Oravit sanctus Andreas dum respiceret caelos voce magna clamavit et dixit tu es deus meus quem vidi ne me patiaris ab impio judice deponi quia virtutem sanctae crucis agnovi

Tu es magister meus Christe quem dilexi quem cognovi quem confessus sum tantummodo in ista voce me exaudi

Expandi manus meas tota die in cruce ad populum non credentem sed contradicentem mihi qui ambulat vias non bonas sed post peccata sua

Deus ultionum dominus deus ultionum libere egit exaltare qui judicas terram redde retributionem superbis

Unus ex duobus qui secuti sunt dominum erat Andreas frater Simonis Petri alleluia

Beatus Andreas de cruce clamabat dicens domine Jesu Christe magister bone non jubeas me deponi de ista cruce nisi prius accipias spiritum meum

Quoniam tu es magister meus Christe in manus tuas commendo spiritum meum

Salve crux quae in corpore Christi dedicata es et ex membris ejus tamquam margaritis ornata suscipe discipulum ejus qui pependit in te

O bona crux diu desiderata et jam concupiscenti animo praeparata

Vir iste in populo suo mitissimus apparuit sanctitate autem et gratia plenus iste est qui assidue orat pro populo et pro civitate ista

Pro eo ut me diligerent detrahebant mihi ego autem orabam

Dilexit Andream dominus in odorem suavitatis dum penderet in cruce dignum sibi computavit martyrem quem vocavit apostolum dum esset in mare et ideo amicus dei appellatus est

Biduo vivens pendebat in cruce pro Christi nomine beatus Andreas et docebat populum

Salve crux pretiosa suscipe discipulum ejus qui pependit in te magister meus Christus

Beatus Andreas orabat dicens domine rex aeternae gloriae suscipe me pendentem in patibulo

Andreas Christi famulus dignus deo apostolus germanus Petri et in passione socius

Maximilla Christo amabilis tulit corpus apostoli optimo loco cum aromatibus sepelivit

Qui persequebantur justum demersisti eum domine in infernum et in ligno crucis dux justi fuisti

Concede nobis hominem justum redde nobis hominem sanctum ne interficias hominem deo carum justum mansuetum et pium

Cum pervenisset beatus Andreas ad locum ubi crux parata erat exclamavit et dixit o bona crux diu desiderata et jam concupiscenti animo praeparata securus et gaudens venio ad te ita ut et tu exsultans suscipias me discipulum ejus qui pependit in te

Sancte Eligi tu dulcedo pauperum tu pius consolator miserorum ora pro nobis

Orante sancto Eligio pro homine mortuo qui erat in patibulo anima deo reddita in corpore est reversa

Super cilicium Eligius ad dominum orabat odor quasi balsami domum illam replevit

Angelus domini Eligio dixit exaudita est deprecatio tua

Sancte Eligi tu dulcedo pauperum tu impar consolator miserorum ora pro nobis

Qui meriti caelitus celsi pii optima digne securus

Alme confessor domini praesul regis aeterni Eligi consors sanctorum concivis caelestium exaudi preces tuorum sume vota supplicum et pro nobis regem regum ipsum posce dominum

Jubilemus regi regum Christo mente cernua qui pontifici praecelso Eligio merito vana saecli triumphanti caeli dedit lauream

Igitur Eligius Lemovicas Cataracinsa villa oriundus electus a deo obdormiuit in domino

Eligius natus atque alitus cujus pater Eucherius mater vero Terrigia vocitata est

Dum adhuc Eligius matris esset in utero cognovit mater ejus fidelem Christi se portare

Eligius nutritus in fide recta imbutus est religione catholica pueritiae annos excedens dignum in cunctis praebebat ingenium

Erat enim Eligius statura prolixa facie rubicundus simplici et prudenti visu

Orabat jugiter pro donis caelestibus precabatur deum diebus ac noctibus qui erat omnibus tribuendo pius sibi soli abstinendo severus

Amavit eum dominus*

Sanctus vir dei Eligius dum in oratione prostratus obdormisset in momento visum est ei divinitus quondam repente astitisse et dixisse ecce Eligi exauditae sunt preces tuae concessaque indicio quaesita hoc ergo fuit initium virtutum ejus

Mox ille excitatus odorem sensit gratissimum et guttas suavissimas supra suum defluere caput

Rutilabat Eligius specie in virtute robustus regi subditus Christo devotus cuncto populo instar lampadis magnae micabat.

Ita animos ecclesiasticae intonsus informabat ut jam divinitus pontificis gratiam possideret

Sedens Eligius et fabricans indefossum codicem sibi praeparabat apertum et quasi apis prudentissima legens flores in alveario mentis recondebat

Duplum gerens officium manus usibus humanis mentem mancipabat divinis

Miles Christi gloriose Eligi sanctissime tuo pio interventu culpas nostras ablue

Ut caelestis regni sedem valeamus scandere

Gloria patri et filio et spiritui sancto

Culpas nostras ac delicta ablue ne differas polorumque vera gaudia impetret regna nexorumque vincla et reorum peccamina ablue

O imitabilem virum quicquid habere potuisset in loco sanctorum in eleemosynas egentium in pretia captivorum in remedia debilium expendebat

Vir dei Eligius dum supra ecclesiam globos flammarum ferri videret attollens vocen cum gemitu dixit o sancte marcialis cur domini tuae non succurris certe noveris si crematur numquam ab Eligio restaurabitur

Quidam habens manum aridam cum ad eleemosynam tenderet alteram Eligius ait non hanc sed alteram praebe apprehensamque manum extraxit et curvos digitos direxit

