Sapientia aedificavit sibi domum excidit columnas septem immolavit victimas suas miscuit vinum et posuit mensam suam

Melchisedech rex Salem proferens panem et vinum erat enim sacerdos dei summus benedixit Abrahae et ait benedictus Abraham deo excelso qui creavit caelum et terram

Immolabit haedum universa multitudo filiorum Israel et sument de sanguine ejus ac ponent super utrumque postem et in superliminaribus domorum in quibus comedent illum

Et edent carnes nocte illa assas igni et azymos panes cum lactucis agrestibus non comeditis ex eo crudum quid nec coctum aqua sed assum tantum ign

Pluit illis manna ad manducandum et panem caeli dedit eis panem angelorum manducavit homo cibaria misit eis in abundantia

Cumque operuisset*

Pange lingua gloriosi corporis mysterium sanguinisque pretiosi quem in mundi pretium fructus ventris generosi rex effudit gentium | Nobis datus nobis natus ex intacta virgine et in mundo conversatus sparso verbi semine sui moras incolatus miro clausit ordine | In supremae nocte cenae recumbens cum fratribus observata lege plene cibis in legalibus cibum turbae duodenae se dat suis manibus | Verbum caro panem verum verbo carnem efficit fitque sanguis Christi merum et si sensus deficit ad firmandum cor sincerum sola fides sufficit | Tantum ergo sacramentum veneremur cernui et antiquum documentum novo cedat ritui praestet fides supplementum sensuum defectui | Genitori Genitoque laus et jubilatio salus honor virtus quoque sit et benedictio procedenti ab utroque compar sit laudatio

Asser pinguis panis ejus alleluia et praebebit delicias regibus alleluia