Ecce advenit dominator dominus et regnum in manu ejus et potestas et imperium

Deus judicium tuum regi da et justitiam tuam filio regis

Omnes de Saba venient aurum et thus deferentes et laudem domino annuntiantes

Surge et illuminare Jerusalem quia gloria domini super te orta est

Alleluia Vidimus stellam ejus in oriente et venimus cum muneribus adorare dominum

Reges Tharsis et insulae munera offerrent reges Arabum et Saba dona adducent et adorabunt eum omnes reges terrae omnes gentes servient ei

Deus judicium tuum regi da et justitiam tuam filio regis judicare populum tuum in justitia et pauperes tuos in judicio

Suscipiant montes pacem populo tuo et colles justitiam

Orietur in diebus ejus justitia et habundantia pacis donec extollatur luna et dominabuntur a mari usque ad mare

Vidimus stellam ejus in oriente et venimus cum muneribus adorare dominum

Festa Christi omnis christianitas celebret | Quae miris sunt modis ornata cunctisque veneranda populis | Per omnitenentis adventum atque vocationem gentium | Ut natus est Christus est stella magis visa lucida | At illi non cassam putantes tanti signi gloriam | Secum munera deferunt parvulo offerant ut regi caeli quem sidus praedicat | Atque aureo tumidi principis lectulo transito Christi praesepe quaeritant | Hinc ira saevi Herodis fervida invidi recens rectori genito Bethleem parvulos praecipit ense crudeli perdere | O Christe quantum patris exercitum juvenis doctus ad bella maxima populis praedicans colligis sugens cum tantum miseris | Anno hominis trigesimo subtus famuli se inclyti inclinaverat manus deus consecrans nobis baptisma in absolutionem criminum | Ecce spiritus in specie ipsum alitis innocuae uncturus sanctis prae omnibus visitat semper ipsius contentus mansione pectoris | Patris etiam insonuit vox pia veteris oblita sermonis paenitet me fecisse hominem | Vere filius es tu meus mihimet placitus in quo sum placatus hodie te mi fili genui | Huic omnes ausculate populi praeceptori