Etenim sederunt principes et adversum me loquebantur et iniqui persecuti sunt me adjuva me domine deus meus quia servus tuus exercebatur in tuis justificationibus

Beati immaculati in via qui ambulant in lege domini

Sederunt principes et adversum me loquebantur et iniqui persecuti sunt me

Adjuva me domine deus meus salvum me fac propter misericordiam tuam

Alleluia Video caelos apertos et Jesum stantem a dextris virtutis

In virtute tua domine laetabitur justus et super salutare tuum exsultabit vehementer desiderium animae ejus tribuisti ei

Vitam petiit et tribuisti ei longitudinem dierum in saeculum saeculi

Magna est gloria ejus in salutari tuo magna est gloria ejus in salutari tuo gloriam et magnum decorem impones super eum

Elegerunt apostoli Stephanum levitam plenum fide et spiritu sancto quem lapidaverunt Judaei orantem et dicentem domine Jesu accipe spiritum meum alleluia

Viderunt faciem ejus tamqua faciem angeli dei et concurrentes lapidibus cedebant eum orantem et dicentem

Positis autem genibus Stephanus orabat dicens domine Jesu ne statuas illis hoc peccatum qui a nesciunt quid faciunt

Video caelos apertos et Jesum stantem a dextris virtutis dei domine Jesu accipe spiritum meum et ne statuas illis hoc peccatum quia nesciunt quid faciunt

Hanc concordi famulatu colamus sollemnitatem | Auctoris illius exemplo docti benigno | Pro persecutorum precantis fraude suorum | O Stephane signifer regis summe boni nos exaudi | Proficue qui es pro tuis exauditus inimicis | Paulus tuis precibus Stephane te quondam persecutus Christo credit | Et tecum tripudiat in regno cui nullus persecutor appropinquat | Nos proinde nos supplices ad te clamantes et precibus te pulsantes | Oratio sanctissima nos tua semper conciliet deo nostro | Te Petrus Christi ministrum statuit tu Petro normam credendi adstruis ad dextram summi patris ostendendo quem plebs furens crucifixit | Te sibi Christus delegit Stephane per quem fideles suos corroboret se tibi inter rotatus saxorum solatio manifestans | Nunc inter inclytas martyrum purpuras coruscas coronatus

Christi domini militis martyrisque fortissimi proelia voce pari canamus extollentes ad sidera | Qui signifer bellicosus extiterat valida manu tota prosternens diabolica commenta | Quando daemon domini famulum se putaverat lapidando vincere devictus tunc recessit in tartara | Et qui Saulum fecerat necis illius auctorem Pauli nunc ecclesiae doctoris ejusdem tremit praecepta | Nam cum martyris undique corpus immensus imber lapidum premeret lacerans membra rosea | Ipse corporis allisi poenas amore Christi libenter sustinens fuderat verba talia | O Christe potens et omniparens precor ne statuas illis ista ad peccatum crimina | Haec ait atque commendat suum spiritum in manus summi patris linquentem terrestria | Nos igitur poscimus miseri alacer domini athleta | Nobis veniam jugiter postulans ut nostra deleas cuncta delicta | Et mundes omnia facinora ut per tuas preces possimus liberari de poena | Et caeli praemia perpetua cuncti tecum laeti tenere vita semper beata | Stephane signifer et protomartyr invicte