Exaudi deus orationem meam et ne despexeris deprecationem meam intende in me et exaudi me

Quis dabit ex Sion salutare Israel cum averterit dominus captivitatem plebis suae exsultabit Jacob et laetabitur Israel

Ego clamavi quoniam exaudisti me deus inclina aurem tuam et exaudi verba mea custodi me domine ut pupillam oculi sub umbra alarum tuarum protege me

Exaudi domine justitiam meam intende deprecationem meam

Ab occultis meis munda me domine et ab alienis parce servo tuo

Si mei non fuerint dominati tunc immaculatus ero et emundabor a delicto maximo

Dextera domini*

Domine quis habitabit in tabernaculo tuo aut quis requiescet in monte sancto tuo qui ingreditur sine macula et operatur justitiam

Ego autem in domino speravi exsultabo et laetabor in tua misericordia quia respexisti humilitatem meam

In te domine speravi non confundar in aeternum in justitia tua libera me

Miserere mihi domine quoniam infirmus sum sana me domine

Conturbata sunt omnia ossa mea et anima mea turbata est valde

Domine fac mecum misericordiam tuam propter nomen tuum quia suavis est misericordia tua

Notas mihi fecisti vias vitae adimplebis me laetitia cum vultu tuo domine

Salus populi ego sum dicit dominus de quacumque tribulatione clamaverint ad me exaudiam eos et ero illorum dominus in perpetuum

Attendite popule meus legem meam inclinate aurem vestram in verba oris mei

Oculi omnium in te sperant domine et tu das illis escam in tempore opportuno

Aperis tu manum tuam et imples omne animal benedictione

Si ambulavero in medio tribulationis vivificabis me domine et super iram inimicorum meorum extendes manum tuam et salvum me fecit dextera tua

Tu mandasti mandata tua custodiri nimis utinam dirigantur viae meae ad custodiendas justificationes tuas

Fac mecum domine signum in bonum ut videant qui me oderunt et confundantur quoniam tu domine adjuvisti me et consolatus es me

Inclina domine aurem tuam et exaudi me quoniam inops et pauper sum ego

In deo speravit cor meum et adjutus sum et refloruit caro mea et ex voluntate mea confitebor illi

Ad te Domine clamavi deus meus ne sileas ne discedas a me

Intende voci orationis meae rex meus et deus meus quoniam ad te orabo domine

Qui biberit aquam quam ego do dicit dominus Samaritanae fiet in eo fons aquae salientis in vitam aeternam

Verba mea auribus percipe domine intellege clamorem meum intende voci orationis meae

Rex meus et deus meus

Si ambulem in medio umbrae mortis non timebo mala quoniam tu mecum es domine

Virga tua et baculus tuus ipsa me consolata sunt

Gressus meos dirige domine secundum eloquium tuum ut non dominetur omnis injustitia domine

Nemo te condemnavit mulier nemo domine nec ego te condemnabo jam amplius noli peccare

Laetare Jerusalem et conventum facite omnes qui diligitis eam gaudete cum laetitia qui in tristitia fuistis ut exsultetis et satiemini ab uberibus consolationis vestrae

Laetatus sum in his quae dicta sunt mihi in domum domini ibimus

Laetatus sum in his quae dicta sunt mihi in domum domini ibimus

Fiat pax in virtute tua et abundatia in turribus tuis

Qui confidunt in domino sicut mons Sion non commovebitur in aeternum qui habitat in Jerusalem

Montes in circuitu ejus et dominus in circuitu populi sui ex hoc nunc et usque in saeculum

Laudate dominum quia benignus est psallite nomini ejus quoniam suavis est omnia quaecumque voluit fecit in caelo et in terra

Jerusalem quae aedificatur ut civitas cujus participatio ejus in idipsum illuc enim ascenderunt tribus tribus domini ad confitendum nomini tuo domine

Deus in nomine tuo salvum me fac et in virtute tua judica me deus exaudi orationem meam

Quoniam alieni insurrexerunt in me et fortes quaesierunt animam meam

Esto mihi in deum protectorem et in locum refugii ut salvum me facias

Deus in te speravi domine non confundar in aeternum

Ab occultis meis munda me domine et ab alienis parce servo tuo

Exaudi deus orationem meam et ne despexeris deprecationem meam intende in me et exaudi me

Contristatus sum in exercitatione mea et conturbatus sum a voce inimici et a tribulatione peccatoris

Exsurge domine fer opem nobis et libera nos propter nomen tuum

Deus auribus nostris audivimus patres nostri annuntiaverunt nobis opus quod operatus es in diebus eorum in diebus antiquis

Exspectans exspectavi dominum et respexit me et exaudivit deprecationem meam et immisit in os meum canticum novum hymnum deo nostro

