Corpus quod diu latuit in Terracinae loculo mirandis signis claruit post in Tolosae patulo

Occurrunt sacro corpori clerus et turbae populi congaudent tanto muneri cuncti grandes et parvuli

Amavit eum dominus et ornavit eum*

Ecce novus fons hortorum diu terrae conditus fit augmentum fluviorum rigans orbem caelitus hic est Thomas lux doctorum instructus divinitus

Hic est portus Hebraeorum imber clausus hic caelorum sub Elia redditus

Gaudet sacra religio quae spoliata caruit prius thesauro proprio dum doctoris quem aluit et perfecit in studio nuper ossa rehabuit

Restituta de primo tumulo et recepta cum cordis jubilo

Corpus datur in festo corporis Christi cujus grande mysterium reseravit occultum caeteris et dictavit scribens officium dono doctor divini muneris

Nam per Urbanum opus indicitur et per Urbanum ordini redditur

Gloria patri et filio et spiritui sancto

Caelum hunc glorificat Christo jam fruentem quem terra mirificat signis affluentem

Matri vitae jam ereptum vivum reddit filium et inter hostes protectum tutum servat devium

De vini dispendio juvat invocantem damnatum suspendio salvat implorantem

Justum deduxit dominus*

Corpus sacrum dum terrae tollitur fratris mentem propulsat dubium sed mox ei verum asseritur per doctoris patens alloquium nam hoc corpus quod vobis redditur vestri inquit est Thomae proprium

Doctor adstans fratrem alloquitur et oranti res certa panditur

Languens praesul in aegro corpore mox auditis laetis exsequiis notum promit ex imo pectore adfuturum sacris sollemniis spe constanti de sancti munere

Hic salutis potitus gaudiis se commendat ejus praesidiis

Puritatis vas decorum nihil sordis patitur praesul clarus fama morum sanctum ferens labitur mersus luto indecorum nil inde relinquitur

Sacris tamen vestibus manibus ac pedibus totus caeno figitur

Gloria patri et filio et spiritui sancto

Servat ab incursibus virum cum jumentis liberat a febribus vitam morientis

Morbum fama proelium miles impetravit Thomae per auxilium vovens ut optavit

Redivivum reddit equum hero supplicanti quemque surdum mutum caecum curat virtus sancti

Justus ut palma florebit*

Laboranti sub mole carceris ac petenti Thomae praesidia adest sponsor divini muneris doctor ferens grata subsidia miseratus horrendi sceleris

Hunc subvectum in vestis fimbria longi tractu portans itineris coram domo deponit propria

O doctoris mira potentia quae in vitam mutat interitum corporisque sancta praesentia ab obsessa depellit spiritum restituta formae decentia

Vitae spectans uterque exitum implorata sancti clementia statum sentit salutis reditum

Joseph duplex doctorem gloria signis velut praesignat vatibus mulieris acta victoria ossa sancta legata fratribus Tolosaeque delata partibus

Summae grata felix Ocania destinata tibi encaenia

Gloria patri et filio et spiritui sancto

Ora pro nobis beate Thomae R. Ut digni*

Sacrum corpus noviter Christus decoravit cujus mente jugiter dominus regnavit

Dies est laetitiae de Thomae tropaeo caelestes militiae jubilate deo

Ad te de luce vigilat doctor Nazareus qui nunc in caelis jubilat deus deus meus

Caelo doctor fruitur acto vitae tramite qui tam digne colitur deo benedicite

Fulget in caelestibus dei claritate fragrat hic virtutibus dominum laudate

Aurora pulchra rutilans*

Justus germinabit*

De jacente virtus crescit de sepulto gloria de latente lux diescit de dato laetitia corpus sacrum dum notescit mira dans prodigia

O splendor Italiae nobilis propago deitatis regiae instar et imago virtutis eximiae culmen et indago nobis spem fer veniae tu morum compago

Superna mater inclyta novis exsulta gaudiis quae tibi plebs haec subdita laetis offert praecordiis | Clausum thesaurum gratiae Urbanus praesul reperit quem jam in orbis facie cunctis patentem aperit | Thesaurum hunc quem edidit ordo clarus Dominici idem Urbanus reddidit Eliae voto supplici | Colendum in occiduis transmittens mundi partibus ubi signis assiduis succurrit invocantibus | Sol solem caeli sequitur dum Thomas ab Italia tibi Tolosa vehitur quo decoratur Gallia | Aeterno regi gloriam laetis canamus vocibus qui nobis praestet veniam beati Thomae precibus

Jubar caelorum prodiens perlustrat hemisphaerium per solis iter gradiens sidus petit Hesperium | Cum oriente oritur decus et lux Campaniae et in Tolosa conditur lustrans oram Hispaniae | Inde pater Dominicus sumpsit in te praeconium illic doctor Italicus suum legit hospitium | Altam profundens gratiam divina virtus corpori salutis efficaciam dat omni morbo generi | Nam claudos reddit gressui leprosoque munditiae vitae reddunt mortui maesti quoque laetitiae | Aeterno regi*

