Dum sanctificatus fuero in vobis congregabo vos de universis terris et effundam super vos aquam mundam et mundabimini ab omnibus inquinamentis vestris et dabo vobis spiritum novum

Benedicam domino in omni tempore semper laus ejus in ore meo

Venite filii audite me timorem domini docebo vos

Accedite ad eum et illuminamini et facies vestrae non confundenturtur

Beata gens cujus est dominus deus eorum populus quem elegit dominus in hereditatem sibi

Verbo domini caeli firmati sunt et spiritu oris ejus omnis virtus eorum

Benedicite gentes dominum deo nostro et obaudite vocem laudis ejus qui posuit animam meam ad vitam et non dedit commoveri pedes meos benedictus dominus qui non amovit deprecationem meam et misericordiam suam a me

Jubilate deo omnis terra psalmum dicite nomini ejus date gloriam laudi ejus

In multitudine virtutis tuae mentientur tibi inimici tui omnis terra adoret te et psallat tibi altissime

Venite et videte opera domini quam terribilis in consiliis super filios hominum ad ipsum ore meo clamavi et exsultavi sub lingua mea propterea exaudivit me deus et intendit voci orationis meae

Lutum fecit ex sputo dominus et linivit oculos meos et abii et lavi et vidi et credidi deo