Circumdederunt me gemitus mortis dolores inferni circumdederunt me et in tribulatione mea invocavi dominum et exaudivit de templo sancto suo vocem meam

Diligam te meum*

Adjutor in opportunitatibus in tribulatione sperent in te qui noverunt te quoniam non derelinquis quaerentes te domine

Quoniam non in finem oblivio erit pauperis patientia pauperum non peribit in aeternum exsurge domine non praevaleat homo

De profundis clamavi ad te domine domine exaudi vocem meam

Fiant aures tuae intendentes in orationem servi tui

Si iniquitates observaberis domine domine quis sustinebit

Quia apud te propitiatio est et propter legem tuam sustinui te domine

Bonum est confiteri domino et psallere nomini tuo altissime

Quam magnificata sunt opera tua domine nimis profundae factae sunt cogitationes tuae bonum domino

Ecce inimici tui domine peribunt et dispergentur omnes qui operantur iniquitatem

Exaltabitur sicut unicornis cornu meum et senectus mea in misericordia uberi quia respexit oculus meus inimicos meos et insurgentes in me malignantes audivit auris tua

Illumina faciem tuam super servum tuum et salvum me fac in tua misericordia domine non confundar quoniam invocavi te