Heu nobis intuas mentes quantus pulsat gemitus pro nostro consolatore quo privamur misere | Quem crudelis Judaeorum morti dedit populus | Nam percusso seu pastore oves errant misere aut magistro discedente turbantur discipuli | Ita nos absente eo dolor tenet nimius | Sed eamus et ad ejus properemus tumulum et unguentum liniamus corpus sacratissimum si dileximus viventem diligamus mortuum | Quis revolvet ergo nobis ab hostium lapidem ut condignum sepulturae agamus obsequium cujus mirae bonitatis sensimus solatium | Ille quippe qui foetentem suscitavit Lazarum ejus et sorores flentes reduxit ad gaudium poterit ferre obtatum nobis adjutorium | Eia dulcis consolator Jesu bone respice eia nunc vultu sereno mentes nostras refove eia sancte laudis tuae vota clemens suscipe

Quid est hoc tam dure quod in vestro manet pectore amarumque ducitis animum

De Jesu nobis est dure manet in nos mors Jesu et ipsa nobis est incognita | Mortis ligno damnaverunt impii quem cum impiis dire cruci damnaverunt eum lanceaque perfoderunt

O vos christicole quem quaeritis esse dolentes unguentoque sacro unguere quem cupitis

Quaerimus o superi cives Jesum crucifixum dicite quis nobis sustulit hunc miseris

Non jacet hic quia surrexit nolite timere en ecce locus ubi positus erat dominus

Venite et vidite locum ubi positus erat dominus alleluia alleluia

Vultum tristem jam mutate Jesum vivum suis nuntiate | Galilaeam nunc adite si placet videre festinate

Alleluia resurrexit dominus hodie resurrexit leo fortis Christus filius dei deo gratias dicite eia

Adsunt feminae mente devote ferunt unguenta nimis optima corpus condire volunt quem amant Jesum | Quas tunc angelus sermone pio mentes pavidas demulcet ita | Cur hic viventem Jesum quaerites qui caeli tenet sceptra per saecula | Quae cum audissent nimis admirantes magno simul tremor concussae gaudentes et laetantes currere coeperunt

Adest Jesus carne innovatus visu pulchro nimisque amabilis salutans feminas purificans animas | Pedes ejus strinxerunt venerantes eis pia oscula praebuerunt

Meis hoc nuntiate Galilaeam eant ibi a fratribusque videbor

Mane valde diluculo venit nimis ardens corpus quaerens in sepulcro qui continet omnia

En prospexit vidit angelos non esse ibi Jesum nimis tristatur animo | Flere coepit dicunt angeli cur ita tuas genas perfudit lacrimis | Tunc conversa vidit dominum hortulanum putat ignara fatur taliter

Meum namque hic dominum quaesieram si tu eum scis dicito mihi ut inde eum auferam

Si tu scire vis quidnam ego sum Jesus vocitor dei sum unicus filius tuum agnosce deum redemptorem | Tu es Maria quam ego amo meos omnium tibi primo cupio visus monstrare novum ut tuum inde sit laudabile cum gloria per saecula

Dic nobis Maria quid vidisti in via sepulcrum Christi viventis et gloriam vidi resurgentis

Angelicos testes sudarium et vestes surrexit Christus spes mea praecedet vos in Galilaea

Credendum est magis soli Mariae veraci quam Judaeorum turbae fallaci

Scimus Christum surrexisse a mortuis vere tu nobis victor rex miserere

Te deum laudamus te dominum confitemur*

Vidi aquam*

Salve festa dies toto venerabilis aevo qua deus infernum vicit et astra tenet | Ecce renascentis testatur gloria mundi omnia cum domino dona redisse suo | Tempora florigero rutilant distincta sereno et majori poli lumine porta patet | Altius ignivomum solum caeli orbita ducit qui vagus oceani exit et intrat aquas | Armatur radiis elementa liquentia lustrans adhuc nocte brevi tendit in orbe diem | Splendida sincerum producunt aethera caelum laetitiamque suam sidera clara probant | Lux gaudens vario fundit munusculam foetu cum bene vernales reddit et annus opes | Mollia purpureum pingunt violaria campum prata virens herbis et micat herba conus | Paulatim subeunt stillantia lumina florum floribus arrident gramina tincta suis | Tempora sub hiemis foliorum crine revulso jam reparat viridans frondea tecta nemus | Mirra salix abies corilus silex ulmus acernus Pandit quoque suis arbor amena comis | Ad cantus revocatur avis quae carmina clauso pigrior hiberno frigore muta fuit | Hinc Philomena suis adtemporat organa cantus fitque repercusso dulcior aura melo | Namque triumphanti post tristia tartara Christo undique fronde nemus gramina flore favent | Legibus inferni oppressi super astra meantem laudant rite deum lux polus arva festum | Qui crucifixus erat deus ecce per omnia regnat dantque creatori cuncta creata prece | Nobilitas anni mensium decus arma dierum horarum splendor scrupula puncta favent | Christe salus mundi bone conditor atque redemptor unica progenies ex deitate patris | Aequalis consors socius cum patre coaevus quo sumpsit mundus principe principium | Qui genus humanum cernens mersisse profundum ut hominem eriperes es quoque factus homo | Haec voluisti etenim tantum te corpore nasci sed caro quae nasci pertulit atque mori | Funeris exequias pateris vitae auctor et orbis intrans mortis iter dando salutis opem | Tristia cesserunt inferni vincula legis expavitque chaos luminis ore primi | Repereunt tenebrae Christi fulgore fugare et terrae noctis pallea crassam cadunt | Solliciam sed redde fidem precor alma potestas tertia lux rediit surge sepulte meus | Non decet ut humili tumulo tua membra regantur neu pretium mundi vilia laxa praemant | Indignum est cujus claudantur cuncta pugillo ut regat inclusum rupe necante lapis | Lintea tolle precor sudaria linque sepulcro tu satis es nobis et sine te nihil est | Solve catenatos inferni et carceris umbras et revoca sursum quicquid ad ima ruit | Redde tuam faciem videant ut saecula lumen redde diem qui nos te moriente fugit | Eripis innumerum populum ad carcere mortis et de fauce lupis subtrahis agnus oves | Evomit ad sortem trepidam foeda belva plebem et sequitur liber quo suus auctor abit

Sedit angelus ad sepulcrum domini stola claritatis coopertus videntes eum mulieres nimio terrore perterritae astiterunt a longe tunc locutus est angelus et dixit eis nolite metuere dico vobis quia illum quem quaeritis mortuum jam vivit et vita hominum cum eo surrexit alleluia

Crucifixum in carne laudate ac sepulcrum propter nos glorificate resurgentemque de morte adorate

Surrexit enim sicut dixit dominus et praecedet vos in Galilaeam alleluia ibi eum videbitis alleluia alleluia alleluia

Crucifixus surrexit a mortuis redemit nos alleluia alleluia

Christus resurgens*

Dicant nunc*

Rex noster in cruce debellans mortis principem tulit fortior armato spolia diluculo resurgens in gloria pressis in mundo reliquit sudarium in sepulcro ad patris solium victor revexit tropheum alleluia

O mira Christi regis clementia quis vidit talia latronis crucem tollerans jubet seraphim gladio versantem crucis tropheum latroni paradisum aperire

Haec dies quam fecit dominus exsultemus et laetemur in ea

Confitemini domino quoniam bonus quoniam in saeculum misericordia ejus