Reddet deus mercedem laborum sanctorum suorum et deducet illos in via mirabili

Sanctum est verum lumen et admirabile ministrans lucem his qui permanserunt in agone certaminis recipiunt ab ipso splendorem sempiternum in quo assidue felices laetantur

Gaudent in caelis animae sanctorum qui Christi vestigia sunt secuti et quia pro ejus amore sanguinem suum fuderunt ideo cum Christo exsultant sine fine

Beati estis sancti dei omnes qui meruistis consortes fieri caelestium virtutum et perfrui aeternae claritatis gloria ideoque precamur ut memores nostri intercedere dignemini pro nobis ad dominum Jesum Christum

Gaudete et exsultate quoniam nomina vestra scripta sunt in caelo

O quam gloriosum est regnum in quo cum Christo regnant omnes sancti amicti stolis albis sequuntur agnum quocumque ierit

In civitate domini ibi sonant jugiter organa sanctorum ibi cinnamomum et balsamum odor suavissimus cantica eorum ibi angeli et archangeli hymnum deo decantant ante thronum dei alleluia

Vidi turbam magnam quam dinumerare nemo poterat ex omnibus gentibus stantes ante thronum

Et omnes angeli stabant in circuitu throni et ceciderunt in conspectu agni in facies suas et adoraverunt eum

Redemisti nos deo in sanguine tuo ex omni tribu et lingua et populo et natione et fecisti nos deo nostro regnum alleluia

Benedicite dominum omnes electi ejus agite diem laetitiae et confitemini illi

Hymnus omnibus sanctis ejus filiis Israel populo appropinquanti sibi gloria haec est omnibus sanctis ejus

Virgam virtutis tuae emittet dominus in splendoribus sanctorum

Generatio rectorum benedicetur quia exortum est lumen rectis

Venientes venient cum exsultatione portantes manipulos suos

Justi confitebuntur nomini tuo et habitabunt recti cum vultu tuo

Lauda Jerusalem dominum qui posuit fines tuos pacem et benedixit filiis tuis in te

Beati qui persecutionem patiuntur propter justitiam quoniam ipsorum est regnum caelorum beati pacifici quoniam filii dei vocabuntur

Beati mundo corde quoniam ipsi deum videbunt

Beati estis sancti dei omnes qui meruistis consortes fieri caelestium virtutum et perfrui claritatis gloria ideoque precamur ut memores nostri intercedere dignemini pro nobis ad dominum Jesum Christum

Laudem dicite deo nostro omnes sancti ejus et qui timetis deum pusilli et magni quoniam regnabit dominus deus noster omnipotens gaudeamus et exsultemus et demus gloriam ei

Domine deus noster cujus gratia beatus Martinus tres mortuos resuscitavit concede propitius ut per ejus interventum a morte animae resuscitari mereamur

Martinus Abrahae sinu laetus excipitur Martinus hic pauper et modicus caelum dives ingreditur hymnis caelestibus honoratur

Martinus episcopus migravit a saeculo vivit in Christo gemma sacerdotum

O beatum virum cujus anima paradisum possidet unde exsultant angeli laetantur archangeli chorus sanctorum proclamat turba virginum invitat mane nobiscum in aeternum

Intercede pro nobis beate pontifex Martine ad dominum Jesum Christum apud quem est misericordia in perpetuum

Dixerunt discipuli ad beatum Martinum cur nos pater deseris aut cui nos desolatos relinquis invadent enim gregem tuum lupi rapaces

Domine si adhuc populo tuo sum necessarius non recuso laborem fiat voluntas tua

O virum ineffabilem nec labore victum nec morte vincendum qui nec mori timuit nec vivere recusavit

Oculis ac manibus in caelum semper intentus invictum ab oratione spiritum non relaxabat alleluia alleluia

Martinus Abrahae sinu laetus excipitur Martinus hic pauper et modicus caelum dives ingreditur hymnis caelestibus honoratur

O beatum pontificem qui totis visceribus diligebat Christum regem et non formidabat imperii principatum o Martine dulcedo medicamentum et medice o sanctissima anima quam etsi gladius persecutoris non abstulit tamen palmam martyrii non amisit

Domine Jesu Christe pastor bone seminator casti consilii suscipe seminum fructus quos in Caecilia seminasti Caecilia famula tua quasi apis tibi argumentosa deservit

Nam sponsum quem quasi leonem ferocem accepit ad te quasi agnum mansuetissimum destinavit

Virgo gloriosa semper evangelium Christi gerebat in pectore suo non diebus neque noctibus a colloquiis divinis et oratione cessabat

Cantantibus organis Caecilia domino decantabat dicens fiat cor meum immaculatum ut non confundar

Est secretum Valeriane quod tibi volo dicere angelum dei habeo amatorem qui nimio zelo custodit corpus meum

Valerianus in cubiculo Caeciliam cum angelo orantem invenit

Benedico te pater domini mei Jesu Christi quia per filium tuum ignis extinctus est a latere meo

Caecilia famula tua domine quasi apis tibi argumentosa deservit

Caecilia me misit ad vos ut ostendatis mihi sanctum Urbanum quia ad ipsum habeo secreta quae perferam alleluia

O beata Caecilia quae duos fratres convertisti Almachium judicem superasti Urbanum episcopum in vultu angelico demonstrasti

Oremus omnes ad dominum Jesum Christum ut ostendat nobis martyris sui corpus

Non meis meritis ad vos me misit dominus sed vestris coronis participem me fieri

Oremus omnes ad dominum Jesum Christum ut confessoribus suis fontis venas aperiat

