Omnes gentes per gyrum crediderunt Christo domino

Dedisti domine habitaculum martyri tuo Clementi in mari in modum templi marmorei angelicis manibus praeparatum iter praebens populo terrae ut enarrent mirabilia tua

Dedisti domine habitaculum*

Ave virgo gloriosa clarior sideribus cujus vultum ac decorem concupivit dominus funde preces creatori pro tuis supplicibus

Surge virgo et nostras sponso preces aperi tua vox est dulcis in aure domini quae pausas sub umbra dilecti ab aestu mundi transfer nos ad amoena paradisi

Pulchrae Sion filia pro mortali tunica agni tecta vellere et corona gloriae

Gloria patri et filio et spiritui sancto

Ave gemma claritatis ad instar carbunculi ave rosa paradisi more fragrans balsami Catharina virgo felix gloriosa meritis assistentes tuis festis caeli junge gaudiis

Adoremus virginum regem in saeculorum saecula qui virgini Catharinae contulit caelestia

Virgo regalis fidei merito specialis ut jubar in tenebris virgo Catharina refulsit

Haec dominum caeli complectens mente fideli respuit errorem mundi labentis amorem

Membra redemptoris fidei Maxentius hostis undique caedebat gladius per cuncta furebat

Sancta virgo Catharina Costi regis filia summo patre deo digna mundi sprevit gaudia

Tam divinis quam humanis erudita studiis

Cogit Caesar Christi servos libare demonibus sed tyranni virgo jussa voce damnat libera

Saevit hostis innocentes perimens atrociter

Virgo prudens et electa dei sapientia oratorum argumenta vicit et versutias

Ab angelo confortata plena dei gratia

Gloria patri et filio et spiritui sancto

Caesaris intrepide studiis praeclara sophiae arguit errorem malesanum virgo furorem

Non cedens monitis mactatur verbere mitis carcere damnatur nec virgo sic superatur

Cesar ut invictam penitus vidit catharinam ut leo crudelis iubet hanc discerpere penis

Sponsa Christi gloriosa gaudet inter verbera nulla movent hanc promissa nec terrent supplicia

Caritate vulnerata tendit ad caelestia

Christus sanctam tenebroso reclusam ergastulo miro satis atque blando confortat adloquio

Salve virgo benedicta quam Christi praesentia

O mater nostra ter sancta quaterque beata cum prece devota famulantum suscipe vota

Jam Christo juncta sponsoque tuo sociata

Gloria patri et filio et spiritui sancto

Aeternae virgo memoriae quam sibi despondit rex gloriae | virginis proles eximiae sponsusque virginis ecclesiae | tu gaudens hodie de dono gratiae | et cantas in caelis carmen laetitiae | te laudantes in terra respice | atque nostra tu suscipe vota

Machina poenalis nutu dispacta tonantis martyre non lesa dedit orco milia cesa

Martyr ut oravit gladium subit aethera scandit sponsus honorque datur cum sponso deliciatur

Virginis ex oleo quod manat corpore sacro certa medela datur morbi genus omne fugatur

Surge virgo*

Corpus virgineum Christi venerabile templum monte Sina angelico conditur obsequio

Purus in aetherea cum sancti spiritus aula

O Christi pietas o virtus atque potestas virginis ex membris sacri fluit unda liquoris unde fides aegris infundit dona salutis

Virginis ob meritum manet hoc memorabile signum

Gloria patri et filio et spiritui sancto

Passionem gloriosae virginis Catharinae plebs celebret fidelis quae sui memores deo commendet precibus et juvat beneficiis

Post plurima supplicia martyr alma ad decollandum est ducta ad caelum manus oculos tendens collum pro jugulo orat dans gloriam deo

Exspecto pro te gladium Jesu rex bone tu meum da paradiso spiritum et fac misericordiam meam agentibus memoriam

Vox de caelis insonuit veni dilecta mea veni intra thalamum sponsi tui quod postulas impetrasti pro quibus oras salvi sunt

Benedictus dominus rex caelestis qui per merita beatae Catharinae virginis medelam languidis praestat sanitatis ipsius corporis oleo feliciter perunctis

Veni sponsa Christi accipe coronam

Prudens et vigilans virgo qualis es cum sponso illo qui te elegit de mundo quam pulchra es quam mirabilis quanta luce spectabilis inter Sion juvenculas et Jerusalem filias thalamo gaudens regio conjuncta dei filio

Voce cordis et oris in laudem sui redemptoris consurgat omnis fidelis cujus mediante gratia martyr et virgo Catharina facto clamore hora matutina exivit obviam Christo sponso qui sedens super cherubim cuncta videt in absconso ferens sertum rosae et lilii cum triumpho martyrii evasit minas tortorum o beata virgo ora jugiter pro reatibus supplicum tuorum

