Et posuerunt omnes qui audiebant in corde suo dicentes qui spontas puer iste erit etenim manus domini erat cum eo et Zacharias pater ejus repletus est spiritu sancto et prophetavit dicens Benedictus deus Israel quia visitavit et fecit redemptionem plebis suae

Istorum est enim regnum caelorum qui contempserunt vitam mundi et pervenerunt ad praemia regni et laverunt stolas suas in sanguine agni

Paulus et Joannes dixerunt Julianum nos unum deum colimus qui fecit caelum et terram

Paulus et Joannes dixerunt ad Terentianum si tuus dominus est Julianus habeto pacem cum illo nobis alius non est nisi dominus Jesus Christus

Joannes et Paulus cognoscentes tyrannidem Juliani facultates suas pauperibus erogare coeperunt

Sancti spiritus et animae justorum hymnum dicite deo alleluia

Joannes et Paulus dixerunt ad Gallicanum fac votum deo caeli et eris victor melior quam fuisti

Isti sunt sancti qui pro dei amore minas hominum contempserunt sancti martyres in regnum caelorum exsultant cum angelis o quam pretiosa est mors sanctorum qui assidue assistunt ante dominum et ab invicem non sunt separati alleluia

Simon Petrus cum audisset quia dominus est tunica succinxit se erat enim nudus et misit se in mare alleluia

Domine si tu es jube me venire ad te super aquas et extendens Jesus manum apprehendit eum et dixit Jesus modicae fidei quare dubitasti

Petrus ad se reversus dixit nunc scio vere quia misit dominus angelum suum et eripuit me de manu Herodis et de omni exspectatione plebis Judaeorum

Solve jubente deo terrarum Petre catenas qui facis ut pateant caelestia regna beatis

Quem dicunt homines esse filium hominis dixit Jesus discipulis suis respondens Petrus dixit tu es Christus filius dei vivi et ego dico tibi quia tu es Petrus et super hanc petram aedificabo ecclesiam meam

Petre amas me tu scis domine quia amo te pasce oves meas

Domine tu omnia nosti tu scis domine quia amo te

Gloria patri et filio et spiritui sancto

Beatus Petrus apostolus vidit sibi Christum occurrere adorans eum ait domine quo vadis venio Romam iterum crucifigi

Petre amas me pasce oves meas tu scis domine quia amo te

Simon Joannis diligis me plus his tu scis domine quia amo te

Ego pro te rogavi Petre ut non deficiat fides tua et tu aliquando conversus confirma fratres tuos

Significavit dominus Petro qua morte clarificaturus esset deum alleluia

Tu es Petrus et super hanc petram aedificabo ecclesia meam

Gloriosi principes terrae quomodo in vita sua dilexerunt se ita et in morte non sunt separati

Petrus apostolus et Paulus doctor gentium ipsi nos docuerunt legem tuam domine

Ego plantavi Apollo rigavit deus autem incrementum dedit alleluia

Unusquisque propriam mercedem accipiet secundum suum laborem

Libenter gloriabor in infirmitatibus meis ut inhabitet in me virtus Christi

Quando enim infirmor tunc fortior sum et potens

Sancte Paule apostole praedicator veritatis et doctor gentium intercede pro nobis ad deum qui te elegit

Ut digni efficiamur gratia dei

Gratia dei in me vacua non fuit sed gratia ejus semper in me manet

Gratia dei sum id quod sum

Damasci praepositus gentis Aretae regis voluit me comprehendere a fratribus per murum submissus sum in sporta et sic evasi manus ejus in nomine domini

Deus et pater domini mei Jesu Christi scit quia non mentior

Ave Maria gratia plena dominus tecum benedicta tu in mulieribus alleluia

Quomodo fiet istud angele dei quia virum in concipiendo non pertuli audi Maria virgo Christi spiritus sanctus superveniet in te et virtus altissimi obumbrabit tibi

Dabit illi dominus sedem David patris sui et regnabit in aeternum

Ecce ancilla domini fiat mihi secundum verbum tuum

Beatam me dicent omnes generationes quia ancillam humilem respexit deus

Videte miraculum mater domini concepit virgo virilis ignara consortium stans onerata nobili onere Maria et matrem se laetam cognoscit quae se nescit uxorem

Castae parentis viscera caelestis intrat gratia venter puellae bajulat secreta quae non noverat

Quam pulchra es et quam decora carissima in deliciis statura tua assimilata est palmae ubera tua botris caput tuum ut Carmelus collum tuum sicut turris eburnea veni dilecte mi egrediamur in agrum videamus si flores fructus perturiunt si floruissent mala punica ibi dabo tibi ubera mea

Et factum est in die octavo venerunt circumcidere puerum et vocabant eum nomine patris sui Zachariam et respondens mater ejus dixit nequaquam sed vocabitur Joannes

Dum esset rex in accubitu suo nardus mea dedit odorem suavitatis

Laeva ejus sub capite meo et dextra illius amplexabitur me

In odore unguentorum tuorum currimus adolescentulae dilexerunt te nimis

Benedicta filia tu a domino quia per te fructum vitae communicavimus

Pulchra es et decora filia Jerusalem terribilis ut castrorum acies ordinata

Beata es Maria quae credisti perficientur in te quae dicta sunt tibi a domino alleluia

Isti sunt duae olivae et duo candelabra lucentia ante dominum habent potestatem claudere caelum nubibus et aperire portas ejus quia linguae eorum claves caeli factae sunt

Ite in orbem universum et praedicate dicentes alleluia qui crediderit et baptizatus fuerit salvus erit alleluia alleluia alleluia

