Beatus nicolaus pontificatus infulis decoratus talem se exhibuit ut ab omnibus amaretur

Ecclesiae sanctae frequentans limina sacra pectore mandata condebat sagaciter

Infantia teneriori decursa corpus jejuniis macerabat

Sancte Nicolae confessor domini pretiose adesto nostris precibus pius ac propitius

Operibus sanctis Nicolaus humiliter insistens revelatione divina provectus est ad summum sacerdotii gradum

Voce quippe de caelo lapsa cuidam insinuatur praesuli dignum episcopatu Nicolaum

Gloria patri et filio et spiritui sancto

Ecce sacerdos magnus R. Qui in diebus suis placuit*

O pastor aeterne o clemens et bone custos qui dum devoti gregis preces attenderes voce lapsa de caelo praesuli sanctissimo dignum episcopatu Nicolaum ostendisti tuum famulum

Sint lumbi vestri praecincti et lucernae ardentes in manibus vestris

Justus germinabit sicut lilium R. Et florebit in aeternum ante dominum

O per omnia laudabilem virum cujus meritis ab omni clade liberantur qui ex toto corde quaerunt illum

Beatus Nicolaus*

O Christi pietas omni prosequenda laude qui sui famuli merita longe lateque declarat nam ex tumba ejus oleum manat cunctosque languidos sanat