Cum turba fortuitu fit pauperum sancto obviam ex vino exiguo potatis non defecit merum ut non augeri sed nasci videretur

Stabat sublimis frondea nucibus inhibitis referta Eligius cernens arescat inquit in te fructus post dictum siccis medullis permansit mortua ramis

Multitudo pauperum ad Eligium veniebat ille gaudens tribuebat eis eleemosynam

Subtrahens caecus manum ab eleemosyna dixit domine Eligi habe in me pietatem oculis crucem imprime quod magis desidero praebe et statim diu clausas reseravit sub fronte fenestras

Tu inquit amice non nosti te signare tunc ait caecus domine tu signa ille fidem cernens signum crucis impressit

Celsa fide promeruit Eligius honore dignus ut praesul esset credentibus qui post annorum cursum Christi nutu consecratur sacerdos

Aurificem invictum detonsum constituerunt custodem urbium

Decumbebat claudus in pavimento artatus cujus manu porrecta purgavit lurida membra et accepit morbus mortem morbidus recepit salutem

Si in Christo inquit spem habes cur hic inaniter jaces in nomine Jesu Cristi surge

Sancte Eligi*

O quanta Eligii industria ab errore gentilium retracta venerabilem Christi confessorem domini vincti sunt greges

Sacerdos dei Eligius artificem jussit vocari et infirmitatem parietis basilicae solidare dicens si modo non emendatur me jam superstite in corpore non emendabitur

Cui cum dicerent discipuli oportunum tempus domine expectetur ille respondit

Discipuli in maerorem versi Eligius dixit nolite contristari hoc tempus olim desiderabam valete viscera mea

Eligius enim migrat et jam in hoc saeculo non erit vobiscum

Eligius inter verba orationis spiritum emisit et statim visa est sphaera ignea crucis modum praeferens caelum penetrare

Caelo gaudente terra plorante sancta ejus anima ovans conscendit

Sint lumbi*

Sacerdos dei Eligius artificem jussit vocari et infirmitatem parietis basilicae solidare dicens si modo non emendatur me jam superstite in corpore non emendabitur

Non contingat umquam haec domine famulis tuis videre quae loqueris senium te non compellit ut non migres potius nobis orphanis miserere quos deseris

Gaudere vos filioli potius convenit quam lugere quia si corpore absens suero spiritu vobis melius praesens ero valete in pace viscera mea

In extremis jam positus Eligius in voce prorumpens ait domine memento mei redemptor mundi in manus tuas Christe commendo spiritum meum

Valete filioli carissimi in pace Christi viscera mea

Inter verba orationis flagitata a superis beatus Eligius emisit spiritum statim visa est sphaera ignea similitudinem crucis praeferens ex eadem domo altitudinem caeli penetrare hoc ordine sacta ejus anima caelo gaudente terra plorante angelis etiam plaudentibus tandem ovans conscendit

O sanctum virum decus sacerdotum cujus anima felix vernat in gloria unde laetantur prophetae decorantur martyres virginum turba resultat quem chorus caelestis angelorum invitat dicens mane nobiscum in saecula

O per omnia*

Dum vero*

Jam quodammodo*

O pastor aeterne o clemens et bone custos qui dum devoti gregis preces attenderes voce lapsa de caelo praesuli sanctissimo dignum episcopatu Nicolaum ostendisti tuum famulum

Adoremus regem saeculorum in quo vivit Nicolaus honor sacerdotum

Nobilissimis siquidem natalibus ortus velut lucifer Nicolaus emicuit

Hic dum matris adhuc lacte nutriretur quarta et sexta feria semel in die papillas bibebat

Jam decus lactentium Nicolaus mirabili portendebat auspicio sanctae parsimoniae tempus

Postquam domi puerilem decurrit aetatem cunctis mundi hujus spretis oblectationibus Christi se jugo subiciens documentis sanctis suum praebuit auditum

Ad quantam vero messem divina convaluerunt in eo semina sequentia pietatis opera profitentur

Pudore bono repletus dei famulus sumptibus datis stupri nefas prohibuit

Amavit eum dominus R. Et ornavit*

Confessor dei Nicolaus nobilis progenie sed nobilior moribus ab ipso puerili aevo secutus dominum meruit divina revelatione ad summum provehi sacerdotium

Erat enim valde compatiens et super afflictos pia gestans viscera

Dum vero adhuc penderet ad ubera matris o nova res quarta feria et sexta semel in die papillas bibebat

Jam quodammodo sacri jejunii se futurum praesignans amatorem Nicolaus

Quantam denique messem in eo divina semina creaverunt innumera pietatis officia quibus cottidie strenuus insudabat praeconantur

Transitoriam felicitatem quanti penderet et caelestis regni gloriam

Operibus sanctis Nicolaus humiliter insistens revelatione divina provectus est ad summum sacerdotii gradum

Voce quippe de caelo lapsa quidam insinuatur praesuli dignum episcopatu Nicolaum

Auro virginum incestus auro patris earum inopiam auro prorsus utrorumque detestabilem infamiam dei servus ademit Nicolaus

Innocenter puerilia jura transcendens evangelicae institutionis discipulus effectus est

Gloriam mundi sprevit cum suis oblectationibus et ideo meruit provehi ad summum sacerdotii gradum

Pontifices almi divina revelatione laetificati Nicolaum praesulem devotissime consecraverunt

Sanctus quidem triticum quod a nautis postulaverat acceptum et sagacitate distribuere et augeri precibus impetravit

Muneribus datis neci sunt juvenes innocenter addicti quibus domini servus fuit vitae praesidium festinanter

Quadam die tempestate saevissima quassati nautae coeperunt sanctum vocare Nicolaum et statim cessavit tempestas