Nunc dimittis domine servum tuum in pace quia viderunt oculi mei salutare tuum

Quod chorus*

Virgo concepit et virgo peperit

Senex puerum portabat puer autem senem regebat quem virgo peperit et post partum virgo permansit ipsum quem genuit adoravit

Responsum accepit Simeon a spiritu sancto

Non visurum se mortem nisi videret Christum domini

Accipiens Simeon puerum in manibus alleluia

Gratias agens benedixit dominum

Obtulerunt*

Obtulerunt pro eo domino alleluia

Par turturum aut duos pullos columbarum

Simeon justus*

Quod chorus*

Responsum accepit Simeon*

Homo erat in Jerusalem cui nomen Simeon homo iste justus et timoratus exspectabat redemptionem Israel et spiritus sanctus erat in eo

Ego autem*

Virginis proles*

Agatha laetissime et glorianter ibat ad carcerem et quasi ad epulas invitata agonem suum domino precibus commendabat

Agnum sponsum*

Mens mea solidata est et in Christo fundata

Ingenua sum et exspectabilis genere ut omnis parentela mea testatur

Ancilla Christi sum ideo me ostendo servilem personam

Specie tua et pulchritudine tua

Agatha laetissime et glorianter ibat ad carcerem et quasi ad epulas invitata agonem suum domino precibus commendabat

Nobilissimis orta natalibus ab ignobili gaudens trahebatur ad carcerem

Dum ingrederetur beata Agatha in carcerem dixit ad judicem impie crudelis et dire tyranne non es confusus amputare in femina quod ipse in matre suxisti

Ego habeo mamillas integras intus in anima mea quas ab infantia domino consecravi

Quis es tu qui venisti ad me curare vulnera mea ego sum apostolus Christi nihil in me dubites filia ipse me misit ad te quem dilexisti mente et puro corde

Nam et ego apostolus ejus sum et in nomine ejus scias te esse salvandam

Summa ingenuitas ista est in qua servitus Christi comprobatur

Agatha sancta dixit si feras mihi promittis audito Christi nomine mansuescunt

Si ignem adhibeas rorem mihi salvificum de caelo angeli ministrabunt

Diffusa*

Ego autem adjuvata a domino perseverabo in confessione ejus qui me salvam fecit et consolatus est me

Mens mea solidata est et in Christo fundata

Qui me dignatus est ab omni plaga curare et mamillam meam meo pectori restituere ipsum invoco deum vivum

Medicinam carnalem corpori meo numquam exhibui sed habeo dominum Jesum Christum qui solo sermone restaurat universa

Ipse me coronabit qui per apostolum Petrum in custodia me confortavit pro eo quod jussa sum suspendi in equuleo propter fidem castitatis adjuva me domine deus meus in tortura mamillarum mearum

Ipse me dignatus est ab omni plaga curare et mamillam meam meo pectori restituere

Propter fidem castitatis jussa sum suspendi in equuleo adjuva me domine deus meus in tortura mamillarum mearum

Agatha ingressa carcerem benedicebat dominum Jesus Christum

Medicinam carnalem corpori meo numquam adhibui sed habeo dominum Jesum Christum qui solo sermone restaurat universa

Adjuvabit eam*

Vidisti domine et exspectasti agonem meum quomodo pugnavi in stadio sed quia nolui obedire mandatis principum jussa sum in mamilla torqueri

Propter veritatem et mansuetudinem et justitiam

Beata Agatha ingressa carcerem expandit manus suas ad caelum et dixit domine qui me fecisti vincere tormenta carnificum jube me domine ad tuam misericordiam pervenire

Domine qui me creasti et tulisti a me amorem saeculi qui corpus meum a pollutione separasti

Gaudeamus omnes in domino diem festum celebrantes ob honorem Agathae martyris de cujus passione gaudent angeli et collaudant filium dei

Immaculatus dominus immaculatam sibi famulam in hoc fragilitatis corpore positam misericorditer consecravit

Nisi diligenter perfeceris corpus meum a carnificibus attrectari non potest anima mea in paradisum domini cum palma intrare martyrii

Vidisti domine agonem meum quomodo pugnavi in stadio sed quia nolui oboedire mandatis principum jussa sum in mamilla torqueri

Quis es tu qui venisti ad me curare vulnera mea ego sum apostolus Christi nihil in me dubites filia

Benedico te pater domini mei Jesu Christi quia per apostolum tuum mamillam meam meo pectori restituisti

Qui me dignatus est ab omni plaga curare et mamillam meam meo pectori restituere ipsum invoco deum vivum

Jesu corona*

Audi filia et vide*

Paganorum multitudo fugiens ad sepulcrum virginis tulerunt velum ejus contra ignem ut comprobaret dominus quod a periculis incendii meritis Agathae martyris suae eos liberaret

Stans beata Agatha in medio carceris expansis manibus tota mente precabatur dominum domine Jesu Christe magister bone jube me domine ad tuam immarcescibilem gloriam feliciter pervenire

