Nec fecit proximo suo malum et opprobrium non accepit adversus proximos suos
Orante beatissimo ad dominum Gregorio sanata est plebs romana a peste inguinaria
Multum enim valet deprecatio justi assidua
Vere felicem praesulem verae fidei doctorem quo petente panis Christi formam accepit digiti ad firmandam plebis fidem versus incruentam carnem
A domino factum est istud et est mirabile in oculis nostris
Sex struxit in Sicilia vir clarus monasteria et infra urbem septimum in quo se fecit monachum
His sane monasteriis praedia large contulit reliqua tandem vendidit et egenis distribuit
Qui solebat in sericis procedere induviis post in abjectis vestibus servit pauper pauperibus
Justus ut palma*
Sanctus papa Gregorius vir totus apostolicus postquam praesedit cathedrae pervigil apostolicae carne solutus hodie adivit regem gloriae
Innocens manibus et mundo corde qui non accepit in vano animam suam