Verbum caro panem verum verbo carnem efficit fitque sanguis Christi merum et si sensus deficit ad firmandum cor sincerum sola fides sufficit

Tantum ergo sacramentum veneremur cernui et antiquum documentum novo cedat ritui praestet fides supplementum sensuum defectui

Genitori genitoque laus et jubilatio salus honor virtus quoque sit et exaltatio procedenti ab utroque compar sit laudatio amen

Sacris sollemniis juncta sint gaudia et ex praecordiis sonent praeconia recedant vetera nova sint omnia corda vota et opera

Noctis recolitur cena novissima qua Christus creditur agnum et azyma dedisse fratribus juxta legitima priscis indulta patribus

Post agnum typicum expletis epulis corpus dominicum datum discipulis sic totum omnibus quod totum singulis ejus fatemur manibus

Dedit fragilibus corporis ferculum dedit et tristibus sanguinis poculum dicens accipite quod trado vasculum omnes ex eo bibite

Sic sacrificium istud instituit cujus officium committi voluit solis presbyteris quibus sic congruit ut sumant et dent ceteris

Panis angelicus fit panis hominum dat panis caelicus figuris terminum o res mirabilis manducat dominum pauper servus et humilis

Te trina deitas unaque poscimus sic nos tu visitas sicut te colimus per tuas semitas duc nos quo tendimus ad lucem quam inhabitas amen

Verbum supernum prodiens nec patris linquens dexteram ad opus suum exiens venit ad vitae vesperam

In mortem a discipulo suis tradendus aemulis prius in vitae ferculo se tradidit discipulis

Quibus sub bina specie carnem dedit et sanguinem ut duplicis substantiae totum cibaret hominem

Se nascens dedit socium convescens in edulium se moriens in pretium se regnans dat in praemium

O salutaris hostia quae caeli pandis ostium bella premunt hostilia da robur fer auxilium

Uni trinoque domino sit sempiterna gloria qui vitam sine termino nobis donet in patria amen

Ut queant laxis resonare fibris mira gestorum famuli tuorum solve polluti labii reatum sancte Joannes

Nuntius celso veniens Olympo te patri magnum fore nasciturum nomen et vitae seriem gerendae ordine promit

Ille promissi dubius superni perdidit promptae modulos loquelae sed reformasti genitus peremptae organa vocis

Ventris obstruso positus cubili senseras regem thalamo manentem hinc parens nati meritis uterque abdita pandit

Antra deserti teneris sub annis civium turmas fugiens petisti ne levi saltem maculare vitam famine possis

Praebuit hirtum tegimen camelus artubus sacris strophium bidentes cui latex haustum sociata pastum mella locustis

Ceteri tantum cecinere vatum corde praesago jubar affuturum tu quidem mundi scelus auferentem indice prodis

Non fuit vasti spatium per orbis sanctior quisquam genitus Joanne qui nefas saecli meruit lavantem tingere lymphis

O nimis felix meritique celsi nesciens labem nivei pudoris praepotens martyr eremique cultor maxime vatum

Serta ter denis alios coronant aucta crementis duplicata quosdam trina centeno cumulata fructu te sacer ornant

Nunc potens nostri meritis opimis pectoris duros lapides repelle asperum planans iter et reflexos dirige calles

Ut pius mundi sator et redemptor mentibus pulsa livione puris rite dignetur veniens sacratos ponere gressus

Laudibus cives celebrant superni te deus simplex pariterque trine supplices et nos veniam precamur parce redemptis amen

Aurea luce et decore roseo lux lucis omne perfudisti saeculum decorans caelos inclyto martyrio hac sacra die quae dat reis veniam

Janitor caeli doctor orbis pariter judices saecli vera mundi lumina per crucem alter alter ense triumphans vitae senatum laureati possident

O felix Roma quae tantorum principum es purpurata sanguine non laude tua sed ipsorum meritis excellis omnem mundi pulchritudinem

Jam bone pastor Petre clemens accipe vota precantum et peccati vincula resolve tibi potestate tradita qua cunctis caelum verbo claudis aperis

Doctor egregie Paule mores instrue et mente polum nos transferre satage donec perfectum largiatur plenius evacuato quod ex parte gerimus

Olivae binae pietatis unicae fide devotos spe robustos maxime fonte repletos caritatis geminae post mortem carnis impetrate vivere

Sit trinitati sempiterna gloria honor potestas atque jubilatio in unitate cui manet imperium ex tunc et modo per aeterna saecula amen

Aeterna Christi munera*

Doctor egregie*

Adsunt festa jubilaea in Mariae nunc gaudia tota psallat ecclesia devota laudum dramata

Cujus sacrata viscera dei invisit gratia ut esset virgo gravida tori virilis nescia

Haec paranympho dum credit sacrum hanc pneuma replevit alvus tumescit et gerit verbum patris quod meruit

Confestim montes adiit Elisabeth salutavit obviis eam suscipit ulnis stringit et circuit

Sacri junguntur uteri milesque sui domini praesentiam dum percipit hunc exsultando suscipit

Clamat anus cum jubilo plena sancto paraclito beata tu in filio quae credidisti domino

Exsultet caeli regia et mundialis machina abyssus atque maria laudent deum per saecula