In splendore fulgurantis hastae suae deus et homo regnavit a ligno et in virtute clavorum suorum regna daemonum contrita sunt alleluia

Videte gloriosa*

Pange lingua gloriosae lanceae praeconium per quam nobis copiose sacrum fluit lavacrum passo Christo dolorose pro salute gentium

Hasta nitet margaritis nimis coruscantibus mucro gemmis infinitis sanguine vernantibus muniamur armis istis caelis exclamantibus

Dulcis hasta latus dei te replevit sanguine dulcis mucro per cor dei volvitur in flumine sic salvantur omnes rei tanto dei munere

Armat hasta viatores ne frangantur taedio mucro lavat peccatores in ferventi fluvio roborantur bellatores ne ruant in proelio

Imperator splendor patris cum clavis et lancea mundum purgat a peccatis pro sua clementia salve tantae pietatis infinita gratia

Gloria et honor deo in paschali gaudio laus aeterna sit pro eo quod gessit in filio fixa sit in corde meo crux cum suo domino

Accipiet armaturam zelus illius alleluia R. Et armabit creaturam ad ultionem inimicorum alleluia

Gaude pia plebs justorum omne genus Germanorum tantis de muneribus nam clenodia salutis tibi dedit rex virtutis suis de vulneribus clavos lanceam et crucem haec sacra magnalia ergo Christum vitae ducem excole per omnia alleluia

Caelestis regis lanceam venite adoremus et pro clavis ipsius Christo jubilemus alleluia

Principes et populi convenerunt temere gentiles et increduli Christum crucifigere alleluia

Jesus nostra spes suavis matris a uberibus est pro nobis fossus clavis palmis atque pedibus alleluia

Exaltatus crucis ligno dum Christus occubuit lanceatus a maligno hoste nos eripuit alleluia

Fui flagellatus tota die alleluia R. Et castigatio mea in matutinis alleluia

Vibrans miles lanceam acutissima aperuit templum sanctum gloriae dei In quo habitat plenitudo divinitatis et ego nesciebam alleluia

Ibi abscondita est fortitudo ejus ante faciem ejus ibit mors

Ubi est hasta regis et potus fellis fixa est intus in corde suo vivit dominus filii mortis estis vos qui interfecistis dominum nostrum regem alleluia

Vidi multitudinem angelorum volantium per medium caeli voce magna clamantium et dicentium

Videte gloriosa loca clavorum et latus meum lancea perforatum pro salute mundi Palpate et videte quia ego ipse sum alleluia

Vere languores vestros ego tuli et dolores vestros ego portavi

Gloria patri et filio et spiritui sancto

Dicite in nationibus alleluia*

Hasta regis gloriae Christum cruentavit cum in crucis arbore dominus regnavit alleluia

Hanc tremendam lanceam omnes adoremus et in ejus laudibus semper jubilemus alleluia

Alme deus deus meus cum clavis et lancea semper sis protector meus pro tua clementia alleluia

Tres clavos cum lancea sole clariores Michael tunc afferet contra peccatores alleluia

Sempiterna gaudia Christus tunc donavit cum clavis et lancea mortem superavit alleluia

Per lanceam tuam de inimicis nostris alleluia libera nos deus noster alleluia

O felix et omni laude digna lancea salvatoris quae pertransiens latus ejus et corda daemonum transfodiens et devastans affixit ea patibulo crucis in aeternum alleluia

Apprehende arma et scutum alleluia alleluia

Et exsurge in adjutorium meum

Gloria patri et filio et spiritui sancto

Foderunt manus meas et pedes meos alleluia

Foderunt manus meas et pedes meos alleluia alleluia

Dinumeraverunt omnia ossa mea

Gloria patri et filio et spiritui sancto

Quem tu percussisti persecuti sunt alleluia

Quem tu percussisti persecuti sunt alleluia alleluia

Et super dolorem vulnerum meorum addiderunt

Gloria patri et filio et spiritui sancto

Ipse vulneratus est propter iniquitates nostras alleluia attritus est propter scelera nostra alleluia

Alme deus*

Pange lingua*

Accipiet armaturam zelus illius alleluia*

Collaudemus Christi clementiam qui per gloriosos clavos et lanceam dat ecclesiae de inimicis victoriam et in caelo vitam et coronam perpetuam alleluia

Stabat mater dolorosa juxta crucem lacrimosa dum penderet filius alleluia

Cum esset rex in accubitu tam amaro nardus matris dedit odorem compassionis alleluia

Quis non fleret si videret in tanto supplicio talem matrem condolentem moerienti filio alleluia

Cujus animam gementem contristatam et dolentem pertransivit gladius alleluia

O quam tristis et afflicta fuit illa benedicta de morte sui filii alleluia

Fulcite me floribus stipate me malis alleluia quia amore langueo alleluia alleluia

Adjuro vos filiae Jerusalem si inveneritis dilectum ut annuntietis ei