[Gaude Sion quod egressus a te decor et depressus tui fulgor speculi | Rediviva luce redit o et alpha quod accedit jam] in fine saeculi | Poma prima primitivos deus sanctos adhuc vivos vidit in cacumine | Ut extremos addat primis quamvis stantes nos in imis suo visit lumine | Sed prae multis te respexit [odor] tuus hunc allexit [et sapor et] puritas | Ut de regum [ramis] nata juste vere sit [vocata tu dei saturitas] | Gaudent astra matutina quod in hora vespertina ortu novi sideris | Caeli sidus illustratur in quo terrae designatur novi signum foederis | Vere sidus tu [praeclarum quod a sole] differt parum et luna lucidius | Tu quod sole sis amicta carne probat hic relicta lucis tuae radius | O quam dignis luces signis vasa [rapis] a malignis possessa [daemoniis] | Leprae mundas [labe] tactos claudos ponis et attractos in [pedum] officiis | Quod [negatum est naturae] tu virtutis agis jure et potes ex gratia | Vita functos tu reducis caecis raddis membra lucis et membrorum spatia | Eia mater nos agnosce libro vitae nos deposce cum electis inseri | Ut consortes tuae sortis et a poenis et a portis eruamur inferi

Sanctissime virginis votiva festa recolamus Venerantes hunc diem praeclarum omnes concinamus Concrepent organicis modulis et canticis laude digna Proferat haec contio laudes et devotio sit sincera Hanc fuisse filiam costi regis unicam tradunt scripta Annis puellaribus artibus sophisticis fuit clara Turbam philosophicam vicit et rhetoricam disputando Hinc regina credidit deos vanos respuit venerari Fit poenalis machina pereunt ac milia dum rotantur agmina paganorum Mox privatur capite assunt turbae caelicae sepelitur debite monte Sina Ora pro populo precare pro clero martyr Christi Catharina Astantem populum [laudentem te clerum fove rege per saecula]