Justus ut palma*

Magne pater Nicolae summo patri proxime admiranda qua praecellis apud eum gratia a commissis nos emundans ne cadamus sustine

Jam per terras et per mare fama celeberrime refovendo tribulatos relevando naufragos

Summe dei praesul N. tuam catervam protege namque credimus tuis precibus nos semper esse salvandas

Qui tres pueros morti deditos illaesos abire fecisti tuis laudibus instantem conserva plebem

Ex ejus tumba marmorea sacrum resudat oleum quo liniti sanatur caeci surdis auditus redditur et debilis quisque sospes regreditur

Catervatim ruunt populi cernere cupientes quae per eum fiunt mirabilia

Gloria patri et filio et spiritui sancto

Sospitati dedit aegros olei perfusio | Nicolaus naufragantum affuit praesidio | Revelavit a defunctis defunctum in bivio |Baptizatur auri viso Judaeus indicio | O quam probat sanctum dei farris augmentatio | Vas in mari mersum patri redditur cum filio | Ergo laudes Nicolao concinat haec concio | Nam qui corde poscit ipsum propulsato vitio