Ave praesul gloriose ave sidus jam caeleste decorans Vedaste caelum nos guberna visens humum quo laetemur triumphantes te patronum venerantes

Amavit*

Justum*

Iste homo*

Confessor domini Vedaste astantem plebem corrobora sancta intercessione ut qui vitiorum pondere premimur beatitudinis tuae gloria sublevemur et te duce aeterna praemia consequamur

Sacer sanctus domini Vedastus dum in quadam cellula jaceret super eum ignis columna caelo diffusa per longa noctis spatia duarum horarum immobilis stetit et venerabilis vir suum exitum denuntiavit ac omnibus valedicens animam creatori reddidit

Felicem de hac vita exitum agens solum desiderium viventibus reliquit

Voce jocunda resonemus omnes laudibus sacris studium ferentes Atrebatensem modulando patrem laude Vedastum

Ora pro nobis beate Vedaste

Adesto nostris laudibus domine rex Christe clementissime respice vultu sereno super servos tuos beati Vedasti sollemnia devotae praevenientes cujus nos quaesumus meritis gaudentes suffragiis tuere potenter

Confessorum regem adoremus qui contulit beato Vedasto gentem Francorum et potestatem dedit lucrandi atque sanandi

Jesu redemptor*

Beatus Vedastus legis dei meditator assiduus divini semina verbi genti Francorum propinavit fructumque protulit centuplum in conspectu domini

In conspectu regis Francorum et multitudinis populorum mirificavit dominus sanctum Vedastum cujus precibus annuens restituit caeco lumen caelorum

Scuto bonae voluntatis coronatus et omni virtutum decore conspicuus Vedastus urbi atrebate directus est evvangelizaturus verbum domini

Amavit eum dominus

Doctor eximius Atrebatum Vedastus sacris praeconiis celebremus ut quos in carne verbis et exemplis instruxit sedulus pro eis apud dominum intercedat ne lupus insidians oves Christi incursare praesumat

Ut quos spirituali studio informavit monitis ac miraculis animaret

Hic est Vedastus Leucorum sentibus ortus quem fama celebrior verbum praedicaturum Ludovico regi socium itineris ascivit

Quatenus per singulos itineris suis gressus saluberrimis ab eo imbueretur doctrinis

Vedastus igitur festinantem ad vitae fontem deducebat regem Remigius pontifex summus venientem abluebat

Ambo pene pari pietate patres sed Vedastus monita salutis dabat

In universa terra et super omnes caelos admirabile est nomen tuum domine Jesu qui beatum Vedastum gloria et honore coronasti

Confisus in domino Christi sacerdos Vedastus multitudine miraculorum inter gentes clarus emicuit

Plenitudinem legis tuae domine custodiens beatus Vedastus inventus est sine macula ideoque ingredi meruit et habitare in tabernaculo et monte sancto tuo

Justum deduxit*

Agmina sacra angelorum laetamini pro concive vestro Vedasto de quo gaudet Christi ecclesia feliciter et exsultat gaudenter

Omnes virtutes et omnis militia caelorum merito gloriamini cum beato Vedasto

Dum ergo iter caperet cum rege sacer Vedastus nec mortale sonans caelestia pertracteret et occurrenti caeco lumen restituit et cor principis in fide solidavit

Sensit itaque vir dei virtutum sibi adesse supernam et totum se in sacras effudit preces

Qui de rupe arida sitienti populo fontem aquae vivae produxit ipse per beatum Vedastum de sicco vase vinum manare concessit ac suos poculo mirabili satiavit

Cum pocula vitae vir domini cuidam propinaret amico qui in Cana Galilaea aquas convertit in vinum

Desiderium animae servi tui Vedasti domine rex aeterne adimplesti et coronam vitae quam a te expetivit ejus capiti imposuisti

Gratiae divinae benedictionem copiosam percepit beatus Vedastus a domino totius orbis conditore

Opus mirum dictu nec frequenti visu comprehensum orante enim beato Vedasto dominus Jesus produxit vinum ex nihilo hic est deus deus noster magnus et laudabilis valde ipse regat nos in saecula

Justus ut palma*

Praedicator egregius vir domini Vedastus urbi Atrebate destinatus in ipsa urbis porta duos a clade relevavit aegrotos nam et claudo gressum et caeco lumen reddidit oculorum

Antequam verbis plueret miraculis coruscaret qui caducis carebat munera est superna largitus

Ad laudem et gloriam nomini domini dei altissimi monitis angelicis aedificatum est templum beato Vedasto in quo glorificetur dei unigenitus in saecula

Hic est beatus Vedastus cui templum fieri ab angelis jussum est hominibus

O beatum virum Vedastum pontificem cujus exitum columna lucis edocuit ut verus Israel ab Aegypti aerumnis ad promissa regna percepturus praemia festinaret

Visa est igitur spatio duarum horarum columna lucis a domo pontificis usque ad caeli fastigium eminere