Eduxit eos dominus in spe alleluia et inimicos eorum operuit mare alleluia alleluia alleluia

Attendite populus meus legem meam inclinate aurem vestram in verba oris mei

Haec dies*

Benedictus qui venit in nomine domini deus dominus et illuxit nobis

Alleluia Surrexit altissimus de sepulcro qui pro nobis pependit in ligno

Erit vobis hic dies memorialis alleluia et diem festum celebrabitis sollemnem domino in progenies vestras legitimum sempiternum diem alleluia alleluia alleluia

Dixit Moyses ad populum bono animo estote et veniet vobis salus a domino deo et pugnabit pro vobis

In mente habete diem istum in quo existis de terra Aegypti de domo servitutis in manu enim potenti liberavit vos dominus

Data est mihi omnis potestas in caelo et in terra alleluia euntes docete omnes gentes baptizantes eos in nomine Patris et Filii et Spiritus Sancti alleluia alleluia

Laudes deo concinat orbis ubique totus qui gratis est liberatus | Per summi patris indulgentiam qui miserans quod genus humanum casu succubuit veterano | Misit huc natum suum in terras | Ut sua dextra jacentes caeno levaret polo restitueretque patriae | Hic ergo genitus illibatae matris utero | Hic vixit solus homo absque naevo et sine dolo | Coluber Adae male suasor | Quem sua non infecit fraude | Quin ipse carnis ejus esca petita avide | Delusus hamo deitatis victus est in aevum | Igitur omnes quibus princeps hujus saeculi | Quae sibi placita sunt inflixit quosque perdidit | Huic haerete in quo suum nihil invenit | Nam ipsi adhaerentes nequaquam potest perdere | Gratias nunc et in saecula | Omnipotenti redemptori jubilemus