Ornatam in monilibus filiam Jerusalem dominus concupivit

Tota pulchra es amica mea et macula non est in te

Hujus obtentu*

Audi filia et vide*

Filiae regum in honore tuo astitit regina a dexteris tuis in vestitu deaurato circumamicta varietate

Salve regina misericordiae vita dulcedo et spes nostra salve ad te clamamus exsules filii Evae ad te suspiramus gementes et flentes in hac lacrimarum valle alleluia ergo advocata nostra illos tuos misericordes oculos ad nos converte et Jesum benedictum fructum ventris tuis nobis post hoc exsilium ostende o clemens o pia o dulcis Maria

Alma redemptoris mater quae pervia caeli porta manens et stella maris succurre cadenti surgere qui curat populo tu quae genuisti natura mirante tuum sanctum genitorem virgo prius ac posterius Gabrielis ab ore sumens illud ave peccatorum miserere

Ave beatissima civitas torum miserere divinitatis aeterno felix gaudio habitaculum justitiae castitatis lilium mater nobilis obsecra plasmatorem quatenus redemptos sanguine tueatur ut viventes Christo hymnizemus zima antiquum expurga ipsius oraculo vitae mediatrix auxiliatrix reparatrix illuminatrix adjutrix veni viva reos genetrix omnipotentis

Gaude dei genetrix virgo immaculata gaude quae gaudium ab angelo suscepisti gaude quae genuisti aeterni luminis claritatem gaude mater gaude sancta dei genetrix virgo tu sola mater intacta te laudat omnis factura genetricem lucis sis pro nobis quaesumus perpetua interventrix

Nigra sum sed formosa filiae Jerusalem sicut tabernacula cedar sicut pellis Salomonis nolite me considerare quod fusca sim quia decoloravit me sol

Ave regina caelorum ave domina angelorum ave radix sancta per quam mundo lux est orta ave gloriosa super omnes speciosa vale valde decora et pro nobis semper cristum exora

O virgo spes humilium o inter spinas lilium sis miseris auxilium nobis ad tuum filium

O portus naufragantium o salus navigantium aegrocorum solatium regulatrix -ancium

O rosa odorifera o stella splendorifera -- nos dulcis ad aethera te laudantes per saecula

O summa clementia o summa pietas o maris stella Maria summi regis cella

O summa potentia o summa bonitas et laude digna Maria mitis et benigna

O virgo purissima o dulcis dulcissima o caeli porta Maria per quam lux est orta

Virgo clemens virgo pia virgo dulcis o Maria exaudi preces omnium ad te pie clamantium

Virgo mater ecclesiae aeterne porta gloriae ora pro nobis omnibus qui tui memoriam agimus

Gloriosa dei mater cujus natus est et pater esto nobis refugium apud patrem et filium

Virgo parens Christi paritura deum genuisti

Fulgida stella maris nos protege nos tucaris

Dum paris et gaudes cantant caeli agmina laudes

Salve dulcis memoriae Maria mater gratiae nostra spes et gloria

Gaude virgo singularis stella maris lux solaris patris parens filia

Vale dulcis o regina fac nos salvos a ruina nato reconcilia

Mariae virginis fecundat viscera vis sancti flaminis non carnis opera carens originis labe puerpera dei et hominis dans nova foedera

Ardere cernitur ardenti radio rubus nec uritur ignis incendio sic nec corrumpitur virgo suscepto filio in puerperio

Miratur ratio deum in homine concepto filio de matre virgine non fiat quaestio de tanto numine fides sit ratio virtus pro semine

Regina caeli laetare alleluia quia quem meruisti portare alleluia resurrexit sicut dixit alleluia ora pro nobis deum alleluia

Sanctus sanctus sanctus dominus deus sabaoth pleni sunt caeli et terra gloria tua hosanna in excelsis benedictus qui venit in nomine domini hosanna in excelsis

Alleluia Ave benedicta Maria Jesu Christi mater et filia flos pudoris dos amoris ros dulcoris o Maria caeli via virgo candens lilium stella maris appellaris fer nobis auxilium ne demergat sed abstergat prorsus labem criminum sidus splendoris mater salvatoris tu dignare deprecare virgo tuum filium o Maria omni plena gratia