Aurora pulchra rutilans splendorem defert roseum nosterque chorus jubilans doctorem canit laureum | Dum claram lucem aperit caeleste sidus oculis Thomae figuram ingerit dati pro luce saeculis | Jam occidentem radiis implere caelum incipit dum multum vectum stadiis Thomam Tolosa recipit | Ad hujus lucis radium lustranda mittit dubia ad sancti Thomae studium hortans mater ecclesia | Veram protestans solidam doctrinam ejus inclytam securam firmam lucidam divinis verbis insitam | Aeterno regi

Alleluia Justus germinabit sicut lilium et florebit in aeternum ante dominum

Iter faciente Jesu dum appropinquaret Jericho caecus clamabat ad eum ut lumen recipere mereretur

Sacerdos in aeternum Christus dominus secundum ordinem Melchisedech panem et vinum obtulit

Miserator dominus escam dedit timentibus se in memoriam suorum mirabilium

Calicem salutaris accipiam et sacrificabo hostiam laudis

Sicut novellae olivarum ecclesiae filii sunt in circuitu mensae domini

Qui pacem ponit fines ecclesiae frumenti ex adipe satiat nos dominus

Homo quidam fecit cenam magnam et misit servum suum hora cenae dicere invitatis ut venirent quia parata sunt omnia

Venite comedite panem meum et bibite vinum quod miscui vobis

Gloria patri et filio et spiritui sancto

Panem de caelo praestitisti eis R. Omne delectamentum in se habentem

O quam suavis est domine spiritus tuus qui ut dulcedinem tuam in filios demonstrares pane suavissimo de caelo praestito esurientes replevit bonis fastidiosos divites dimittens inanes

Accipite et comedite hoc est corpus meum quod pro vobis tradetur dicit dominus

Similiter et calicem postquam cenavit dicens hic calix novum testamentum est in meo sanguine

Christum regem regum adoremus dominantem gentibus qui se manducantibus dat spiritus pinguedinem

Fructum salutiferum gustandum dedit dominus suae mortis tempore

A fructu frumenti et vini multiplicati fideles in pace Christi requiescunt

Communione calicis quo deus ipse sumitur non vitulorum sanguine congregavit nos dominus

Panem angelorum manducavit homo R. Omne delectamentum in se habentem

Immolabit haedum multitudo filiorum Israel ad vesperam paschae et edent carnes et azymos panes

Pascha nostrum immolatus est Christus itaque epulemur in azymis sinceritatis et veritatis

Comedetis carnes et saturabimini panibus iste est panis quem dedit vobis dominus ad vescendum

Non Moyses dedit vobis panem de caelo sed pater meus dat vobis panem de caelo verum

Respexit Elias ad caput suum sub cinericium panem qui surgens comedit et bibit et ambulavit in fortitudine cibi illius usque ad montem dei

Si quis manducaverit ex hoc pane vivet in aeternum

Gloria patri et filio et spiritui sancto

Memor sit dominus sacrificii nostri et holocaustum pingue fiat

Paratur nobis mensa domini adversus omnes qui tribulant nos

In voce exsultationis resonant epulantes in mensa domini

Cibavit illos ex adipe frumenti R. Et de petra melle saturavit eos

Panis quem ego dabo caro mea est pro mundi vita litigabant ergo Judaei dicentes quomodo potest hic nobis dare carnem suam ad manducandum

Locutus est populus contra dominum anima nostra nauseat super cibo isto levissimo

Cenantibus illis accepit Jesus panem et benedixit ac fregit deditque discipulis suis et ait accipite et comedite hoc est corpus meum

Dixerunt viri tabernaculi mei quis det de carnibus ejus ut saturemur

Accepit Jesus calicem postquam cenavit dicens hic calix novum testamentum est in meo sanguine hoc facite in meam commemorationem

Memoria memor ero et tabescet in me anima mea

Gloria patri et filio et spiritui sancto

Introibo ad altare dei sumam Christum qui renovat juventutem meam

Cibavit nos dominus ex adipe frumenti et de petra melle saturavit nos

Ex altari tuo domine Christum sumimus in quem cor et caro nostra exultat

Educas panem de terra R. Et vinum laetificet cor hominis

Unus panis et unum corpus multi sumus omnes qui de uno pane et de uno calice participamur

Parasti in dulcedine tua pauperi deus qui habitare facis unanimes in domo

Misit me pater vivens et ego vivo propter patrem et qui manducat me vivit propter me

Cibavit eum dominus pane vitae et intellectus

Qui manducat meam carnem et bibit meum sanguinem in me manet et ego in illo

Non est alia natio tam grandis quae habeat deos appropinquantes sibi sicut deus noster adest nobis

Gloria patri et filio et spiritui sancto

Oculi omnium in te sperant domine R. Et tu das illorum escam in tempore opportuno

Sapientia aedificavit sibi domum miscuit vinum et posuit mensam alleluia

Angelorum esca nutrivisti populum tuum et panem de caelo praestitisti eis alleluia

Pinguis est panis Christi et praebebit delicias regibus alleluia

Sacerdotes sancti incensum et panes offerunt deo alleluia

Vincenti dabo manna absconditum et nomen novum alleluia

Posuit fines tuos pacem R. Et adipe frumenti satiat te