Regi nato laus sit et imperium nativitati gloria | Cui Judaeorum fraus dat vituperium perenni memoria | Ipsi natalitio salus hominum nostra spes et salvatio | Ergo nostra praefulgens laeta contio laudem trinam det domino | Deo dicamus gratias

Resonet in laudibus cum jucundis plausibus Sion cum fidelibus apparuit quem genuit Maria | Magnum nomen domini Emmanuel quod annuntiatum est per Gabriel hodie apparuit apparuit in Israel per Mariam virginem Emmanuel | Eia eia virgo deum genuit quod divina voluit clementia | Pueri concurrite nato regi psallite pia voce dicite apparuit quem genuit Maria | Natus est emmanuel quem praedixit Gabriel testis est Ezechiel apparuit quem genuit Maria | Qui regnat in aethere venit ovem quaerere nullum volens perdere apparuit quem genuit Maria | Qui creavit omnia nascitur ex femina sua cum potentia apparuit quem genuit Maria | Syon lauda dominum salvatorem omnium lavatorem criminum apparuit quem genuit Maria | Juda cum cantoribus gradere de foribus nuntia pastoribus apparuit quem genuit Maria | Et nos unanimiter proclamemus dulciter ipse summus arbiter apparuit quem genuit Maria | Genito sit gloria laus virtus victoria perpeti memoria apparuit quem genuit Maria | Ergo nostra contio omni plena gaudio benedicat domino apparuit quem genuit Maria

Puer nobis nascitur rector angelorum in hoc mundo pascitur dominus dominorum | In praesepe ponitur sub feno asinorum cognoverunt domini Christum regem caelorum | Qui natus ex Maria die hodierna perduc nos cum gratia ad gaudia superna | O et o et o et o o et o et o o et o et o et o et benedicamus domino | Deo dicamus gratias

Joannes postquam senuit Christus ei apparuit | Dicens amice propera ascende jam ad aethera | Relictis mundi dapibus epulare cum fratribus | Et nos de tali convivio benedicamus domino R. Deo dicamus gra | Tu qui es vita vera | Nos a delictis salva | Ut tibi dulcisonas concinamus gratias

Salve regum rex te collaudant angeli parvulorum quoque grex hymnu dicunt te deum caeli | Carminis odas poli solvit contio bona cuncta tu qui das tete promit haec cantio | Tibi nostra psallit supplex devotio regnanti sine termino benedicens domino

Puer natus in Bethleem unde gaudet Jerusalem assumpsit carnem filius dei patris altissimus per Gabrielem nuntium virgo concepit filium | Tamquam sponsus de thalamo processit matris utero hic jacet in praesepio qui regnat sine termino cognovit bos et asinus quod puer erat dominus | Reges de Saba veniunt aurum thus myrrham offerunt intrantes domum invicem novum salutant principem uni trino sempiterno benedicamus domino R. Deo dicamus*

Surrexit Christus hodie humano pro solamine | Alleluia alleluia alleluia alleluia | Mortemque passus pridie miserrimo pro homine | Mulieres ad tumulum afferunt dona aromatum | O mulieres tremulae ad Galilaeam pergite | Discipulis hoc dicite quod surrexit rex gloriae | In hoc pascali gaudio benedicamus domino R. Deo dicamus gratias

Christus vicit resurgendo saevum hostem deprimendo | Alleluia alleluia alleluia alleluia | Quasi leo in triduo vivus redit de tumulo | Alleluia alleluia Ey surrexit rex gloriae Alleluia alleluia | A tartaris nos redemit culpam Adae qui peremit | A peccatis nos abluit qui se pro nobis obtulit | Laudes dignas jubilantes voce laeta resonantes | In hoc paschali gaudio benedicamus domino R. Deo dicamus gratias alleluia alleluia

Chorus novae Jerusalem nova resultet laetitia | Resurrexit rex Salem devicta morte saevitia | Haec est dies haec est dies gloriae tam potenti victoriae | Congratulantes merito Benedicamus domino R. Deo dicamus gratia

Ascendit Christus hodie ad thronum suae gloriae | Alleluia | Adest praedignus jublus cum levatur in nubibus | Alleluia Patris sedens ad dexteram Alleluia alleluia | Captivatam mortiferam nostram ducens miseriam | Ergo psallenti gaudio benedicamus domino R. Deo dicamus gratias alleluia alleluia

Christus jam misit inclytum discipulis paraclitum | Alleluia alleluia | Ipsius ut magnalia per mundi ferant climata | Alleluia Veni sancte paraclite alleluia allelluia | Linguas suas variantes eloquenter praedicantes | Ergo decenti gaudio benedicamus domino R. Deo dicamus gratias alleluia alleluia

Benedicamus in laude Jesu qui su matri Mariae benedixit in aeternum domino R. Deo dicamus gratias

Florizet vox dulcisonans reginae poli jubilans Mariae laude rutilans fervoris melos intonans | Maria pelle noxia Maria reos adjuva Maria nos illumina Maria regem caeli da | Alleluia alleluia alleuia alleuia alleuia alleuia alleuia alleuia | Haec castitatis candens flos haec deitatis pregnans dos hanc prophetarum colit os hanc gratiarum unxit ros | Ergo decenti gaudio psallentes in tripudio Jesu Mariae filio benedicamus domino R. Deo dicamus gratias

Florizet vox dulcisonans reginae poli jubilans Mariae laude rutilans fervoris melos intonans | Maria pelle noxia Maria reos adjuva Maria nos illumina Maria regem caeli da | Alleluia alleluia alleuia alleuia alleuia alleuia alleuia alleuia | Haec castitatis candens flos haec deitatis pregnans dos hanc prophetarum colit os hanc gratiarum unxit ros | Ergo decenti gaudio psallentes in tripudio Jesu Mariae filio benedicamus domino R. Deo dicamus gratias alleluia alleuia alleuia alleuia alleuia alleuia

Imploremus Maria ut petat nobis gratiam a suo dilecto filio benedicamus domino R. Deo dicamus gratias

Procedentem sponsum de thalamo | Prophetavit scriba cum calamo | Quem progressum divina gratia | Stricta legat in cunis fascia | Ergo BENEDICAMUS DOMINO R. DEO DICAMUS GRATIAS

Princeps ecclesiae pastor ovilis tu nobis benedicere dignare | Cum mansuetudine et caritate humilitate vos ad benedictionem R. Deo gratias