Ego comparabilis verno rosae flosculo ad amandum habilis per osculetur osculo me dulcis oris sui nam pulchra sum ut fui

Ejus sub umbraculo sedi quem desidero amoris signaculo dilectus quem cum videro cor meum sic consignat ut gena rosam gignat

Surgat ad me veniat praeelectus milium amplexu me leniat pudoris sumat lilium quod sibi soli servo sub castitatis nervo

Salve mater salvatoris vas electum vas honoris vas misericordiae

Salve mater Jesu Christi salve digna quae fuisti ab angelo salutari

Salve fides spes et vita salve sacra margarita in corona regis sita

Pacem tuam quaesumus domine et pax tua Christe maneat mentibus nostris ut non timeamus a timore nocturno sive diurno sed semper vigilemus cunctis in operibus seu et in moribus mandatorum tuorum

Media vita in morte sumus quem quaerimus adjutorem nisi te domine qui pro peccatis nostris juste irasceris | sancte deus | sancte fortis | sancte et misericors salvator amarae morti ne tradas nos

Vigilate omnes et orate nescitis enim quando tempus sit vigilate ergo nescitis enim quando dominus domus veniat sero an media nocte an galli cantu an mane et cum venerit repente inveniat vos dormientes

In te speraverunt patres nostri speraverunt et liberasti eos

Ad te clamaverunt patres nostri clamaverunt et non sunt confusi

Ne despicias nos in tempore senectutis cum defecerit virtus nostra ne derelinquas nos

Ah homo perpende fragilis mortalis et instabilis quod vitare non poteris mortem quocumque ieris nam aufert te saepissime dum vivis libentissime

Vae calamitatis in die vermis fremit invidiae dum audit flentem animam mortalis esses utinam quam Christi fortis gladius transibit et non alius sancte fortis

Heu nil valet nobilitas neque sedis sublimitas nil generis potentia nil rerum affluentia plus pura conscientia valet mundi scientia

Domine si inquiris cordis secreta rea est ante te omnis conscientia et si respexeris in nos plasma tuum cito flecteris ut pater ad misericordiam et ideo clamat ad te omnis homo peccavimus omnes tibi domine dona nobis indulgentiam

Cum enim dixerint pax et securitas tunc repentinus eis superveniet interitus et sicut dolor in utero babentis et non effugient

Convertimini ad me in toto corde vestro in jejunio et fletu et planctu ait dominus et scindite corda vestra et non vestimenta vestra

Auferte vestrarum malum cogitationum ab oculis meis

Gloria patri et filio et spiritui sancto

Illumina oculos meos ne umquam obdormiam in morte nequando dicat inimicus meus jactans praevalui adversus eum

Domine deus salutis meae in die clamavi et nocte coram te

Gloria patri et filio et spiritui sancto

In pace in idipsum dormiam et requiescam

Si dedero somnum oculis meis et palpebris meis dormitationem

Cum rex gloriae Christus infernum debellaturus intraret et chorus angelicus ante faciem ejus portas principum tolli praeciperet sanctorum populus qui tenebatur in morte captivus voce lacrimabili clamaverat advenisti desiderabilis quem exspectabamus in tenebris ut educeres hac nocte vinculatos de claustris te nostra vocabant suspiria te larga requirebant lamenta tu factus es spes desperatis magna consolatio in tormentis alleluia

Alme redemptoris martyr qui regia caeli signa ferens tot dura tuo pro rege subisti hominis aeterni meritum tunc exhibuisti cum carnis mentisque tuae terram coluisti te poscimus quem diligimus venerande Georgi nos dignare tuo servos ascribere regia

Sanctus Flos candens oritur de spina deus deitate trina de regina Maria Sanctus Ros mundum divinus rigavit peccatorum culpas lavit Christum pavit Maria Sanctus Nos mater salvare dignare ut te possimus laudare exaltare Maria Dominus deus sabaoth pleni sunt caeli et terra gloria tua hosanna in excelsis Benedictus Mariae filius qui venit in nomine domini hosanna in excelsis

Pacem tuam quaesumus domine et pax tua Christe maneat mentibus nostris ut non timeamus a timore nocturno sive diurno sed semper vigilemus cunctis in operibus seu in moribus mandatorum tuorum

