tu alleluia

Laetentur caeli et exsultet terra ante faciem domini quoniam venit

Notum fecit dominus alleluia salutare suum alleluia

Quem vidistis pastores dicite annuntiate nobis in terris quis apparuit natum vidimus in choro angelorum salvatorem dominum

Dicite quidnam vidistis et annuntiate Christi nativitatem

Natus est nobis hodie salvator qui est Christus dominus in civitate David

Quem aethera et terra atque mare non prevalet totum capere | Asine praesepe infans implet caelos regens ubera sugens | Factor matris factus hodie est de matre | Creans diem hodie creatus in die | Nascitur mundo oriens Gabriel | Quem vocavit Emmanuel nobiscum deus

O magnum mysterium et admirabile sacramentum ut animalia viderent dominum natum jacentem in praesepio beata virgo cujus viscera meruerunt portare dominum Christum

Domine audivi auditum tuum et timui consideravi opera tua et expavi in medio duorum animalium

Beata dei genetrix Maria cujus viscera intacta permanent hodie genuit salvatorem saeculi

Ave Maria gratia plena dominus tecum

Sancta et immaculata virginitas quibus te laudibus referam nescio quia quem caeli capere non poterant tuo gremio contulisti

Benedicta tu in mulieribus et benedictus fructus ventris tui

In principio et ante saecula deus erat verbum ipse natus est nobis salvator mundi

Verbum caro factum est alleluia et habitabit in nobis alleluia

Natus est nobis hodie salvator qui est Christus dominus in civitate David

Homo*

Laetentur*

Notum*

Beata viscera Mariae virginis quae portaverunt aeterni patris filium et beata ubera quae lactaverunt Christum dominum quia hodie pro salute mundi de virgine nasci dignatus est

Ave Maria gratia plena dominus tecum

Congratulamini mihi omnes qui diligitis dominum quia cum essem parvula placui altissimo et de meis visceribus genui deum et hominem