In diebus illis*

Ante me non est formatus deus et post me non erit quia mihi curvabitur omne genu et confitebitur omnis lingua

O pastor aeterne o clemens et bone custos qui dum devoti gregis preces attenderas voce lapsa de caelo praesuli sanctissimo dignum episcopatu Nicolaum ostendisti tuum famulum

Confessorum regem adoremus qui caelestis regni meritum et gloriam concessit sancto suo Nicolao

Nobilissimis siquidem natalibus ortus velut lucifer Nicolaus emicuit

Postquam domi puerilem decursit aetatem cunctis mundi hujus spretis oblectationibus Christi se jugo subjiciens documentis sanctis suum praebuit auditum

Pudore bono repletus dei famulus sumptibus datis stupri nefas prohibuit

Auro virginum incestus auro patris earum inopiam auro prorsus utrorumque detestabilem infamiam dei servus ademit Nicolaus

Innocenter puerilia jura transcendens evangelicae institutionis discipulus effectus est

Gloriam mundi sprevit cum suis oblectationibus et ideo meruit provehi ad summum sacerdotii gradum

Confessor dei Nicolaus nobilis progenie sed nobilior moribus ab ipso puerili aevo secutus dominum meruit divina revelatione ad summum provehi sacerdotium

Erat enim valde compatiens et super afflictos pia gestans viscera

Operibus sanctis Nicolao humiliter insistente revelatione divina provectus est ad summum sacerdotii gradum

Voce quidem de caelo lapsa cuidam insinuat praesuli dignum episcopatu Nicolaum

Quadam die tempestate saevissima quassati nautae coeperunt sanctum vocare Nicolaum et statim cessavit tempestas

Mox illis clamantibus apparuit quidam dicens eis ecce adsum quid vocastis me

Pontifices almi divina revelatione laetificati Nicolaum tunc praesulem devotissime consecraverunt

Sanctus quidem triticum quod a nautis postulaverat acceptum et sagacitate distribuere et augeri precibus impetravit

Muneribus datis neci sunt juvenes innocenter addicti quibus domini servus fuit vitae praesidium festinanter

Innocens manibus et mundo corde sanctus iste a domino benedictionem meruit accipere

Domine deus te decet hymnus qui sanctum Nicolaum elegisti et in atriis tuis habitare fecisti

Quasi cedrus multiplicatus beatissimus pontifex Nicolaus per virtutum suarum opera florebit ut palma

Audiens Christi confessor trium juvenum innocentum necem praecucurrit quantocius ad locum quo fuerant plectendi et liberavit eos

Statimque solutos a vinculis usque ad praetorium consulis secum adduxit

Qui cum audissent sancti Nicolai nomen statim expandunt manus utrasque ad caelum salvatoris laudantes clementiam

Clara quippe voce coram omnibus dignum referebant illum dei famulum

Beatus Nicolaus jam triumpho potitus novit suis famulis praebere caelestia commoda qui toto corde poscunt ejus petitiones illi nimirum tota nos devotione oportet committere

Ut apud Christum ejus patrociniis adjuvemur semper

O per omnia laudabilem virum cujus meritis ab omni clade liberantur qui ex toto corde quaerunt illum

Ex ejus tumbae marmore sacrum resudat oleum quo liniti sanatur caeci surdis auditus redditur et debilis quisque sospes resiliet

Catervatim ruunt populi cernere cupientes quae per eum fiunt mirabilia

Laudemus dominum in beati antistitis Nicolai meritis gloriosi ad sepulcrum ejus aegri veniunt et sanantur

Gaudeamus omnes in domino diem festum celebrantes beatissimi Nicolai

Summe dei praesul Nicolae tuam catervam protege namque credimus tuis precibus nos semper esse salvandos

Qui tres pueros morti deditos illaesos abire fecisti tuis laudibus instantem conserva plebem

Sint lumbi vestri praecincti et lucernae ardentes in manibus vestris et vos similes hominibus exspectantibus dominum suum quando revertatur a nuptiis

Vigilate ergo quia nescitis qua hora dominus vester venturus sit

Beatus Nicolaus pontificatus infulis decoratus talem se exhibuit ut ab omnibus amaretur

Aecclesiae sanctae frequentans limina sacro pectori mandata condebat sagaciter

Infantia teneriori decursa corpus jejuniis macerabat

Sancte et juste vivendo ad honorem sacerdotii meruit revelari divinitus

Sancte Nicolae confessor domini pretiose adesto nostris precibus pius ac propitius

O Christi pietas omni prosequenda laude qui sui famuli merita longe lateque declarat nam ex tumba ejus oleum manat cunctosque languidos sanat

Beate Nicolae sacerdos dei sanctissime intercede pro nobis ad dominum ut mereamur fieri consortes aeternorum bonorum cum ipso per aevum

Soror mea Lucia virgo deo devota quid a me petis quod ipsa poteris praestare continuo matri tuae