Patri summo cum filio sancto quoque spiritu sit sempiterna gloria in unitate solida amen

O Christi mater fulgida scatens fons omni gratia lux pellens quaeque nubila Maria venustissima

Gestas quae castimonia intacta patrem filia virgo monarcham inclyta genetrix pudicissima

Tua prece hanc miseram pusillamque plebeculam subleva per auxilium quae jacet nexu criminum

O advocata strenua hostem nostrum extermina depelle quaeque noxia impetra caeli gaudia

Sit gloria deo patri Jesu Chistoque filio spiritui paraclito trino et uni domino amen

In Mariam vitae viam veram matrem viventium pie venit qui redemit peccata delinquentium

Gressum coepit cum concepit Maria multum properans visitavit confortavit Elisabeth congratulans

Salutatur inflammatur Elisabeth et filius inaudita fiunt ita de dono sancti spiritus

Impraegnata gravidata fit mater olim sterilis infans datus nondum natus exsultat Christo jubilis

Servit major gaudet minor Maria fert solatium visitatis praeparatis ad spiritum propheticum

Praecursorem et doctorem Maria manu indicat qui rectorem purgatorem digito mundi nuntiat

Leva gregem duc ad regem Maria cunctos visitans ut salvetur et laetetur cum tu sis mater medians amen

En miranda prodigia concepit nam virguncula fit Jesu Christi gerula Maria sacratissima

Anus aetate marcida prolis gestat solatia tument ad partum gelida grandaevae matris viscera

Hic perit omnis regula naturaeque molimina hic cessat omnis ratio cedens dei miraculo

Salutat mater domini matrem vatis mirifici et vates cum praeconio reddit salutes domino

Laudemus et nos dominum patrem et patris filium sanctum quoque paraclitum nunc et per omne saeculum amen

Magno salutis gaudio laetetur omne saeculum Jesus redemptor omnium sanavit orbem languidum

Sex ante paschae ferias advenit in Bethaniam ubi pie post triduum resuscitavit Lazarum

Nardi Maria pistici sumpsit libram mox optimi unxit beatos domini pedes rigando lacrimis

Honor decus imperium sit trinitati unicae patri nato paraclito per infinita saecula amen

Hujus obtentu*

Jam bone pastor*

Aeterna Christi*

O quam glorifica luce coruscas stirpis Davidicae regia proles sublimis residens virgo Maria supra caeligenas aetheris omnes

Tu cum virgineo mater honore angelorum domino pectoris aulam sacris visceribus casta parasti natus hinc deus est corpore Christus

Quem cunctus venerans orbis adorat cui nunc rite genu flectitur omne a quo nos petimus te veniente abjectis tenebris gaudia lucis

Hoc largire pater luminis omnis natum per proprium flamine sancto qui tecum nitida vivit in aethra regnans ac moderans saecula cuncta amen

Memento salutis*

Quem terra*

O gloriosa*

Sancte dei pretiose protomartyr Stephane qui virtute caritatis circumfultus undique dominum pro inimico exorasti populo

Funde preces pro devoto tibi nunc collegio ut tuo propitiatus interventu dominus nos purgatos a peccatis jungat caeli civibus

Gloria et honor deo usquequo altissimo una patri filioque inclyto paraclito cui laus est et potestas per aeterna saecula amen

Magne pater Augustine preces nostras suscipe et per eas conditori nos placare satage atque rege gregem tuum summum decus praesulum

Magne pater Augustine preces nostras suscipe et per eas conditori nos placare satage atque rege gregem tuum summum decus praesulum

Amatorem paupertatis te collaudant pauperes assertorem veritatis amant veri judices frangis nobis favos mellis de scripturis disserens

Quae obscura prius erant nobis plana faciens tu de verbis salvatoris dulcem panem conficis et propinas potum vitae de psalmorum nectare

Tu de vita clericorum sanctam scribis regulam quam qui amant et sequuntur viam tenant regiam atque tuo sancto ductu redeunt ad patriam

Regi regum salus vita decus et imperium trinitati laus et honor sit per omne saeculum qui concives nos ascribat supernorum civium amen

Caeli cives adplaudite et vos fratres concinite patris vestri sollemnia solis reduxit orbita

Hinc ergo psalmi resonent hinc lectiones concrepent et hymnorum dulcisona multiplicentur cantica

Quod lingua foris personat intus affectus sentiat nec imitari pigeat quod laudare mens approbat

Hunc post mundi pericula caeli suscepit curia quem cum suis fidelibus jam salutavit dominus

Conemur totis nisibus jungamus preces precibus ut Augustini meritis caeli fruamur gaudiis

Deo patri sit gloria*

Ave maris stella dei mater alma atque semper virgo felix caeli porta

Sumens illud ave Gabrielis ore funda nos in pace mutans nomen Evae

Solve vincla reis profer lumen caecis mala nostra pelle bona cuncta posce

Monstra te esse matrem sumat per te precem qui pro nobis natus tulit esse tuus

Virgo singularis inter omnes mitis nos culpis solutos mites fac et castos

Vitam praesta puram iter para tutum ut videntes Jesum semper collaetemur

Sit laus deo patri summo Christo decus spiritui sancto honor trinus unus amen

Memento salutis*