Laetabimur in salutari tuo et in nomine domini dei nostri magnificabimur

Dum sanctificatus fuero in vobis congregabo vos de universis terris et effundam super vos aquam mundam et mundabimini ab omnibus inquinamentis vestris et dabo vobis spiritum novum

Benedicam dominum in omni tempore semper laus ejus in ore meo

Venite filii audite me timorem domini docebo vos

Accedite ad eum et illuminamini et facies vestrae non confundentur

Beata gens cujus est dominus deus eorum populus quem elegit dominus in hereditatem sibi

Verbo domini caeli firmati sunt et spiritu oris ejus omnis virtus eorum

Benedicite gentes dominum deum nostrum et obaudite vocem laudis ejus qui posuit animam meam ad vitam et non dedit commoveri pedes meos benedictus dominus qui non amovit deprecationem meam et misericordiam suam a me alleluia

Lutum fecit ex sputo dominus et linivit oculos meos et abii et lavi et vidi et credidi deo

Laetetur cor quaerentium dominum quaerite dominum et confirmamini quaerite faciem ejus semper

Confitemini domino et invocate nomen ejus annuntiate inter gentes opera ejus

Respice domine in testamentum tuum et animas pauperum tuorum ne obliviscaris in finem

Exsurge domine et judica causam tuam memor esto opprobrii servorum tuorum

Domine ad adjuvandum me festina confundantur omnes qui cogitant servis tuis mala

Domine memorabor justitiae tuae solius deus docuisti me a juventute mea et usque in senectam et senium deus ne derelinquas me

Meditatio cordis mei in conspectu tuo semper domine adjutor meus et redemptor meus

Caeli enarrant gloriam dei et opera manuum ejus annuntiat firmamentum

Bonum est confidere in domino quam confidere in homine

Bonum est sperare in domino quam sperare in principibus

Populum humilem salvum facies domine et oculos superborum humiliabis quoniam quis deus praeter te domine

Videns dominus flentes sorores Lazari ad monumentum lacrimatus est coram Judaeis et clamabat Lazare veni foras et prodiit ligatis manibus et pedibus qui fuerat quatriduanus mortuus

Sitientes venite ad aquas dicit dominus et qui non habetis pretium venite bibite cum laetitia

Attendite popule meus legem meam inclinate aurem vestram in verba oris mei

Tibi domine derelictus est pauper pupillo tu eris adjutor

Ut quid domine recessisti longe despicis in opportunitatibus in tribulatione dum superbit impius incenditur pauper

Factus est dominus firmamentum meum et refugium meum et liberator meus sperabo in eum

Dominus regit me et nihil mihi deerit in loco pascuae ibi me collocavit super aquam refectionis educavit me

Judica me deus et discerne causam meam de gente non sancta ab homine iniquo et doloso eripe me quia tu es deus meus et fortitudo mea

Emitte lucem tuam et veritatem tuam ipsa me deduxerunt et adduxerunt in montem sanctum tuum et in tabernacula tua

Eripe me domine de inimicis meis doce me facere voluntatem tuam

Liberator meus domine de gentibus iracundis ab insurgentibus in me exaltabis me a viro iniquo eripies me

Saepe expugnaverunt me a juventute mea

Dicat nunc Israel saepe expugnaverunt me a juventute mea

Etenim non potuerunt mihi supra dorsum meum fabricaverunt peccatores

Prolongaverunt iniquitatem sibi dominus justus concidet cervices peccatorum

Confitebor tibi domine in toto corde meo retribue servo tuo vivam et custodiam sermones tuos vivifica me secundum verbum tuum domine

Hoc corpus quod pro vobis tradetur hic calix novi testamenti est in meo sanguine dicit dominus hoc facite quotiescumque sumitis in meam commemorationem

Miserere mihi domine quoniam conculcavit me homo tota die bellans tribulavit me

Conculcaverunt me inimici mei tota die quoniam multi bellantes adversum me

Deus exaudi orationem meam auribus percipe verba oris mei

Deus in nomine tuo salvum me fac et in virtute tua judica me

Domine convertere et eripe animam meam salvum me fac propter misericordiam tuam

Dominus virtutum ipse est rex gloriae

Exspecta dominum viriliter age et confortetur cor tuum et sustine dominum

Dominus illuminatio mea et salus mea quem timebo

Discerne causam meam domine ab homine iniquo et doloso eripe me

Emitte lucem tuam et veritatem tuam ipsa me deduxerunt et adduxerunt in montem sanctum tuum

Sperent in te omnes qui noverunt nomen tuum domine quoniam non derelinquis quaerentes te psallite domino qui habitat in Sion quoniam non est oblitus orationem pauperum

Redime me deus Israel ex omnibus angustiis meis

Liberator meus de gentibus iracundis ab insurgentibus in me exaltabis me a viro iniquo eripies me domine