Esto mihi in deum protectorem et in locum refugii ut salvum me facias quoniam firmamentum meum et refugium meum es tu et propter nomen tuum dux mihi eris et enutries me

In te domine speravi non confundar in aeternum in justitia tua libera me et eripe me

Tu es deus qui facis mirabilia solus notam fecisti in gentibus virtutem tuam

Liberasti in brachio tuo populum tuum filios Israel et Joseph

Jubilate domino omnis terra servite domino in laetitia

Intrate in conspectu ejus in exsultatione

Scitote quod dominus ipse est deus

Ipse fecit nos et non ipsi nos nos autem populus ejus et oves pascuae ejus

Benedictus es domine doce me justificationes tuas in labiis meis pronuntiavi omnia judicia oris tui

Manducaverunt et saturati sunt nimis et desiderium eorum attulit eis dominus non sunt fraudati a desiderio suo