Simon dormis non potuisti una hora vigilare mecum non vides Judam quomodo non dormit sed festinat me tradere Judeis

Sanctifica quaesumus domine nostra jejunia ut securis mentibus pervenire mereamur ad gaudia paschalia

Glorificamus nomen tuum Christe rex saeculorum qui mirabiliter in terris et mirabilius glorificas in caelis Leonardum

Hic esse contemnes ex illis qui mollibus vestiuntur et in domibus regum sunt relicta aula regis Clodovei elegit abjectus esse in domo dei

Exiens ergo de terra et cognatione sua et de domo patris sui quo longius remotus a solo patrio eo factus est vicinior caelo

Laetare Gallia quae tantum virum genuisti applaude Aquitania quae hunc patronum suscepsti gaude omnis ecclesia quae currim David contra Damascum posita optinuisti

Hic est ille Leonardus qui miram habet potestatem solvendi ligatos et ligandi tyrannorum animos solvat ergo quaesumus et nos et in nobis liger sensus in probes

Virtutum speculum spes lapsorum via stantum pro rege sancte chorum Leonarde tibi famulantum

Corporis ac animae dabo na[?] pelle mala

Gloria patri et filio et spiritui sancto

Sacra Leonardi recolentes festa beati nomen Christe tuum laudamus qui tibi carum in terra signis ex tollis in aethere donis cujus nos meritis a cladibus eripe cunctis

Mirabilem in sanctis suis adoremus dominum qui signis insignem mirificat Leonardum

Beatus Leonardus in provincia Galliarum claris parentibus exstitit natus

Nobilis in mundo claris patrum natalibus sed longe nobilior in Christo beatis enituit moribus

Parentes ejus collaterales Clodovei regis Franciae habebant in palatio primatum militiae

Christi confessor Leonardus nobilis in mundo claris patrum natalibus sed longe nobilior in Christo beatus enituit moribus

Dilectus deo et hominibus cujus memoria in benedictione est aeterna

Expetiit et inpetravit Leonardus a rege ut omnes in vinculis positi quos ipse visitaret solverentur a carcere

Sicut a terreno rege temporaliter sic a caelesti optinuit gratiam semper

Relinquens igitur quod promittebat rex pontificale fastigium tamquam fidelis agricola seminando verbum dei devenit aurelianum

Armis fidei accinctus et verbum dei fideliter omnibus praedicare paratus

Gloria patri et filio et spiritui sancto

Leonardus auditor Remigii remensis archipontificis exstitit per quem rex Clodoveus fidem Christi suscepit

Qui puerum Leonardum suscepit de sacro fonte pro carissimo nobilium parentum amore

Postquam evasit incrementa puerilia super in regis ardebat desiderio terreni se subtrahens palatio

Divina misericordia precibus Leonardi parturienti reginae subvenit et edita quam in utero habebat prole ab omni languore libera mater exstitit

Statim ut sanctus egressus est a cubiculo egressus est quoque infans parturientis ex utero

Crescebat vehementer fama ejus bonitatis et multi aegrotantes confluebant ad eum gratia recuperande sanitatis

Quibus doctor salutis salutem reddebat et eis tam carnalem quam spiritualem escam tribuebat

Leonarde homo dei deprecor de ut nos quam discedens in palatio meo mecum maneas quo usque infulam pontificalem sicut dignus es a me suscipias

Dixit ei arcessito rex Franciae vir dei mecum quaeso mane

Gloria patri et filio et spiritui sancto

Expetiit et inpetravit Leonardus a rege ut omnes a vinculis positi vos ipse visitaret solverentur carcere

Sciebat enim et faciebat illud evangelicum in carcere eram et venistis ad me et quod viri ex minimis meis fecistis mihi fecistis

Erat Leonardus clericus humilis atque mansuetus et crescebat per tctoram Galliam fama bonitatis ejus

Magnificavit dominus in universo mundo nomen Leonardi et omnis quicumque invocaverit nomen ejus fideliter merebitur a vinculis et a peccatis absolvi

Erat Leonardus*

Justus ut palma*

Ejus meritis te Christe deprecamur ut a carcere mortis eripi mereamur