Lucia virgo quid a me petis quod ipsa poteris praestare continuo nam et matri tuae fides tua subveniaet et ecce salva es quia jucundum deo in tua virginitate habitaculum praeparasti

Sicut per me civitas Catinensium sublimatur a Christo ita et per te civitas Syracusana decorabitur a domino Jesu Christo

Rogavi dominum meum Jesum Christum ut ignis iste non dominetur mihi et impetravi a domino inducias martyrii mei

Pro eo ut me diligerent detrahebant mihi ego autem orabam

Grata facta est a domino in certamine quia apud deum et apud homines glorificata est in conspectu principum loquebatur sapientiam et dominus omnium dilexit eam

Adjuvabit eam deus vultu suo deus in medio ejus non commovebitur

Orante sancta Lucia apparuit ei beata Agatha consolabatur ancillam Christi

Lucia virgo quid a me petis quod ipsa poteris praestare continuo matri tuae

Per te Lucia virgo civitas Syracusana decorabitur a domino Jesu Christo

Tanto pondere eam fixit spiritus sanctus ut virgo domini immobilis permaneret

Columna es immobilis Lucia martyr Christi quia omnis plebs te exspectat ut accipias coronam vite alleluia

In tua patientia possedisti animam tuam Lucia sponsa Christi odisti quae in mundo sunt et coruscas cum angelis sanguine proprio inimicum subegisti

Ecce venit rex occurramus obviam salvatori nostro

Ecce apparebit dominus super nubem candidam et cum eo sanctorum milia et habet in vestimento et in femore suo scriptum rex regum et dominus dominantium

Ecce dominator dominus cum virtute veniet

Bethleem civitas dei summi ex te exiet dominator Israel et egressus ejus sicut a principio dierum aeternitatis et magnificabitur in medio universae terrae et pax erit in terra nostra dum venerit

Deus a Libano veniet et sanctus de monte umbroso et condenso

Qui venturus est veniet et non tardabit jam non erit timor in finibus nostris quoniam ipse est salvator noster

Ex Sion species decoris ejus deus noster manifeste veniet

Suscipe verbum virgo Maria quod tibi a domino per angelum transmissum est concipies per aurem deum paries et hominem ut benedicta dicaris inter omnes mulieres

Ave Maria gratia plena dominus tecum

Aegypte noli flere quia dominator tuus veniet tibi ante cujus conspectum movebuntur abyssi liberare populum suum de manu potentium

Ecce dominator dominus cum virtute veniet

Prope est ut veniat tempus ejus et dies ejus non elongabuntur miserebitur dominus Jacob et Israel salvabitur

Qui venturus est veniet et non tardabit jam non erit timor in finibus nostris quoniam ipse est salvator noster

Ponent domino gloriam*

Descendet dominus sicut pluvia in vellus orietur in diebus ejus justitia et abundantia pacis

A solis ortu et occasu ab aquilone et mari

Veni domine et noli tardare relaxa facinora plebis tuae et revoca dispersos in terram suam

A solis ortu et occasu ab aquilone et mari

Ecce radix Jesse ascendet in salutem populorum ipsum gentes deprecabuntur et erit nomen ejus gloriosum

Deus a Libano veniet et sanctus de monte umbroso et condenso

Docebit nos dominus vias suas et ambulabimus in semitis ejus quia de Sion exibit lex et verbum domini de Jerusalem

Ex Sion species decoris ejus deus noster manifeste veniet

Veniet dominus et non tardabit ut illuminet abscondita tenebrarum et manifestabit se ad omnes gentes alleluia

Jerusalem gaude gaudio magno quia veniet tibi salvator alleluia

Dabo in Sion salutem et in Jerusalem gloriam meam alleluia

Montes et omnes colles humiliabuntur et erunt prava in directa et aspera in vias planas veni domine et noli tardare alleluia

Juste et pie vivamus exspectantes beatam spem et adventum domini

Joannes autem cum audisset in vinculis opera Christi mittens duos de discipulis suis ait illis tu es qui venturus es an alium exspectamus

Veni domine et noli*

A solis ortu*

Tu es qui venturus es an alium exspectamus dicite Joanni quae vidistis ad lumen redeunt caeci mortui resurgunt pauperes evangelizantur alleluia

Ite dicite Joanni caeci vident et surdi audiunt claudi curantur leprosi mundantur

Dicit dominus paenitentiam agite appropinquabit enim regnum caelorum alleluia

Beatam me dicent omnes generationes quia ancillam humilem respexit deus

Consurge consurge induere fortitudine bracchium domini

Paratus esto Israel in occursum domini quoniam venit

Elevare elevare consurge Jerusalem solve vincla colli tui captiva filia Sion

Ponam in Sion salutem et in Jerusalem gloriam meam alleluia

Ponent domino gloriam et laudem ejus in insulis nuntiabunt quia ecce veniet et non tardabit

Consolamini consolamini popule meus dicit deus vester

Laetamini cum Jerusalem et exsultate in ea omnes qui diligitis eam in aeternum