Viri Galilaei quid admiramini aspicientes in caelum alleluia quemadmodum vidistis eum ascendentem in caelum ita veniet alleluia alleluia alleluia

Cumque intuerentur in caelum euntem illum ecce duo viri astiterunt juxta illos in vestibus albis

Alleluia Ascendit deus in jubilatione et dominus in voce tubae

Alleluia Ascendens Christus in altum captivam duxit captivitatem dedit dona hominibus

Viri Galilaei quid admiramini aspicientes in caelum hic Jesus qui assumptus est a vobis in caelum sic veniet quemadmodum vidistis eum ascendentem in caelum alleluia

Psallite domino qui ascendit super caelos caelorum ad orientem alleluia

Omnes gentes plaudite festos choros ducite Christo triumphante | Redit cum victoria capta ducens spolia tuba jubilante | Pape quam magnificum hodie dominicum germen gloriatur | Terrae fructus hodie super thronos curiae caeli sublimatur | Intrat tabernaculum Moyses et populum trahit ad spectaculum tantae virtus rei | Stant suspensis vultibus intendentes nubibus Jesum subducentibus viri Galilaei | Dum Elias sublevatur Elisaeo duplex datur spiritus et pallium | Alta Christus dum conscendit servis suis mnas appendit gratiarum omnium | Transit Iacob hunc Jordanem luctam gerens non inanem crucis usus baculo | Redit turmis cum duabus angelis et animabus et thesauri saeculo | Hic est fortis qui de mortis victor portis introit cum gloria | Rex virtutum cuius nutum et obtutum trina tremit regia | Vocat pater filium ad consessus solium donec suppedaneos victos vel spontaneos ponat inimicos | Sedet in altissimis fruitur potissimis redit in novissimis judicans ex intimis justos et iniquos | Veni Deus ultionum veni cum clementia dum sistemur ante thronum in tui praesentia | Mane nobis tunc auditam fac misericordiam in perennem transfer vitam ad futuram gloriam