Sacerdotes tui domine induant justitiam et sancti tui exsultent propter David servum tuum non avertas faciem Christi tui

Memento domine David et omnis mansuetudinis ejus

Ecce sacerdos magnus qui in diebus suis placuit Deo

Non est inventus similis illi qui conservaret legem excelsi

Inveni David servum meum et in oleo sancto unxi eum manus enim mea auxiliabitur ei et bracchium meum confortabit eum

Potens es domine et veritas tua in circuitu tuo tu dixisti posui adjutorium super potentem et exaltavi electum de plebe mea

Veritas mea et misericordia mea cum ipso et in nomine meo exaltabitur cornu ejus et ponam in saeculum saeculi sedem ejus et thronum ejus sicut dies caeli

Beatus servus quem cum venerit dominus invenerit vigilantem amen dico vobis super omnia bona sua constituet eum