Exaudi nos domine quoniam benigna est misericordia tua secundum multitudinem miserationum tuarum respice nos domine

Salvum*

Immutemur habitu in cinere et cilicio jejunemus et ploremus ante dominum quia multum misericors es dimittere peccata nostra deus noster

Juxta vestibulum et altare plorabunt sacerdotes et levitae ministri domini et dicent parce domine parce populo tuo et ne dissipes ora clamantium ad te domine

Misereris omnium domine et nihil odisti eorum quae fecisti dissimulans peccata hominum propter paenitentiam et parcens illis quia tu es dominus deus noster

Miserere mei deus miserere mei quoniam in te confidit anima mea*

Miserere mei deus miserere mei quoniam in te confidit anima mea

Misit de caelo et liberavit me dedit in opprobrium conculcantes me

Exaltabo te domine quoniam suscepisti me nec delectasti inimicos meos super me domine clamavi ad te et sanasti me

Domine abstraxisti ab inferis animam meam salvasti me a descendentibus in lacum

Ego autem dixi in mea abundantia non movebor in aeternum domine in voluntate tua praestitisti decori meo virtutem

Qui meditabitur in lege domini die ac nocte dabit fructum suum in tempore suo