Orante sancto Clemente apparuit ei agnus dei

De sub cujus pede fons vivus emanat fluminis impetus laetificat civitatem dei

Omnes gentes per gyrum crediderunt Christo domino

Dum iter per mare fecsset populus voce magna clamabat domine Jesu Christe salva illum et Clemens cum lacrimis orabat accipe pater spiritum meum

Vigilate omnes et orate nescitis enim quando tempus sit vigilate ergo nescitis enim quando dominus domus veniat sero an media nocte an galli cantu an mane ne dum venerit repente inveniat vos dormientes

Ecce ego mitto vos sicut oves in medio luporum estote ergo prudentes sicut serpentes et simplices sicut columbae

Qui sunt hi qui ut nubes volant et quasi columbae ad fenestras suas

Dorsa eorum plena sunt oculis et scintille ac lampades in medio discurrentes

Isti sunt viri sancti quos elegit dominus in caritate non ficta et dedit illis gloriam sempiternam quorum doctrina fulget ecclesia ut sol et luna alleluia

Ecce ego Joannes vidi ostium apertum in caelo et ecce sedes posita erat in eo et in medio sedis et in circuitu ejus quattuor animalia plena oculis ante et retro et dabant gloriam et honorem et benedictionem sedenti super thronum viventi in saecula saeculorum

Hoc est praeceptum meum ut diligatis invicem sicut dilexi vos

Majorem caritatem nemo habet ut animam suam ponat quis pro amicis suis

Vos amici mei estis si feceritis quae praecipio vobis dicit dominus

Beati mundo corde quoniam ipsi deum videbunt

In patientia vestra possidebitis animas vestras

Juravit dominus et non paenitebit eum tu es sacerdos in aeternum

Collocet eum dominus cum principibus populi sui

Dirupisti domine vincula mea tibi sacrificabo hostiam laudis

Euntes ibant et flebant mittentes semina sua

Confortatus est principatus eorum et honorati sunt amici tui deus

Beati eritis cum vos oderint homines et cum separaverint vos et exprobraverint et ejecerint nomen vestrum tamquam malum propter filium hominis gaudete et exsultate ecce enim merces vestra multa est in caelo

Beatus vir qui inventus est sine macula et qui post aurum non abiit nec speravit in thesauris pecuniae quis est hic et laudabimus eum fecit enim mirabilia in vita sua

Stolam jucunditatis induit eum dominus et coronam pulchritudinis posuit super caput ejus

Induit eum dominus loricam fidei et amavit eum

Qui me confessus fuerit coram hominibus confitebor et ego eum coram patre meo

Qui sequitur me non ambulat in tenebris sed habebit lumen vitae dicit dominus

Qui mihi ministrat me sequatur et ubi ego sum illic et minister meus erit

Si quis mihi ministraverit honorificabit eum pater meus qui est in caelis dicit dominus

Volo pater ut ubi ego sum illuc sit et minister meus

Hic est vir qui non est derelictus a deo in die certaminis sui et ipse conculcavit caput serpentes antiqui modo coronatur quia fideliter vicit in mandatis domini alleluia

Certamen magnum habuerunt sancti dei transierunt per ignem et aquam et salvi facti sunt et coronas acceperunt a domino deo

Isti sunt sancti qui pro testamento dei sua corpora tradiderunt et in sanguine agni laverunt stolas suas

Tradiderunt corpora sua propter deum ad supplicia ideo coronantur et accipiunt palmam

Gloria patri et filio et spiritui sancto

Omnes sancti quanta passi sunt tormenta ut securi pervenirent ad palmam martyrii

Cum palma ad regna pervenerunt sancti coronam decoris meruerunt de manu dei

Corpora sanctorum in pace sepulta sunt et vivent nomina eorum in aeternum

Martyres domini domino benedicite in aeternum

Martyrum chorus laudate dominum de caelis alleluia

Justorum autem animae in manu dei sunt et non tanget illos tormentum malitiae

Si coram hominibus tormenta passi sunt spes illorum est immortalis in aeternum

Sanctorum velut aquilae viventur renovabitur et florent ut lilium in conspectu domini

Tamquam aurum in fornace probavit electos dominus et quasi holocausta accepit eos in aeternum

Sancti per fidem vicerunt regna operati sunt justitiam adepti sunt promissiones

Sanctum est verum lumen et admirabile ministrans lucem his qui permanserunt in agone certaminis recipiunt ab ipso splendorem sempiternum in quo assidue felices laetantur

Iste homo ab adolescentia sua partim meruit infirmos curare dedit illi dominus claritatem magnam caecos illuminare et daemones effugare

Sint lumbi vestri praecincti et lucernae ardentes in manibus vestris et vos similes hominibus exspectantibus dominum suum quando revertatur a nuptiis

Vigilate ergo quia nescitis qua hora dominus vester venturus sit

Gloria patri et filio et spiritui sancto

Iste est qui ante deum magnas virtutes operatus est et omnis terra doctrina ejus repleta est ipse intercedat pro peccatis omnium populorum

Ecce sacerdos magnus qui in diebus suis placuit deo et inventus est justus

Non est inventus similis illi qui conservaret legem excelsi

Ideo jurejurando fecit illum dominus crescere in plebem suam

Benedictionem omnium gentium dedit illi et testamentum suum confirmavit super caput ejus

Statuit illi testamentum sempiternum et dedit illi sacerdotium magnum