In nomine patris et filii et spiritus sancti

Sancta Maria Magdalena quae Christum a morte resurgentem prima mortalium videre meruisti te supplices rogamus ut ipsum pro nobis exorare digneris quo ejus quam elegisti optimae partis nos facias esse participes

O beata Maria Magdalena quae dominum post resurrectionem videre meruisti prima intercede pro omnibus tua festa colentibus

Rogamus te per ipsa osculata vestigia quibus dulciter infudisti unguenta

Gloria patri et filio et spiritui sancto

Fidelis sermo et omni acceptione dignus quia Christus Jesus venit in hunc mundum peccatores salvos facere et qui nasci dignatus est de Maria virgine tangi non dedignatus est de Maria peccatrice haec est illa Maria cui dimissa sunt peccata multa quia dilexit multum haec est illa Maria quae resurgentem a mortuis prima omnium videre meruit dominum nostrum Jesum Christum quem pro nostris reatibus oret quaesumus in aeternum

Maria stabat ad monumentum foris plorans dum ergo fleret inclinavit se et prospexit in monumentum

Et vidit duos angelos in albis sedentes unum ad caput et unum ad pedes ubi positum fuerat corpus Jesu

Dicunt ei illi mulier quid ploras dicit eis quia tulerunt dominum meum et nescio ubi posuerunt eum

Haec cum dixisset conversa est retrorsum et vidit Jesum stantem et non sciebat quia Jesus est alleluia

Dicit ei Jesus mulier quid ploras quem quaeris dicit ei domine si tu sustulisti eum dicito mihi ubi posuisti eum et ego eum tollam

Gloriosa jam per orbem rutilat sollemnitas qua caelestem sumpsit vitam Maria Magdalena luce vernans speciosa turmas inter caelicas cujus nos Jesu benigne nunc tuere precibus ut cum ipsa te laudare possimus per saecula

Angelus domini astitit et lumen refulsit in habitaculo carceris percussoque latere Petri excitavit eum dicens surge velociter et ceciderunt catenae de manibus ejus

Misit Herodes rex manus ut affligeret quosdam de ecclesia

Occidit autem Jacobum fratrem Joannis gladio

Videns quia placeret Judaeis apposuit apprehendere et Petrum

Qui cum apprehendisset Petrum misit in carcerem tradens quattuor quaternionibus militum

Oratio autem fiebat ad dominum ab ecclesia pro eo

Beatus vir Laurentius qui post aurum non abiit nec speravit in thesauris pecuniae fecit enim mirabilia in vita sua

Qui potuit transgredi et non est transgressus facere malum et non fecit

Confitebor tibi domine rex et collaudabo te quoniam liberasti me a pressura flammae quae circumdedit me et in medio ignis non sum aestuatus

Laurentius bonum opus operatus est qui per signum crucis caecos illuminavit

Laurentius ingressus et martyr et confessus est nomen domini Jesu Christi

Adhaesit anima mea post te quia caro mea igne cremata est pro te deus meus

Misit dominus angelum suum et liberavit me de medio ignis et non sum aestuatus

Beatus Laurentius clamabat dicens gratias tibi ago domine quia januas tuas ingredi merui

Levita Laurentius bonum opus operatus est qui per signum crucis caecos illuminavit

Veni desiderator bone veni suscipiant te angeli mei quoniam assatus non negasti me probatus confessus es me

Beatus Laurentius clamavit et dixit deum meum colo et illi soli servio et ideo non timeo tormenta tua

Gratias ago deo meo quia hostia Christi effici merui assatus non negavi et interrogatus te Christe confessus sum

O Hippolyte si credis in dominum Jesum Christum et thesauros tibi ostendo et vitam aeternam promitto

Beatus Laurentius dum in craticula suprapositus ureretur ad impiissimum tyrannum dixit assatum sum jam versa et manduca nam et facultates ecclesiae quas requiris in caelestes thesauros manus pauperum deportaverunt

Hortus conclusus es dei genetrix hortus conclusus fons signatus surge propera amica mea

Quam pulchra es amica mea quam pulchra es et decora oculi tui columbarum alleluia

Dilecte mi apprehendam te et ducam te in domum matris me et in cubiculum genetricis meae ibi me docebis praecepta domini

Adjuro vos filiae Jerusalem si inveneritis dilectum meum ut annuntietis ei quia amore langueo

Sicut malus inter ligna silvarum sic dilectus meus inter filios alleluia

Virgo prudentissima quo progrederis quasi aurora valde rutilans filia Sion tota formosa et suavis es pulchra ut luna electa ut sol

In honore beatissimae Mariae semper virginis jubilemus domino

Exaltata es sancta dei genetrix super choros angelorum ad caelestia regna

Paradisi portae per te nobis apertae sunt quas hodie gloriosa cum angelis triumphas

Benedicta tu in mulieribus et benedictus fructus ventris tui

Specie tua et pulchritudine*

Vidi speciosam sicut columbam ascendentem desuper rivos aquarum cujus inaestimabilis odor erat nimis in vestimentis ejus et sicut dies verni circumdabant eam flores rosarum et lilia convallium

Quae est ista quae ascendit per desertum sicut virgula fumi ex aromatibus myrrhae et thuris

Sicut cedrus exaltata sum in Libano et sicut cypressus in monte Sion quasi myrrha electa dedi suavitatem odoris

Et sicut cinnamomum et balsamum aromatizans

Quae est ista quae processit sicut sol et formosa tamquam Jerusalem viderunt eam filiae Sion et beatam dixerunt et reginae laudaverunt eam

Quae est ista quae ascendit per desertum sicut virgula fumi ex aromatibus myrrhae et thuris